Kan ram tluchhe mek tungding leh tur hian mi \ha, mi rinawm, mi pamham lo, eirukna do tlat kan mamawh tawh takzet. MNF leh Congress chuan ram hmasawnna aiin anmahni pumpui hma chiah an ngaihtuah. Chuvangin tun \um MLA thlanah chuan i thlang lo ngam tawh ang u.
Marami, Kawnpui
————
Kum 5 chhung zu zuar leh tur chuan Congress chu ka thlang ngam tawh lo. Pathian thinurna kan tawngbaw tawh ngei ang. Pathian pawh zah tawh lo an ni si a.
Zuala & party
———–
ZIRLAI LEH YMA hruaitu nih laia Chakma ADC leh BRU te vei em em, MLA nih hnua vei leh ta lo hi engzat tak awm zel ang maw?
The Communists
————
BJP chu ka ni lova, mahse BJP Mizovin kan hmuh dan hi a dik ber em aw ka ti. Thil pakhat lek han tarlang ila. Aadhaar Card hi a duhin neih a, a duhlovin neih loh mai tur an tih laiin keini Mizote chuan thil pawimawh berah kan dah a, eng eng emaw nena zawm tur kan tithul, kan bawh hum hum a ni lo’m ni? Pu Modia hmalakna reng reng chu \ha kan ti hle sia, a englai tak hi nge maw kan hlauha, a eng laiah ber nge maw BJP hian hlauhawmna a neih bik le? Sakhaw zalenna ram a nih hi mawle. A hlauhawmna min han hrilh teh u’n.
Dindini pu
———–
Bible-in thawk lo chuan ei pawh ei suh se a ti a, ram leh hnam tan nunna hlan chu sawi loh hrehawm tuara chaw vawi khat pawh la nghei ngai loten thla hnih khat lekah ZPM-in CM satliah mai pawh ni lo, Super Chief Minister neih an tum nghal mai hi chu. Pu K. Sapdanga pawh hian Pathian thu nen han hmehbel tum viau \hin mahse, rinna hi thiltih tel lo chuan thi a ni tih Bible-in a lo sawi bawk si a. Fakselna leh Facebook-ah te Congress leh MNF sawichhiatna leh anmahni infak an thiam hle tih loh hi chu ZPM ho hian ram leh hnam tana thawhchhuah an neih ve hmuh leh hriat tur a la awm lo tlat.
Tlabung Uitangrual
———–
Aizawl Traffic jam tih ziaawmna tur atan chuan hetiang hian a \ha ang. Entirnan kawng intawhkhawmna hmun Vanapa Hall hnuai a\anga lo chhuk thla, Vaivakawn pan tur leh Zodin pan tur hi fly over-in siam se, a dang pawh chutiang zelin. Motor lian chu a hnuai zelah an kal anga, motor te te chu a chunglamah an tlan anga, kawng peng\huam hi lai hniam (rawt hniam deuh) ni bawk se, a kraws tu chu a sang lutuk lo deuh anga, a \ha hlein ka ring. E, taka, tun \um MLA thlan chu a bik takin thingtlang unaute harh mawlh teh u. Thlai thar man man zawka lei thei, kuthnathawkte ngai pawimawh thlanchhuah a hun tawh takzet a ni.
PAVALAI
————
Kan Zoram Kristianna tlak hniam sawt zia ka ngaihtuah a, Baptist hmunpui meuh pawhin Evangelist a tirhchhuah duh zingah zu zuar support lui tlat a tirchhuak duh a ni tih han hmuh hian ngaihtuahna a kal thui khawp mai. Headquarters lam hian thlir zau deuh se a lawmawm ngawt ang.
Carolini pu
————-
Inthlan thirlawkna ka en hian ka zak \hin. Kan Politician-te hian ram kaihhruai an tum dan aia party dang sawi chhiatna thu an phuh chhuak tam zawk ziah hi zak ve teh se. Ram hmangaihna kawng an zawh thlawt lo.
Zova
————
Pu Faksel, heng zawhna te hi min han chhan sak dawn teh. AMC dintu? Tunge SIRD din? Tunge Police Battalion thar 4 din? Tunge DIET 6 din? Tunge Vety College din? UD&PA Deptt. tunge din? Tunge Mizoram College 13 provincialise? Tunge zirlai chaw chhun pe? Tunge Serlui B Hydel Project din?
Tunge ICFAI University din? A chhanna – MNF Party mawle.
Zarkawt Pa
————
Tun \um inthlanah hian Congress kan vote tling leh a nih chuan Zoram Kristian ramah hian ZU zuar leh ila, hmeithai leh fahrah i pun tir leh ang u kan tihna a ni anga, MNF kan vote a nih chuan kan Zoram damlo thi \ep hi i tuam dam leh ang u, hmasawnna thar nen raltiang ram i kai ang u kan tihna a ni ang. BJP kan vote chuan kan Kristianna hi kan hralh tihna ani anga, ZPM kan vote a nih hlauh chuan tum bulbal nei lo, engmah lo tur kan thlang tihna a ni dawn a ni. Mizoram chhunga hnam hrang hrangte Mizo vek, chhul khat kual unau kan ni. Kan ram, kan hnam a dam theihna tur chuan MNF ngei hi kan vote a ngai a ni. Tih dik loh leh fel lo chu tam tak an nei ang, tunah insiam\hain puan ven an sawi chhinga, Mizo hnam damna turin Van Pathianin min pek chu MNF ngei hi a ni e.
