Kan CM ropui tak khan session tawp ni-a ama history a han sawi kha a va ngaihnawm ve le. A bu ropui buatsaih tlak hial zu nia. Keini naupang lam deuhin kan lo la hriat ve ngai hauh loh thawnthu ngaihnawm tak a nih kha. Pu Hawla hi ama insawi dan phei kha chuan kha tuna MNF Hnam R<na an hruaitu senior, chalfilh pui pui tam fe zawk ho ai daih hian MNF original dik tak a lova nih hmel ve. Hei vang hi a niang a Sheriff a\ang pawh khan Deputy Sheriff-ah a lo in\hut thlengpui ni? ZPM CM zawrh lai Pu Duha te nena khaikhin chuan a lo ori veu veu kher mai. Ti daih ila kan unau PRISM-te leh kan bawngsa do pawl Pu JV-a te hi tlin hmingchhiat tingtang aia tlak mualpho an tumna tactic kha an la chhunzawm ve zel phawt ang maw? An va reh leh ta ve. Tlengpui pawh hi tlengte tel lo chuan a hlutna leh \angkaina hmuh a har a nia.
Tlangvala
————-
PWD-in Aizawl veng \henkhatah kawngpui an siam \ha a, an siam \hat a\anga kar khat vel liamah SIPMIU-in an lai chhe leh vek. Fur lai a nih lehnghal a, kawngpui chu diak duh tak a ni. Hetianga hnathawh kawngah hian Department pahnih te hi inberawn hmasa \hin che, sum tam tak a lo thlawnin a liam mai lo tura!!
Kimi, Electric Veng
————–
ZONET Fakselna awm hi a va \ha em. Awm lo ta se chuan kan MLA \henkhat hi chu an buaithlak ve ngawt ang. Inthlan pawh a hnai ta. Pathian lam \ang leh \ang lo kan inthlang dawn ni ta berin ka hria. Kohhrana inhmang viau si, Pathian lama \ang lo kan tam phian lehnghal. Politic dik tak chu kan Bible nen hian a inmil thlap.
Carolini pu
————-
Inkhawm reng si sual em em, inkhawm ngai lo ai pawha sual hi kan va tam tawh. Kan ram hi chu a va \awp tak em.
Marami Chawngthu
————-
MNF leh Congress sulhnu kan hmu-in kan hria, heti khawpa ram leh hnam hmangaih lotu politician-te kan nei hi ram vanduai ber India ramah chuan kan ni. Ram mipuite i harh chhuak mawlh teh ang u, a thlawna pawisa dawn hian kan rilru a va han hruai sual nasa tak em!
9862322234
————-
Kristian, Pathian nung bia inti em em leh a hote hi kan hma inthlan turah hian tla dawn ta-in an inhria a ni ang. Vote leina tur sum an dah tam em mai, a va tenawm em! Zak miah lovin Pathian an lam ve sek mai si a, chal hnawihsen chunga biak chi hi Kristiante PATHIAN a ni ve lo. Hindu-te tan \awmpui chi a ni bawk lo.
Thlirtu
————-
Mizoram kohhran hrang hrangte hian a lang apau chuan zu zawrh kan duh lova, mahse a tak takah chuan Congress hi in vote leh tho \hin. Sawhthing Kg 1 Rs. 50 aia tlem lova hralh duh tan chuan ZPM hi sorkar tir ngei chi a ni. Thingtlang khua zawng zawngte harh a hun ta hle mai, harh mawlh teh u. Heti chung pawha inla harh thei lo a nih chuan Congress bawk hi vote leh mai tur. Rethei tlak reng kan ni mai.
SANGA
————-
ZONET Daifim, inti \ha thlawt e! Lukhum hlai ho hlir kha rawn ti chhuak zel rawh khai! Mit a tlai nge nge e!
9089746142
————-
Aizawl Traffic SP tharin proton modified-a tlan bengchheng ninawm lutuk leh double overtake tih chingte a rawn vei hi a tak ram thleng turin i lo thlir ang u. Dan awm reng si, hman loh hi a veiawm em mai.
LK-a
————-
Tun Citizenship Amendment Bill, 2018 sawihonaah khan CM Pu Hawla’n a tawp kharna a nei kha a \ha-in, kan sakhuana leh kan hnam tana thil \ha a nih laiin, CADC, BJP chu Buddist an ni a, Kristianah kan siam mai dawn a ti a, chuti, Mizo BJP pawh Kristian BJP an ni tho si a, engnge NADA leh MNF te thawhhona an huat bikna chhan aw? Pathian leh kan ram tan titu party-te chuan NADA-ah thawk ho mah ila, chal hnawihsen leh Baal hmaa \hing\hit hi kan Pathian huat ber a ni a, Kristianna leh kan hnam tichhe thei tur thil reng reng kan duh lo mai pawh ni lovin kan rama a awm ve a thiang lo.
