Mau hi Pathianin kan ramah a lo dah tam em em a, a hman \angkai dan kan hriat huna kan intodelhna tur leh mitin kan intodelhna tura min pek a nih ka ring.
VL Ruata
8257065411
Kan kawngpui pawimawh ber Sairang leh Kawnpui inkar hi a chhe lutuk. A chhe lai lunga hnawh ringawt lovin black topping-a tih ni \hin se a tlo deuh ngei ang. PWD-te hian \ha takin kawng hi an siam thiam mawlh lo em ni le?
Lalrinfela
8014168221
Sikul kai hun hi sawn tlai ni lul suh se. Mipui kan insiam rem \an tawh a, zingah kan tho hma-a, hriselna pawhin a ngeih zawk. Kohhran leh YMA-in zingkar hun kan nei lo tih hi chhuanlam a tling lo. Heta kalte hi chu \halai, nu leh pa, naupang sikul kal tur buaipui ngai lo deuh vek an ni. Tin, a nawlpuia kan tho hma ta hrim hrim hi a lawmawm takzet. Tho tlai chhungkua chhungkaw hlim an awm ngai lo.
Mesaka Putea
8413024376
Hmanni lawkah Home Minister tharin a enkawl Police Deptt. Arya Mess-ah eirukna a huat thu leh eiru an awm chuan a dim dawn loh thu a sawi a. Chutihlai mekin vawiin Vanglaini chanchinbu chhuak tlar hmasa berah a thlalak nen lam chiang takin Addl. SP pakhatin Luangmuala in a saknaah Security mi leh sa ni tin mi 15 vel an thawh reng thu a rawn chhuah chuai chuai mai a, hei hi kan Home Minister hian, “A awm ve reng a lawm” a ti dawn nge? Eiruknaah ngaiin a hrem dawn? Tun ang kan ram dinhmunah chuan mipuite hian thusawi thiam aiin mi huaisen, sawi ang taka hnathawk ngam hi kan nghah chu a ni.
Rama
9436153688
Sikul \an hma ka duh loh nachhan pakhat chu kan fate zing chaw ei la chak si lo, ei lova an kal pumpui, chawkawng ulcer nei an pun phah mawlh hi a ni. An rawn banga, an ril\am lutuk ei chintawk an hre leh si lova, pumin a tuar lova, pumpui a chak lova, pum na an neih phah. Naupang hma ngai tak tak tan chuan sikul \an hun tih tlai hi a pawimawh khawp mai. Naupang kan hmangaih tak tak a nih chuan.
RUATSANGA RENTHLEI
9615450553
Kan rama sorkar hnathawkte hlawh a pung thur thur a, thla khatah ₹1,00,000/- chuangte an hlawh tawh laia kum nga chhunga kut hnathawktute hnena ₹3,00,000 emaw, ₹1,00,000 pek hi sawisel chiah ka ngai lo, a sawiseltuah mirethei te kan la \ang ve te hi chu a pawi hle mai. Kan inkar kak zau zia kan hriat thiam loh vang mai mai a ni. Mahse, sorkar hmasain kan pe ang an tih ang an pek ang hian tun sorkar hian pe ve ngei se, a hman dan dik erawh kohhran te leh NGO te hian kan hriattir hi kan mawhphurh a ni tih i pawm ngam ang u.
Puipuia pu
8259927846
Nikum Mizoram Assembly Election kan neih hma, inthlan campaign lai khan, tuna sorkar lai MNF party Workers leh Campaigners te khan Hindu lalram din tumtu Party BJP kha thawhhopuitu nih duh lovin, nasa taka insawifihlim tum chung leh ZPM nena hmehbela thawkho zawk anga lantir tumin kawng hrang hrangin hma an la a, chu mai duh tawk lovin, a mimal taka Pu Duhoma phei chu beiin Phone call leh Video clip hial an tidarh a nih kha, kan la hre vek awm e. Mahse, hei tunah sorkarna an han siam a, Citizenship Amendment Bill, 2016 issue a lo kehchhuah takah chuan NDA-a an lo thawh ho zia leh NEDA-ah phei chuan a khaipa hial an nih thu leh inhnuhdawh kher \ul an tih loh zia an hruaitute kaltlangin puanchhuahin a lo awm ta a nih hi. Engti ziaa a hma zawnga DUM ti kha tunah A VAR tia inthlahrung hauh lova an sawi ngam leh tak mai le? Zoram mipuite hi ‘BAWL’ tawk leka mumal lo kan lo ni reng em ni? Hetiang a lo nih chuan mipuite hian MP, AMC, BYE ELECTION kan hmachhawn turah hian rilru thar puin, Zoram Politics-ah hian thudik hmangin huaisen takin Pathian ram chu kan thlen tir dawn lawm ni?
Zo Nehemia
9862357839
MZP ten sikul kal hun sawn dodal an tum thu an sawi maw? Zirlaite tana \ha tur ngaihtuahin vawi tam school session pawh an lo sawn tawh a, thuneitu leh tidanglam theituten \ha tura an ruahman hi do buai a va \ul lo em. Thuneituten an tih tur chinte hi hriatthiam a va \ha ve. Fa class X pass pawh la nei lo zirlaite hian an kuang lo an nawr a ni lo maw? Foreigners nawrchhuah ngai tam tak kan neihte hi kan ram min tichhe zeltu tur an nih hi i buaipui zawk ang u.
Zuitea pu
9436148230
Hmannia Horticulture Deptt. staff hmaa CM thusawi kha TV-ah ka lo thlir a, eng nge a sawi hre lo mah ila a hlimawm hle niin a lang. An nui nasa hle hlawm mai! Switzerland of the East a sawi leh emaw ni le te ka lo ti hman hial a. Mahse, “Horticulture Deptt. a\ang khawizu leh hnutetui luanna ramah kan ram hi kan siam dawn a ti a lawm” an ti a, a va ropui dawn em tiin ka bawkkhup ta a ni!
9862539105
NSV Subscriber, Siaha (Zonet) ka ni a, channel pack vawiinah ka thlang fela, Rs. 350/- man a ni a, tun thlengin an la rawn tinung thei lo hi a chhan min hrilh thei em. Zonet customer care number min hrilh thei em?
9436149369
Zing thawh hma inzirtir hi a \ha thlawt, vai dawr hawn rualin hawng ve tawh ila. Sikul timing nena kaihhnawih \alh erawh a \ul lem lo. Sikul naupang awm lohna chu mut rei theih tihna ang chauh a la ni.
KLL
