Mizote hian kan chawrchhuahna hi KHAMPAT BUNGPUI aia hla hi fiah deuh tak hi chuan kan chhui thei lo niin a lang. Pi leh pu ten an lo phun BUNGPUI lah chu a chi thlah chhuan hnihna awra naupang niin a la ding mup mai chauha. CHHINLUNG FATE hi PATHIAN hian min siamna a la rei lo hle ni tur a ni. Kan khawsak phung reng pawh hi tun thleng pawh hian kan la hniam rih em mai. Lal ropui BENGKHUAIA kha lo awm ta lo se, Sap ho kha an lo chhuak tho ang em? Ziak leh chhiar te leh Kristian sakhua te hi kan neiin kan thiam tho ang em? PU LALDENGA leh BRIG. T. SAILO te kha kan hnam hruaitu lo ni lo ta se, kan la mawlin kan la bal hlawm awm. Tin, anmahni hnua Mizo min hruaitute thung hi anni hma daiha min hruai hmasatu lo ni zawk ta hlawm se, MIZO hi kan riral tawh zawk ang em? He ramah hian vai hlir an awm tawh zawk lo’ng maw? Ngaihtuah ve peih te tan.
Bawiha pu
———
Zonet cable-te tang deuh teh u, a zia lo thei em mai. A man inla lawk te te a, No signal a tam riau a nia. Bakah channel mumal lo a tam si, pawisa lak lawk awmzia chu puk ang a ni a, tha taka rulh leh hi a puktu mawhphurhna a ni. Tin, channel kim lo, a ruak (blank) a tam bawk. Consumer ten heng thil awmzia hi kan hrethiam vak lo a nia. Mihringin kan hmalam hun kan sawi theia, thu erawh kan nei lo a nia aw. Engemaw thulhah lo tawpin lo chhe palh ta se bill hi in rul leh vek dawn em ni? In sumdawn nan customer-te pawisa in la advance a ni mai lo maw le? No signal man pek lawk chu na tak a ni keini mi rethei bakberh tan chuan.
9612562963
———
Kan ram hi kan hmangaih a nih chuan a chhe lai siam that tuma hmalak hi chu a tha thlawt. Mi fel famkim ang maia pawl thar din tih vel hi a ropui hran lo. Tuna tangrualte pawh hi khaw khat daih pawh ni mang lo khawpa member tlem awmkhawm mai an ni a, sawrkar siam tur meuh chuan a harsa ngawt ang mipui sukthlek han en hian.
Ramhmangaiha
———-
Zing Daifim sound hi ka rawn sel tawh a, a fiah chuang lova. A siamthat dan a awm thlawt lo em ni le? Ri dang a rawn ri tel chuah chuah bawk si nen ngaihthlak a hahthlak ngei mai!
9436351249
———
Congress sorkar hi kan nasa a, selna awm tak pawh a ni ang. MNF inthlan leha lal tum tak pawh hi han sawi ila. An lal laia an sulhnu tha lo heng, Tuirial Hydel Project compensation chhungkaw bikin an rulh nghek te, tui metre supply tu hmuh zawh loh te, mawza manto uchuk taka lei te, health care sum chhungkaw bik hminga account-a dah te, SSA sum hmanga mahni awmna Kohhran mi rawih chiam te leh adt. Mipui rilru tinatute kha an dik lohna pawma an tih tawh loh turte an tlangau pui ngam chuan eng a awm ang. Chuti lova engmah tisual lo ang zawnga an kal chiam chuan pawl lian tak hi a hoh der theih ang. Pehhel taka kan dik lohna kan sim ang tih mawl tawp pawh a fuh chuang lovang. Mipui ngaihngamna tlinga an insiamthat tumna an sawi ngam erawh chuan lal lehna kawng a inhawng thei. Mipui an tihbeidawnna a len em kha.
