He kan chenna Zoram zimteah hian political party reng mai kan ngah ta. An vai mai hian sorkar lah chu an tum vek mai chu a ni si a. Hetiang teh hrepa inbei hmingchhe tawn chiam chiam lo hian party pakhatah inchhun fin rup mai se. Heti taka lal chaka then then ta hlawm chu tuma chawhbuai lohin an lal suau suau mai tur a nih dawn vei nen, a pawi a ni e. Mahni te tea nuam zawng zawng neih vek tum tlat mai hi zawng. Kohhran te pawh hi an beramte Vanram kan kai loh an hlau tak tak a nih chuan inchhun fin se, chunglam a mi rawng chu bawl ho tel tel awm. Mi pakhat tawrhna leh thihna inzirtirna \heuh \heuh. Chutih hunah zet chuan tu pa duhthusam emaw ang khan Missionnary nuai khat chauh ni tawh lovin, nuai hnih leh \hahnemngaih thil deuhin sang khat te pawh kan belh hial anga, ram pawnah kan thawnchhuak chum chum tawh mai dawn a sin.
Tlangvala
————–
ZONET lam inti \ha e. Pu Zoramthanga kawmna inrawn tichhuak kha \ha ka ti lutuk. A chhan chu ZPM-in unit an nei lo a tih kha a dawt sawi awlsam zia a rawn tarlang hlauh mai a, a inpuang a ni ber a lawm. Hei hi a lawm dawt an sawi \hin kha thu tak emaw kan ti mai zel a, kan ring sual leh \hin.
9862419552
————
Kan ram inthlang leh tur hi a va huphurhawm em aw! Vote thlak loh theih loh. Kan mawhphurhna, kan tih ve ngei ngei tur a ni bawk si. Zoram hmangaihtu an tam leh dawn si. Thlang tling ila Zoram aiin an chhungkua, vua leh vang an hmangaih leh dawn chiang si a le. SIMNA TEL LOVA PIANGTHAR tih ang maiin ZORAM AIA MAHNI INHMANGAIH,
ZORAM A DERA VEI. Kei zawng ka rilru a hah khawp mai. Tumah hi ka ring thei ngang lo. Hetiang a nih avang hian kei leh ka chhungkua vote 7 nei hian inthlan hma ngeia kan chhungkua intunnunna min pe thei thei tia ram leh hnam ngaihtuah lova sem policy hi advance-a mahni \anghma hai ve mai hi ka duh tawh mai.
RT KHIANGTE
————
Nl. Vanlalzawmpuii ZONET Mizo Idol i nih ngei theih nan kan lo \awng\aipui \hin a che. Lawngtlai lama i fans te leh USA leh rawng i bawl tawhna Halkha, Falam te pawhin an \an hle che tih kha hre reng la, zam lovin kal zel ang che.
CHINZAH FAMILY
——————-
General Election kan lo hnaih leh ta a, kum 9 chuang lai MLA ni mekte pawn kha chen an bialte tana an tih miah loh kha tunah chuan eng engemaw an sem leh ta chur chur mai a, an bialte hi hmangaih tak tak ni se, a hun hmasa lamah khan an sem tawh tur a ni. Tuna an sem chauh hi chu bialte hmangaih tak takna vang a ni lo, tlin loh an hlauh vang mai a ni tih a chiang a, mipui hi i harh ang u.
MLA, bialte hmangaih tak taktute chuan an tlin tirh a\ang khan an bial \ha takin an fang a, MLA fund an neih ang ang pawh an bial tan an hmang a, tunah an hmang thar thut lo a ni.
NLUP pawh hi tun inthlan hnai tawh taka sorkarin a sem zel pawh hi eng dang vang ni lovin mi \henkhatten “mipui vote lei nan an hmang” an tih hi thudik a ni. Mihring puitling ni ve bawk si, lei kawi mai mai theih lah kan tam si a, sorkar min sawisak danah te hian thinrimna chang i hria ang u. Sawhthingte hi Kg ah Rs. 50/- ni se kan thlai tharte hi hralh zung zung ila tunge NLUP cheng sing hnih, sing li tih vel mai maia lei thei awm ang? Sorkarin min enkawl dan hi chu Mizoram hian nuhrawn sual tak kan hrawn a ni ber mai. Kan Zoram hian hmangaihtu dik tak, a ngaihna hria a mamawh takzet a ni.
MESAKA PA
————–
Lalzawmpuii (Zawmi) Lawngtlai khua kha a va zaithiam em em ve mawle. Kan Idol a ni e. Khatiang khawpa zaithiam kha Chhimtuipuiah hian an lo awm a ni maw!
Moses pa
—————
Mizo Idol kan neih mek hi an zaithiam hlawmin a en manhla khawpin ka hria. Mahse, en ti nuam lo tu pakhat nia ka hriat chu camera technique thar niawm taka unfocused to focus cameraman ten an hman hi mixing lam an che rang tawk leh si lova, en a ti hrehawm khawp mai.
9436140265
————-
Keini Presbyterian Kohhran Sunday School zirlai hi Mizoram dinhmun nen a inhmeh thei viau zel mai a! Kum thum lai kal taa lo rel lawk sa diam tawh kha kan zir deuh zel a. Kumin pawh hian Chronicles 1&2-na kan zir mek a. Awmzia nei leh ngei turah ngai ila.
Pathianni kal ta khan Juda lal, Abija leh Israel lal Jeroboama indo thu kan zir a, a ngaihnawm piah lamah awmzia a nei ril viau mai thei.
Abija aia sipai a leta nei tam zawk Jeroboama khan sum leh pai hmanga inlei tling chawp mai mai milem Pathian betu puithiamte kha a hmatheha, sipai a ngah zawk kha a hmachhuan tel ran bawk a, fing takin ruang chaicheh a thlak nghe nghe a. Mihring ngaihtuahnaah chuan chak zawk ngei tura ngaih a ni.
Amaherawhchu, Juda lal Abija khan hmasang a\anga an pi leh pute Pathian kha hmatheh ve thungin puithiam ziding dik tak Levia chite chu hmathehin a hmachhawn ve ta thung a. A leta sipai nei tlem zawk nimahse hnehna a chang ta ni kha.
Mizote hian kumin MLA inthlan turah hian Pathian ring ngamin a thiltihtheihna kan hmachhuan ve ngam tur a ni dawn lo’m ni?
RL Chhanhima
————–
ZONET chanchin thar puangtu Lallianpuii Ralte hi a hmel\ha lutuk a, ka rilru a tibuai pha tlat. Pu Zonet a bio-data min rawn hrilh ve teh. Nizan pawh amah vang hian ka mu hlei thei tawh lo a nia!
9862566388
———–
Ruling MLA leh Minister-te chauh hi kan sel \hin a, opposition MLA-te pawh hi an thau kung kung ve tho mai. Ham\hatna dawn kawngah chuan opposition rilru leh mipui hmangaihna a lang lem lo a nia nge.
LB-a pa
—————
