Pu Lal Thanhawla sorkar hian vawiin thleng hian Tuirini lei chinchang pawh an la chhui chhuak thei lo maw? A van zahthlak ve le. Ni 13.2.2018 dar 9.30 vela chim kha hupbo ni lo se chu chen chen he Zoram zimteah hian puan chhuah theih lohna tur a awm dawn em ni le?
ARSI |HA MI
————-
Kan ram politics kalphung hi ngun taka han thlir hian inthlan dawn hnaiha party worker nei \ha leh nei ngah apiang an tling leh mai dawn a. Chutiang party chu an tlin chuan hlemhletna (corruption) a nasa leh hle dawn tih a lang chiang hle a ni. Tunah hian Congress tla hniam deuhin an han lang a, MNF an lo awm leh deuh emaw ni. Kohhran mi tak tak rawngbawltu \ha pui pui leh Officer Pension lawk tak tak ten a thau sawh tumin an rawn inlar leh ta. Tuirial Hydel Project leh Referal Hospital sawp chhe vektu, Baffacos suma party mi leh sate vulh zotu engmah rahchhuah awm si lo, 3 percent contractor-te a\anga la \hin te kha an la ni reng a.
9862373218
————-
Fa nei thei lotena chan tawkah Pathian remruat a ni e tia hlim taka an awm theih chuan i lawmpui zawk ang u. Thaw thei tawh phawt chu i mihringpui emaw, ran emaw, thlai leh hnimhringte duat taka i enkawl chuan nangmah ngei siamtu Pathian chuan a let tam takin min duat zawk dawn tih kan hriat hi chuan kan hlim veng veng mai a nia. Fa nei thei emaw, nei thei lote pawh thawkna nei tawh phawt chu hlima, auva min siamtu Pathian chawimawi \heuh turin kan sawm vek a che u.
CHANTAWKA LUNGAWI-A
————–
Saitual District sawi rik a nih a pianga Thingsul leh Darlawn tlangdungin lo mangang \hin hi lo mangang suh u. Kan mithiam, kan sorkar hotuten intel lo hian District hi chu an siam rem thiam khawp ang. A thu hrimah in itsikna rilru mai mai a ang ka ti.
9612818659
————–
Pu Zira chhuah vanga lo lawm ngawt party kha inthlan zawhah chuan LUNGMAWL KA LO LAWM THLAWN E in la ti ang.
Rinzuala
———–
Pu Hawla sorkar chu MNF kihhnawkah chuan an lo buai hle mai. District pathum an puang a, a Area-a khua awm turte lahin an duh lo, an chhunzawm ngam lova, a tawpah an Vice President hnawhchhuah hial a \ul phah.
Lalrohlua
————
MNF sorkar laiin kuthnathawktute chempui nen kawng an zawh mup mup a. Tun Congress sorkarah lah kawng an zawh leh bawk. Heta \ang hian MNF leh Congress sorkar hian kuthnathawktute hmakhua hi an ngai tak tak lova, politics khelh nan bak an duh lo tih kan hre thei ang. Kuthnathawktute dinchhuahna tur kalphung thar policy kum 30 chuang meuh lo aupui tawhtu amah ngei pawh ram hna la thawk reng Pu Lalduhoma hi han lal ve se chuan heti mai mai hi chu kan ni lovang tih ka va chiang em!
Tlumtea
————-
Kan kawngte hian englai mahin \hatlai a nei ngai lo chung leh electric eng mumal taka min pe thei lo chung pawhin ram hmasawnna ai chuan tlin leh mial theih nana kawng awmchhun nia an hriat, harsatna dang zawng zawngte pawh sirah hnawlin nang chauh hi i ni ka lei lawmna tikimtu chu tiin. Vote zawn nan leh party intuai \hat nan Pu Hawla kaihhruai Congress sorkar chuan aw Lalpa a ngai bawk hi aw tiin NLUP an sem leh ta ringawt mai chu a ni a, sorkar leh tlakah mipuite hian kan ngai ang em i lo thlir phawt mai ang.
Tlabung Uitangrual
————-
DC-ah tribal leh income certificate tifel tura ka va kal chu certificate tam tak kha an lo hnutchhiah tawp mai a, pawn lamah a duh duhin an keu let a, mahni ta bak ngaihtuah tawh hek lo. A \hen lei a kai a, \henkhat a thler nei nuai a, hetiang tur hi a ni em le? Original certificate pawimawh tak pekchhuah dan tur hi mahni ta zawng hmu tur phei chuan thil huphurhawm tak a ni. Dah fel a, rem fel awm tawh hek suh, a thawktute mawhphurhna nge nia, kan DC hian a hre lo zawk le aw ka ti. DC beng hi thleng se kan va ti em. Hei aia tihdan \ha zawk a awm awm si a, beidawngin tam tak an haw bawk a.
9436910244
————
Politics-ah hian chunglam khi kan han \awng chhan viau \hin taknaa, kan rorel hun chhunga dawtsawi mai mai leh chhungte uchuak tak maia duhsak kan han ching leh si \hinte chu a inhmeh mawlh lo a ni.
RK Sanga
————
Meth \hat lohzia leh taksa a khawih pawi theihzia kan hre \heuh tawh a. Heti chunga Mizote min khawngaih miah lo leh min tihchhiat tuma rawn lalut lui hram hramtute hi chu an rilru a piangsual nasa ngawt mai. Man chhuaha, a laluttu an ni ngei tih hriat chian hote hi chu dim bik loh nise, dan bak deuh te pawha kal ni ve tawh mai se a \ha lo maw? Mizote min tihchhiat vek pawh an pawi ti lo tihna a nih hmel a, ngaihtuahna dang deuh siam a \ha tawh ngawtin ka ring.
8837489511
————
Khawvel ramdangten an ram tana an tih duh ve ngai hauh loh, SUM SEM Policy Zoram Congress Party Flagship Programme NLUP chuan a vawrtawp a thleng dawn ta! A hlawhtlin leh tlin loh hretu chu Zoram chhungkaw tinte kan ni. Hei le, tunah pawh mipui pawisa, i ta leh ka ta, cheng nuai 16,000 chuang zet mai chu inthlan dawnah an rawn thei sem leh \an ta.
He pawisa hi i ta ngei, Budget-a mi a ni tih hriain, i thinlung mit lo meng la, I ZAHAWMNA leh DUHTHLANNA erawh leitir hauh suh ang che. Pathianin mi pakhat atana duh taka a siam, a ngam huai apiang lei kawi tur i ni lo tih i lo inhre bawk dawn nia.
Zo Jeremia
————