Lawngtlai pa
————
Kawrtethawvengah hian Airtel tower a awm ve a, khawchhung leh \henawm khuaa customer ten kan chhawr \angkai hle. Mahse, hei ni hnih vel power supply a awm tawh lova, network chu a chhe nghal em em mai a. Tower-ah hian generator awm tho mahse, a enkawltute hian diesel an hralh nasat avangin khawl an tinung thei ta meuh lo a niin an sawi a. Generator a nun hi chuan network a \ha em em a, a pawi khawp mai. A enkawltu nih vanga hetianga diesel hralh vak vaka customer-te tawrhna thleng leh \hin hi thuneitu (company) lam khan rawn bengkhawn teh u.
———–
Kum tawp Assembly inthlan chu Kohhran leh YMA ten ngun taka ngaihtuah a ngai hle ang. Ruihhlo, zu nen thinlung takin kan do em? Inthlan rizal chhuah hunah i vote hmangin i duh zawng i ti lang dawn. Sual do turin ke i pen leh ngam dawn em?
ZNT Khiangte
————
Engmah an ni bik chuang lovang tiha vote loh ai chuan engmah ni lo sa te vote hi a hlauhawm fe zawk a ni. Chhut ve mah teh.
Tlumtea
———–
Pu ZONET, ni 12.10. 2018 khan MPF-in Joint Platform a buatsaiha, khatah khan Party President \heuh tel turin a beisei a, mahse President pahnihte an kal ve lova, an party aiawh an lo tira, policy hmathlir an sawi \heuh a, inthlan hunah lo sorkar ta sela an thusawi kha an puin a duh loh chuan awmzia a nei dawn em ni tih ka lo ngaihtuaha, Chief Minister an thu si a, Congress khan an sorkar laia an hnathawh tawh kha a sawi vak a, tun inthlan lo awm turah hian vision an nei lo em ni aw ka ti.
9485370635
———–
Tukin, Dt.30.10.2018 Vanglaini Headlines leh Article-a Central YMA leh BJP inkawmna leh Tripura BJP hotu thusawi chuan min va BARAKHAIH kher ve le! Pawisaa duh duha lei kawi theih ang chauha Mizo Kristiante min hmu kha a thangtlawm thlakin, hnam ang pawha MUALPHONA niin ka hria. A chhia leh a \ha pawh thliar duh lo khawpa a ngam huai apiang lei kawi theih, sum leh therhlo ngaina hnam hi kan lo ni reng em ni? Kan tual\o Party MNF lah chu inthlan zawha thawkho tur angin Tripura BJP hotu GS lah chuan phat rual loha chiangin, huai takin a rawn sawi bawk nen. Kan sakhua, kan ram leh hnam a boral loh nan hian kan |ANRUAL a va \ul tehlul em.
Zo Nehemia
———-
Kum tam tak chhung chu SEM Policy-in kan ram min hruai ta. Kan ram hmel hi eng angin nge a danglam han chhut ve teh u. Kan chim a sang lo teh a sin. Kohhran duh loh ZU min zawrh khuma,hmeithai kan va tam ta em. Zu zawrh hi kan ram hian kan zo ve mawlh love. ZU zuar ve lo tur, ramri buai chingfel thei tur leh kuthnathawktute dawmkangtu tur ZPM hi i vote hlu tak khan lo enchhin ve ta che. Kan ram, kan hnam a dam theih nan I |ANGRUAL teh ang u khai.
Miriami Hnamte
————
Tunlaia ZONET a\anga “Inthlanpui thlirlawkna” hun rawn hmang \hin, kan mithiam pathumte sawihona ngaihthlak a nuam \hin hle mai. Heng kan mithiam rual ho hian tu party mah \an lam nei lovin thu lai la takin an sawihova, kumin Assembly inthlan lo awm tur hi Assesment lak thiam a har thu pawh an zep tel zauh bawk a, a harsa viau a ni thei e.
MNF leh Congress te hi han thlir mai chuan buk tawn mai a awl viau mai thei, ZPM thawm lian hulh hulh nei ve lem lo, mi thar lawmluh programme hmang ve lem lo hi a chhungrilah a lian hle tih hi mitin te ngaihdan a ni a, party dang anga Unit nei ve lo nimahse, Unit aia \ha Steering Committee khawpui chhung veng tinah leh District zawng zawngah nitin an din belh zel a, tunah chuan sorkar siam turin ZPM chu a inbuatsaih mup mup a ni ta ber mai.
Party mal sorkar ni lo, rampum huapzo tur mipui sorkar thar siam turin i inbuatsaih thar zel teh ang u. Hnathawk peih lo party Office-a eizawng \hinte hun a tawp \ep tawh a, thawkrimte tan chawlhna nuam a lo thleng thuai dawn e.
R. Vanlalvena
————
