Kan sorkar hrawn tawh, MNF leh CONGRESS hnuaiah ei rukna leh thil felhlel siam \hat tuma lo bei ngar ngartu PRISM hi ka chhuang viau \hin. Mahse, Zoram mipui huapzo tura dikna nena ram rorel duhtu ZPM-ah ngei hian PRISM anga hnathawk thei a ni tawh dawn tih hi an hruaitute hian an hai der nge, Party hranga an kal duh ta tlat mai hi mak ka ti hle a, an lo huat em em MNF leh Congress party tan malsawmna thlentu tur an ni dawn tih hi rinhlelh rual a ni lo. Dikna duhtu in nih chuan ZPM-ah hian rawn tel mai rawh u.
Puipuii Pa
————-
Engatinge Synod hruaitu pui puite pawh hian Synod Inkhawmpui an tih fo mai le? Inkhawmpui hming kha Synod a ni reng si a, Mizote hi chu kan tlak duah zel. Synod vawi 94-na ti mai sela.
LB-a Pa
———–
Traffic sign hre lo lirthei khalh kan va tam tak em ve aw. Driving school ho lah hian motor khalh chauh sum hmuh nan an zirtir a, driving manner an zirtir lo ni hian a lang.
8974154790
—————-
Sawrkar hian a hnathawk nuarte chungah hian action la vat se, mipuiin kan tuar ta hle mai.
An hnaa lungawi lote chu ban mai se, an aia thawk duh \halai fel tak tak lehkha thiam tak tak an tam a lawm.
KR-a
—————
Sorkar sum za zela 70 chuang sorkar hnathawkte hlawh leh a kaihhnawih senso danga khawhral hnua ram changkanna mumal tak siam intiam ho party-te hi i ring lovang u. Thil theih a ni lo.
9612126503
————–
He Zoram khawvela ka mihring lo dah san ve ber berte, an mimal nunah pawh chhui chet dawl pha \hiauva ka lo rin bik \hin, mi puitling ni phaka ka hriat – Pute Vanneihtluanga, PL Liandinga, K. Sapdanga te leh pawn lam a\anga full support-tu tur Pu R. Ramhmangaiha, Hnam Chhantu, RK Lianzuala te hovin he ram RORELNA phirsi chhe zet tawh mai siam \ha leh tura ke an rawn pen chhuak ta \hum \hum mai hi chu anmahni rilruah tak chuan an thil tum \hin chu a ni ngai lo tih a lang chiang si a. Ka thlawp ve deuh phah dawn ta riau mai ka ti. An ZPM hi lo sorkar thei ta pawh ni se, anni ho kher hi chuan zak map lova mita EIRUK sak vak vak chu an ching ve hian ka ring mang hauh lo nia. Kan hnam, kan ram kan hmangaih takzet a nih chuan hnah hluite \ilhtir a, hnah thara kan inkhawr pum hi a \ul tawh takzet reng a sin. Hnah hluite sulhnu kan hria, an kaurau tawh.
Tlangvala
————
Ram hruaitu nih duh luat vang leh hruai zel duh luat vangin dawt sawi hi a thiang hauh lo a ni. Ram hruaitu a\anga dawt kan hre fo hi a dik lo. Dawt sawi duh chuan ram hruaitu nihna chuh ve loh tur.
RK Sanga
————
Duhthusam neih tuma tlan mihring hian duh khawp kan nei ngai lovang. Ka chan tawkah ka lungawi tite hi kan lungawi ngai lo bawk. Ka \hian ka’n hrilh ang che, hmangaihna nen i ram hi thlir la, duhsakna nen i chawm zawk dawn nia.
KAMTAMA, MSV
———–
Hluihlawn thil ngainatu reng rengin kan ramah sawrkarna an chelh chhung chuan kan ramin hma a sawn tak tak thei lovang a, cancer hri leh thil dang \ha lo pawh hian min kiansan lovin zual lam a pan zel ang tih pawh a hlauhawm hle a ni. Chuvangin simin Lalpaah inlamletin kan nundan \ha lote i kalsan \heuh ang u. Tichuan, kan ram chu a lo dam mai ang.
Tlabung aw
9485056088
——————-
Mahni mita khanchhuk hmu lova mi mita hmawlhte hmu thei lutuk ringtu kan va han tam tak em. Kan CM thil tih hi selna tur chu a tam ang, a thil tih \hat te hi hmu ve ta che u. Mi tupawh an tlin lohna ringawt sawi lovin an thil ti \hat te sawi mawi ve ila.
8974794380
—————
Mizoram dung leh vang, thingtlang khaw kil khawr zawkte pawhin faina lamah nasa taka \an an lakna zarah kan ram hmel a danglam mek a, bawlhlawh \awih ral thei lo dai pawna paih mai mai \hinte pawhin an halral mek laiin kan Referral Hospital, Central team-ten an enfiah mek sir lehlam chu bawlhlawh chi tin paihna hmun tenawm tak a la ni reng mai han hmuh hian kan sawrkar hi \hanharh a va hun em!
Observer
———–
Traffic jamna hmuna two wheeler rawn inzep \awk \awk hi ka va ning tak. Traffic Police te hian zilh zeuh zeuh ve se. Tin, wrong side-a overtaking an ching hi a hlauhawm \hin ngawt mai.
9436354129
—————-
Tun ang hun pawha \angrual pawl thlawp lohte chu a englo thlak em mai.
9436149233
——————–
Chanchin thar hunah hi chuan fakna hi ti lo hram thei i la chuan kan changkang deuh ang mawle.
9862809647
————
Congress \antu kan ni a, mahse vote tawh loh kan tumna chhan chu kan venga pitar pakhat vang hian a ni. Mahni tana \angkai pawh ni lo, mi vanneihnaa lawm thei lo mi, a remchan phawt chuan midangte sawi chhiat leh an chhiat theihna tur thil pawh tih hreh miah lo, \henawm te pawh hek duh khawpa mi rilru thianghlim lo, mahni tana \ha tur thilah erawh fing tak si, mi dangte laka lemchang thiam tak, Minister hnenah pawh insawi khawngaihthlak \hin, Contract tenau leh tesep thawh tur hmu thei tak mai hi Congress an sawrkar leh chuan kan tuar peih tawh lovang.
7642815154
—————-
Mizoramah politician pawl hnihte hnathawh dan kan hre chiang tawh a, chuvang chuan tun \um inthlan turah chuan kei chuan kan ram leh hnam tana \angkai tur ZPM ka vote dawn a ni. Mizoram mipuite i harh tawh ang u. Ram hruaitu turten ram leh hnam hmangaihna thinlung puin rawn ding chuak rawh u. Mi thiam tak tak, mi \ha tak tak in awm tih kan hria e, tlawmngai ula ram \ha leh hnam humhalh turin ZPM-ah hian lut sung sung teh u.
9612238063
—————-
