MNF \halai ho hi thil zawh duh ka nei ve a. ‘Home Minister hlui, Pu R. Lalzirliana’n Durtlangah a sum neih phulovin in ropui tak a sa thei, eiru a ni a, Minister ni tlak a ni lo, bang rawh se’ tia Press release hial mipui hriata lungawi lohna inlantir kha tunah MNF-ah a lut daih mai sia, kha thil kha kan party-ah a lut tawh sia ngaidam mai ang inti nge, ngawih bopui mai in tum? Eirute ngawih bopui hi a \ha dawm em ni? Dik lo taka eirute chunga inhmalak dan kha kei chuan \ha ka ti viau a sin le. Mahse, tunah inreh daih ta mai a, ka hrethiam lo a ni. A eiru tak tak a nih chuan hma la chhunzawm zel se ka ti khawp mai. Kan ramah hian eirute ngaidam a, dawmkan zel zawk tur tihna em ni? Party ham\hatna lak intum mai a ni lo maw?
8414007418
————-
Hnahthial, Saitual, Khawzawlah te hian Congress an tling a nih chuan District hi an duh tak tak lo a ni anga, anmahni an intimualphoah kan ngai ang. Congress chuan candidate rawn dah suh se titute an nih kha kan la theihnghilh lo a nia.
Chhimpa
————-
Krismas vuakvet laia Krismas hla phuah thar ho tihlar tuma TV-a chhuahtir fo hian lunglen a hnawt \iau. ROKUNGA hla ngei mai leh Patea hla te chauh tihchhuah \hin ni tawh se tih hi ka han ngenna ve a ni e.
9436365342
————-
Congress leh MNF te hian lalna chauh lo chu duh an nei lo. CADC leh ramri chungchangah thiamthu sawi tur an nei lo. Zawlbuka e tang ve ve an ni? ZORAM hmangaiha ringtute dikna leh hmangaihna nena kan ram rorelna kal se i tih chuan ZPM hi vote mai a \ha ber ang.
LALTUAIA
————
Pu Zoramthanga’n corruption do a tum tih leh Pu Hawla’n Mizoram kawng a \ha a tih hi a nuihzatthlak dan a inang velin ka hria.
LAWMA PA
————
Tunge sawi ngam chiah? Inthlanna tur thla khat chiah a awm tihin ‘BJP nen kan thawhhona tihtawp a ni’ ti an awm a. Inthlan zawh chiah thla khat velah vote hlawh tur a awm loh ve leh ‘a hma aia \ha zawk thawhhona tur kan duang chhuak’ an ti leh lovang tih sawi ngam kan awm em? Buddhish BJP hi an la hlauhawm chuang lo maithei. Tlachawp politics hi a mak thei ngawt mai.
8575111262
————–
MNF kan sorkar chuan nuai thum kan sem ang titute hian khawia nuai thum mah an sem lo ang, inbumna mai mai a ni. Thang lova mi awh tumna mai a ni. Hniakphawi miah lova dawtsawi hi Pathian duh loh zawng a ni e. Mipuite u bumin awm tawh suh u. Nuai thumah khan buai suh engmah a ni lo, i nunna kha a chhan thei lo. |awngkaa an sem kha duh tawk mai teh u, ram hi Lalpa ta a ni.
MS PACHUAU
————-
Khawzawl Congress unit II chu Ruling party sorkar \hat tawh loh zia hriain, an unit an \hiat veka, kalphungthar, system thara thlak duh, mipui sorkara thlak duh pawl, party pawh la ni ve lo ZPM-ah unit an din leh rup rup mai tih thu kan lo hria a, a lawmawm kan tih rualin, an fing hle mai inti ve lo maw?
Mala Chhakchuak, Aizawl
————-
Mi \henkhatin kan duh lohte bawk kan thlang lal leh \hin an ti a, keiin ka duh loh mi tam zawkin an lo duh vanga thlang lal leh \hin an ni.