RK Sanga
———–
BD Chakma-in ram leilung fa kan nih lohna chhan chu hnam leh Sakhuana in an loh vang a ni tia a sawi kha, Sakhuana hian hnam a thliar lova, ram leilungfa inti si, eng vangin nge thihna hial thleng khawpa rambuai laia harsat mangan buaina tinreng min siamsak a, Sakhaw puithiam nunna hial te min laksak tih leh ram leh hnam a lo changkan theih nan hrehawm engtia nasa nge an tawrha, nunna hial chan engzah nge awm? Eng vanga kan Sakhaw hruaitute kha that nge an nih? In pipu atanga tun thleng hian kan hnam chu sawi loh Sakhua thleng pawha min dodaltu in ni zawk mai lo maw tih hi kan zawhna a ni e.
Tlabung Uitangrual
———
Mi ram leh state kaihruaia hnathawktute phusak dan han thlir hian kan Zoram hi ka lo khawngaih ve tawp. Kum 50 vel kal tawh (hmanlai ni ve tawh mai) a kan ranvulh te seh hmang tak Chinghnia te kha kan tunlai politician leh sorkar officer lian tam zawkah hian an chang zo ta ni mai awm te hian a ngaih theih ka ti. Dumdeleng ang maia nalh tle hlawrh, be-ai thang chuk per hrat tak, awk duh mang hauh si lo te hi ualau takin kan tei ta suau suau mai ni te hian ka hre tlat zel zu nia.
Ronald VLC
———-
MNF leh Congress Party-in sorkar an chakna chhan ber chu sum an kutah awm se duh duhin chalai ila an tih vang mai mai. Mipui lam an rilruah a lang pha lo hrim hrim. Mipui hi ngaihtuah nise an sorkar chhung khan mipuiin kan fak ang. An sorkar reng mai tur a nia, rin an pha lo tlat thin a lawm.
Ralte Pa
———–
Kumin hian Mizo Idol inbuatsaih dawn em Pu Zonet?
Ruthii Pu
————
Vawiin Vanglainia Horti chanchin chu leh chhui tur a awm mai lo maw?
9436146362
————-
Kan ram hruaitu zinga mi khan zu kan khuah khirha, drugs a tam a, zu kan zawrh chuan drugs a tlem mai a ti, ka awih lo reng a, zu zawrh hma aiin zu zawrh hnu hian drugs chu a let fein a tam zawk tih chu mimawl ber tan pawh a hriat theih a ni. Chuvangin zu zawrh i bansan leh mai ang u.
9436153696
————–
District Council-a Mizoram a awm lai khan hnam chungchanga politics (ethnic politics)-ah khatih laia Mizoram politician-te khan thlirlawkna (political vision) an lo nei lo a ni ang, tuna Chakma (Takam) te heti tak maia an tam takna chhan hi; mikhual cham reiin a mikhualna inah chanvo neih ve a tum anga an han huangtau em em ta mai hi ka ngaihtuah neuh neuhin kan ram hruaitu politician hmasate ka dem deuh tlat. Tin, kan ram buai laite khan MNF ten Chakma te kha an la hnawksak thei ang tihte an hmu lawk lo em ni? Chubakah a hma daih atangin Mizoram politician-te’n an party candidate tan lo dah lo se tha tur. Autonomous Districts Council an neih theih nana hma an lak dan te chu kan ram hruaitu politician hmasate’n an hre miah lo em ni? Ram tichhetu ram hruaitu politician zawng an awm a ni, a pawi hle a, Chakma chungchang kaihhnawihah chuan a la pawi zel ang!
VL Sailo
————
Party 3 infin khawm chuan Zoram dung leh vang a chiah hneh hle mai. Mahse, CM atan tunge an zawrh dawn hriat a har hle mai. Pu Duhoma hi rawn zuar teh u. Party 3 te hi Zoram nghah fak in ni e. Party dangah hi chuan kan bei a dawng ngawih ngawih tawh takzet a ni. Theih tawp chhuahin tan han la sauh sauh teh u, mipuiin kan thlir reng che u a nia.
9856536040
———–
Tunlai hian City bus leh Line bus khu dum deuh deuh an tam hle mai. Pollution Control Board lam hian enfiah deuh teh se. Mihring hriselna atan a tha dawn lo tlat.
Kimkimi
————
