Bihar State Laloo-a’n a duh dan dan a, a enkawl lai ang mai kha kan ang cho leh zel dawn ta a nih hi maw! Ram hruaitu a tana kan duh tawh loh hnu kha kan han thlang tling leh ngat mai a nia. Hei tunah pawh keini mipuite dinhmun tur chu a lang leh ta ruak mai a nih hi.
A bikin keini kuthnathawktute kan dinchhuah ve ngeina tur atana kan thlai tharte min leisak a, market min zawn sak a, kan \halaiten hna zawng buai reng lova, hna hmuh loh awm lo leh khawpui pan ngai lova taima tak leh rilru nei taka feh kawng zawh bel a, anmahni kawtkai ngeia an hausak ve theihna atana Policy leh CM tur nei \ha ZPM kan hnawl hi a pawi ta a nih hi. Tunah zawng kan ram hi \halaite leh kuthnathawktute vahvaihna ram leh beidawnna ramah a lo chang ta zel a nih hi. A bikin keini thingtlang lam phei chu vui thei kan ni lo, mahni tana \ha tur pawh thliar thei lo, party politics ruihchilh a, cheng nuai 3 beisei a, an \ha lo a ni tih hre reng chunga vote tlingtute kha kan ni miau alawm le. Kan tu kan fate chu khawpuiah, State \henawmah, foreign thlengin an vakvai ta a nih hi. A mawh chu kan phurh tluan \hak ngam a ngai ta a nih hi maw. Hawh u, i din thar leh ang u.
Thingtlang Pa
9366630785
An party-in Citizenship Amendment an duh loh tak tak chuan Pu Amit Shah lo zin lai kherin NDA a\anga an banna ualau thei ang bera an puan ka phut tlat. “Amah kan bia, kan duh loh zia kan sawi” tih mai mai a tawk lo.
9436197357
Pathianni Laisawral khuaa P&E Deptt. Muster Roll Pu Biakkima chu transformer chiang lo a siamna lamah current-in a man hlauh mai a, a ban dinglam a kang ut deuh vek. Aizawl lam panpui an tum a, Muster Roll te hian tawhsual an tawk ngun malh malh hle a, lukhawng erawh an nei lo. Pute hrawn fuh deuh chuan \anpuina tlem azawng an dawng ve chauh zawk. Kan sorkar thar chak tak hian Muster Roll te dinhmun hi hre thar lehin tun dinhmun aia ziaawm zawk hian hlangkai mawlh teh se.
LB-a pa
8414029478
Kan sorkar chuan Under Secretary chung lam chin laptop leisak a tum maw? A va rapthlak em ! Tu emaw sum siamna tur te pawh a ang ka ti. Heng officer rual hlawh tam tak tak ho hian an mamawh a nih chuan an lei thei lutuk. Kan State retheih tawh tehreng nen. Enga tinge a tlaran zawnga kan kal tlat mai le? France rama doctor te chu an hlawh sorkarin tihsan a tum pawhin an duh lova, an nuar zawk a nih kha. An duh loh chhan pawh an hlawh san ai kha sorkarin ram inrelbawl nan hmang zawk se an ti a ni. Chuvangin nangni Secretary rualte u ka ngen a che u, Mizoram hi inhmangaih a nih chuan he thil sorkarin leisak che u a tum hi la lo ngam ula, inmamawh a nih chuan inhlawh leh in GP Fund a\angte khan lo lei ve zawk rawh u tiin ka ngen che u a ni e.
Tluangtea Ni, Aizawl
7005110903
Tunlai hian North East-ah naupang kidnap-a, an organ \henkhat, Kal (kidney) lak ching tih vel hi Social Media-ah a Video leh thu-in hmuh tur a tam si a, enga tinge chanchin \harah hian puan zar a nih loh le? Puan chi a nih leh nih loh chu ka hre lo na a, mahse, mipui kan lo fimkhur theih nan puan te hi a \ha lo maw te ka lo ti ve mai mai a.
9612190899
Zonet-ah hian mi kawmtu leh han puang vel tur hian aw tho leh harh vang nula Zonuni te kha han hmang leh ula kan en peih deuh ang. |awng mawi tum, zaidam tum, aw tho lo, \awng ki zawi vel hi lemchanna a ni. Ngaihthlak a hneawm.
9862362440
Pute u kan ration card siam dan hi ennawn leh a hun tawh lo maw? BPL Ration Card siam laia awm te kha tunah chuan khaw sa nuam tak te an lo awm ve thei a. AP-a awm kha rethei tak te awm theih leh a. A bik takin thingtlanga khawsa phei chu kan dinhmun hi a inthlak thut thut a nia. Han ennawn leh teh u a.
Dindini pu
8974244232
MNF sorkar hian \um hnih min barakhaih ta! |um khat chu an han sorkar chiah khan kawng an dah pawimawh a, sorkar hmasa hun chhung zawnga kawng chhe lutuk kha thla tam a liam hma-in an siam \ha ta zung zung mai a, kan va thlang fuh em kan ti hlawm a ni. Barakhaih vawi hnihna – an dil leh an mamawh pawh ni hauh lo, Secretariat officer rualte, cheng nuai tam tak senga, Laptop, Tablet tih ang reng lei sak an tum ringawt hi a ni. State pachhe ber tal vel dan a tan chuan a mak a, min barakhaih nasa. A thawhpuite a rawn lova, a tipawp mai nge, a rawna an pawmpui? A enga pawh ni se a mak hrim hrim.
RK Sanga
9862366590
Kan CM ni mek hi a thil tih lam i en ang u. New Capital complex, Serlui B Tuikhuah pam\ul san tih puitlin, Millennium Centre adt.a tam mai; sawi vek sen a ni lo tlat.
Thlirtu
8729984567
India leh MNF ten remna thuthlung an siam dawn a, MPC ten CADC \hiat tura kan tih \hiat si lova Mizote tana \ha ber tura duan a ni an ti a, Chakma Foreigner te kan buaipui reng tho si tia Fakselnaa rawn sawitu khan India leh MNF ten Mizoram tana remna thuthlung an ziah khan Chakma foreigner lo lut turte hi remna thuthlunga ziah tel ve a ni lova, Mizote tan a \ha thei ang ber tura duan a ni a, Mizoramah a ruk a ralin an rawn lut mai a nih hmel ve. Chutiang i lo hmute a nih chuan an mawngtamah hlap la, rang mangkhengin umchhuak vat mai rawh. I ngam loh paw’n kan pui mai ang che, zam suh.
Tlabung Uitangrual