8730099759
———–
Pu Zoramthanga dinna bial, Aizawl East I-a Pu K. Sapdanga’n MNF-ten CM tur, mi thar an zawn a ngai dawn tia a sawi hi khawi bialah pawh hian CM mai tur tih chiang sa chu an duh vek a ni tih hriain, Aizawl East I mipui zawng zawngten Pu K. Sapdanga’n CM nei lo turin hma lo la tawh \hin mahse, ram leh hnam tana hrehawm tuara harsatna tinreng pawh lo tuar tawh \hin, Pathian leh kan ram tan titu MNF party President, Pu Zoramthanga CM thar nei thei ngei tura \an la sauh sauh turin duhsakna kan hlan a che u.
Tlabung Uitangrual
————–
Hetiang renga a kal dawn a nih chuan kum khat chhunga sorkar hnathawk hlawh sem ral hi a van tam dawn em. Mahni dinhmun a \hat hi chuan thil fel lo leh dik lo hmu reng pawh ni mah ila thildang ngaihtuah vak hi a harsa a nih ka ring, an tlan chhiatsan loh leh an maimitchhinsan zel zawk a ni. Sorkar hnathawk an chakna leh thiamna te thahrui tam tak senga hnathawkte hian dinhmun \ha neih an phu ve tlatin ka hria. Department leh office tana thawhchhuah leh \angkaina nei lo hna nghet chelh satliah ve ngawt ai chuan kum tam tak lo thawk tawh, hna thiam leh \angkai takte hian dinhmun \ha an phu, Muster Roll-a la thawk senior upa tawh tak tak chhungkaw chawm an tam sia. Loh thlawna sum tam tak luangral maite hi kei zawng thlir liam harsa ka ti takzet a ni. Khawi lam ramah pawh awmin eng pawh thawk ila dik leh rin tlak taka kan nuna kan thawh hian Pathian rawng kan bawl vena kawng pakhat a ni.
LS
————
Kan ram, Mizoram hi mi kan hneh chhuha, kan neih a ni lova, mi min pek a ni bawk lova, LALPA min pek ram a ni a, hei lo hi ram kan nei lo bawk a, kan humhalh a ngai a ni. Zoram hi kan ram a ni kan tih vek theih nan leh LAL ISUA lo kal leh hma zawng kan Zoram hi kan humhalh theih nan MNF-ah i vote vek ang u khai.
89747 97283
———–
Kan ramah hian Minister leh MLA te hian sum thianghlim lo hi engzat takin huilut ang maw? Sorkar hnathawk Group A leh B-ah hian sum eiru leh mahni kum eiru engzat tak awm ang maw! Group C leh D-ah hian office bungrua hawn \hin leh mahni kum eiru engzat tak awm bawk ang maw? Mipui zingah hian Industry, Association etc. phuahchawpa dina, Minister dawr \hin engzat tak awm ang maw? Sum therhlo uma Minister leh officer-te dawra phesek \hin engzat tak awm bawk ang maw? Ram leh hnam \hatna/damna tura mi dik leh rinawm hi engzat tak awm ang maw?
LB-a Pa
————-
Zuang lawr an ti fo mai maw? Zuang lawr ve lo Chief Minister ni tawh pahnihte hian kan ram an hruai dan hi i chhut ngun ang u. “Ka eiru lo” an ti ngam hauh lo nia, an hlawh phu loh khawpa tam sum neite hi paih ngam ve tawh ila, ka eiru lo ti ngamtu ZPM Chief Minister Candidate Pu Lalduhoma hi enchhin ve tawh ang u hmiang.
Zo Estheri
————-
Khai le! Sem Policy hmanga kum 33 chhung teh meuh min rap beta min thunun \hintute chu kumin inthlanpuiah hian tihtlawmin an awm dawn ta! Sum hmanga lei theih mihring nih hi Pathian duhdan a ni lo tih hria ila, THAWHRIM hi kan hmasawnna tur leh dinchhuahna tur a ni tih i hrechiang tawh zawk ang u. Kan Pathian thu pawhin “Thawk lo chuan ei pawh ei suh se” a ti a nih kha. Hawh u, kan vote hmangin keimahni leh kan tu leh fate, kan thlai tharte hi vote chhuak tawh zawk ila. I vote khat hmang ngei khan Zoram hi i dinthar leh ang aw!
Aizawl Pa
————-
