India sorkarin zirna hi a ngaihpawimawh em em laiin, education course pawh hi a thlak zing hle mai a, chutihlaiin Mizoram Board of School Education hian zirlaite dinhmun hi a ngai pawimawh lo hle in a hriat theih a ni. A chhan chu Horti subject old course exam ho hlawhtling lote kha an zirtirtu te khan sorkar lam a\anga chance an rawn pek leh ngei beiseiin an zirlaite hnenah an lo hrilh vek tawh a, tunah class XII exam form fill up tawh a ni a, Horti subject la te tan chuan tunah hian form fill up theih lovin a awm a, kum an lost leh vek dawn a, hetianga zirna han tihtawp sak ringawt hi thil kal hmang leh nihphung pawh a ni lova, chuvangin khua a tlai hma hian thuneitute khan han ngaihven vat se a lawmawm hle ang.
9612245884
———–
Ram hruaitu kan thlang leh dawn ta. Neutral kan tih fote hi Kohhran mi deuh vek kan ni si a, mi \ha vote nachang hre lo, tling tur lam nia hriat apiang vote mai kan ching. In bial chhunga candidate \ha i tih i vote \hin kha CM tur tunge ngaihtuah thleng la, CM atana i duh berah vote lo thlak ta che. CM \ha, mi dik kan neih chuan kalphung a danglam anga, Zoram hi a dam ngei ang.
Ram veitu
————-
Tunlai kan politician-te \awngkam lar tak pakhat chu ‘BJP kan thawhpui lo’ tih hi a ni awm e. Thawhpui tih hian awmzia pahnih a nei thei ang.
Pakhat zawkah chuan \an ho a kawk thei a, sangawi zawnpui tih ang kha a ni. A chhiat a \hat thu hlaah pawh \ang ho a kawk ang. Pakhat lehah chuan State tin tana thawhpui loh theih loh tura Central sorkar fawng vuantu an nih tlatna hi a ni thei ang. Central sorkara fawng vuantu hi Congress pawh ni se State tinte hian an thawhpui a \ul hrim hrim. BJP-in sorkarna an siam rih miau avangin State dang pawhin an thawhpui thiam chuan an vannei a ni mai. Mizoramah pawh hian tu party pawhin sorkarna siam se la, an thlawp em em vang emaw, an sangawi zawnpui tak avang emaw lam ni lovin, an thawhpui tho tho a \ul dawn. Zawm ngei ngei tura thupek pawh an rawn nei hial zawk dawn. Amaherawhchu, BJP huaihawt eng pawl emaw-a lo tel ve an awm a nih chuan chu mite chuan an sangawi zawnpui a ni thei ang.
RL Chhanhima
————
MPCC leh MNF Manifesto han thlir hian sakeiin a zia a thlak theih lohzia a lang chiang mang e. An campaign dan lah ram hlui zia.
Zohmangaiha
————
Inthlan dawn a pianga Martar-te hmangaih thar thut, inthlan dawn chauha hnam sipaite sawi vul chûk \hin, mipuite vote it vanga Martar-te politics khelh nana hman hi MNF party hian sim lul se a va \ha em! Hei aia politics bawlhhlawh hi a awm chuang dawn em ni?
Ram Veitu
————
Pu Hawla thil sawi chuan mak tih a hlawh viau lo maw? Kum 10 zet rorel tawh khan SSA leh CSS ho hlawh mai bakah MR ho hlawh leh NHM ho hlawh pe thei si lo hian HSLC pass te hnena LAP TOP pek han tiam chu a mak ka ti deuh.
CM Special Package a\anga pek leh tur em ni?
NLUP pawh hlawhtling chuang si lo hi.
Ngaihtuahna a thui duh hle mai.
LB Fela Ralte,
Sesawng
———–
Congress chuan an Manifesto an puang ta maw. An hotupa sawi ang bawkin ziak \ha leh hle mai. Zirlaite bumna turin Matric leh a chunglam Laptop pek vek an ti maw? Mi rethei VIP tih ang vel kha a nih leh ngei dawn hi.
8413850868
————
Zonet hian ZPM a \an \hinzia chanchin tharah te leh party hrang hrang inkawm danah a langin a hriat a, ZPM unit pawh nei mang lo hi an chak inring reng reng em ni?
8974797283
————
Inthlana an chak theihna tur a nih phawt chuan MNF hotute hian engmah pawisak an nei lo a ni ang e. Kohhran leh tlawmngai pawl chak tak hi awm lo sela, hmanraw chhe ber pawh an hmang hreh lo ang. Tun inthlan turah pawh hian dawt sawi tam ber an ni.
Lalrifela
————
Party \henkhatin mi pali chauh pawh inthlanah tling ila sorkar kan siam ang an ti a. A nih chuan Chakma CM apiang mai lo ang maw?
7085775436
———–
CONGRESS leh MNF te hian corruption nasa lutuka an inpuh tawn hi mipuite laka hmaiphihfai an tumna a ni mai lo maw? Corruption hi haw tak tak ni sela chuan DISPROPORTIONATE ASSET CASE atan PIL/FIR an file anga, engemawzat chu lung inah an inkhung tawh ngei tur a ni dawn lo’m ni?
Vena Pu
———–
BJP thawhpui leh pui loh chungchang hi a va ninawm ve. CADC-ah a chiang reng a ni lo’m ni?
LALTUAIA
————
Pu Zoramthanga leh Pu Hawla an danglam thei si lova, keimah hi ka danglam a hun ta. Mi tin te i danglam ngam ang u!
Tlumtea
———–