Tlabung Uitangrual
————-
Salem Veng to Republic kawngpui, Republic veng field chung kawngpui tlahniam \hin hi heng lai veng mipui te chuan kan tuar hle mai. Helai hmun hi tun hma a\ang khan a tlahniam tawh \hin a, thuneitute pawhin an siam \ha fo tawh \hin chungin ruahtui tlak tam deuh chuan a tlahniam leh mai \hin.
He kawngpui tlahniam \hin hi lungrem te, lungrem thirzaia fun ang chi ten an siam fova, mahse tun thleng hian a \ha rei thei ngai lo. Thuneitute hian permanent deuha \ha turin an siam duh lo, sum siam nan an hmang mai mai tiin helai veng chhehvel mipuite chu an phun lungawi vel mai mai fo a ni.
He kawngpui hi tunah chuan a pawimawh hle a, Govt. Aizawl College te, R. Deng\huama Hall, Rajiv Gandhi Stadium te panna kawng pawimawh tak a ni mek a. Lungrem, lung fun, leilung hnawhkhah tih ringawt lo deuh hian thir lei, a ban ngai lo, bailey bridge kan tih ang te hian siam dan kawng zawn a va \ha em. Tuna mi ang hi chuan ruahtui a tlak tam deuhin a tlahniam zel si a nih hi. Kan hotute khan ngaihtuah chiang deuh ula a va \ha em.
David M Zadeng
————-
Kan motor number plate man to em em, \angkaina leh hlutna nei miah si lo hi engtikah nge a tawp dawn le? Kan local artist te eizawnna a rawn tibova, pawn lam mi hnenah pawisa tam tak kan vawm chhuak a. A \hatna tur leh \angkaina tur nia an sawi lah chu engmah a ni der si lo. Kan sorkar hian titawp thei tawh se ka va han ti tak.
Rama
————-
Fakna tihchhuahna man inlak tawh te tih chhuah paha chanchin thar inrawn tichhuak nghal zaih \hin hi infing ngawt mai.
9862809443
————-
YMA Information a\angin heti hian an rawn puang a, vawiinah Pi Lianin, lalkawnah sawhthing Kg 1 Rs.15/-in a la dawn a, mipuite kan han inhriattir e a ti a, phur takin ram lamah kan liama, tlaiah zo tawkin kan thar chhuah ngei mai Sawhthing kan han phur haw a, Bhaga-ah rate a tla, Rs.10/- lo chuan kan buk ngam lo an lo ti leh a, \ah hi a chhuak a nia. ZPM kuthnathawktute hmangaihtu lo chhuak rawh, thingtlang mipuiten kan lo lawm a che.
Hruaia
————-
ZPM-ten intihfuh loh chu CM atan inthlan apianga mipui hnawl ziah Pu Duhoma inrawn chhawp chhuak hi a ni. Mi tam zawkin kan duh chu mi \ha politics-a la inhmang lo, lehkhathiam, mi thar kan duh si a. Mi thar inrawn vawrh chhuak dawn emaw tih laiin kan hriat hnu tho kha inrawn chhawpchhuak hi a pawi takzet. Entirnan Pu Vanneihtluanga te, Pu KL Liana te ang hi sawmin CM atan rawn zuar ula chuan hralh a kal khawp ang.
Pu Duha ai chuan Pu Lalhmangaiha pawh hi a thlanawm zawk. Engpawh ni se Congress sorkar hi tla se a \ha ber mai.
No. Thup
————-
Remna nia MZP ten remna a tana thawh hlawk an chawimawi turah hian, engvanga ZNP President, Pu Lalduhoma hi telh lo nge an nih aw? Kei chuan Pu Lalduhoma hi Zoramin remna kan neih theih nana thawh hlawk berah ka puang e. Thawr mai a.
9402530161
————-
Aizawlah hian Two Wheeler Taxi permit hi 200 vel pe chhuak leh se, mipui nawlpui tan a zia ve deuh ang a. Tunah hi chuan an tlem a, an la hlu mah mah lo maw ka’n tia ni, kei misual hian!
9774354495
————-
