Virthli Talk-ah khan Pu Lalmanzuala khan “Mizote hi hnam thatchhia, rinawm lo kan ni” a ti a, “sorkarin nuai khat sem a tiam beiseiin kan thlangtling a, nuaithum sem tiamtu kan thlang tling leh a, nghakhlel takin nuai thum sem tiamtu pawh Fakselna kal tlangin, “In va sem har ve? Engtikahnge in sem dawn?” tiin kan zawt sup sup reng a nih hi” a ti a. Hawh u, a sawitu vang ni loin thil zahthlakah ngaiin hetiang SEM beiseina rilru hi i bansan tawh ang u. Tin, chanchin thar puan lai leh film en lai a fakna lo awm \hin kan ninna hi sel tawh lo bawk ang u. Heng thil hrang hrang avang a Zonet hi hmalam pan a kal zel a nih hi i hriatsak hram hram ang u.
Thlirvetua
96124 47707
Aizawl khawpui traffic jam chhan tam ber ni a ka hriat ve chu Two wheeler hi niin ka hria. Motor kan inpel dawna, side kan i pek lai takin two wheeler-in rem leh rem lo pawh sawi lovin, mi inkian karah kal tlang phet an lo tuma, an lo inrawlh hian motor tlan lai inpel thei mai tur an tikhawtlai \hin a, hei hian traffic jam lo tur a ti jam tam khawpin ka hria.
RT KHIANGTE
81319 86888
Ka lo hmuh ve dan chuan MNF hruaitute rilruah chuan Mizo mipuiten an lawmzawng a ni dawn a an hriat chuan ram tan nakin zelah a tlo ang em tih ngaihtuah hauh loin an kal pawp pawp mai niin a lang. Party dangte angin thilthui tak an ngaihtuah phak vak lo. Ram tan thil tlo leh \ha ngaihtuah aiin mipui tih lawm hrim hrim hi an hnapui ber niin a lang.
Thlirtu Mitfima
94367 54005
MIMER hming in thlak a nih pawhin Zoram ti loin Mizoram tal hmang teh u. Zoram tih chu a chhum bung em mai.
Aizawl Nu
96129 07066
MIZORAM INSTITUTE OF MEDICAL EDUCATION & RESEARCH (MIMER) tih chu sorkarin ZORAM MEDICAL COLLEGE (ZMC) tiin a thlaka. Mizoram tih Zoram tia a thlak hi kum kha leh chen Mizo kan nih thu kan lo aupui tawh Zo han tiha, Mizoram pawh Zoram han tih ngawt hi pawm a va harsa dawn ve.
MNF pawh ZNF tih a ngaih hmel ta
.
Kan thatchhe tawh lutuka Mizoram pawh tipeih tawh lovin Zoram tiin ka thlak vek zel dawn em ni ta le? MNF party hi Mizo hnam leh Mizoram an chian loh zia an tilang ta em ni ang? He thil hi a funding patern/Administration chu thu hran pawh nise Mizoram tih Zoram tia thlak kher hi chu Mizorama Mizo fate’n kan pawm thei dawn em ni?
The Thinker
70052 37836
Sorkarna han siam tak avanga mipuite mitmei pawh veng lo lek a, ka theih tak emaw ti a kan Medical Institution leh Research hmunpui tur hming mahni hming zulzui a han thlak te chu a va han zahthlak rem rem ve le! Midang siam puitlin sa mahni hming daih loh nan a harsatna leh buaina tamtak a thlen tur hre reng chunga luhlul han chhuah tlat mai chuh. Nge ni a, mipuite hi kan nep em a zahtlakah min ngai lo zawk? Heng hmingthlak tihvel mai mai ai hi chuan project lian tham Hydel lam te hi buaipuiin hna pui berah nei zawk teh u. Tripura takngial pawn Power MW 2000 chuang an neih tawh hi.
Jonathana Pu
93666 30785
Tukin Vanglaini chanchinbua motor intlan chhawk dan thar June thlaa hman \an tura ruahman thu ka chhiar a, a that tehchiam ka ring lo a ni. Tuna kan hman lai pawh hi \ha awm takin lang mahse lirthei a bikin 2wheeler a tihpun nasatzia hi thuneitu lam hian an ngaihtuah lo em ni aw ka ti. Ruahmanna thar kan hman hunah phei chuan lirthei a pung lehzual ngei ang. A chhan chu nitin motor-a office kal \hin kha an motor tlan theih loh ni a lo awm takah chuan lirthei dang an lei phah ta ngei a, lirthei pakhat chauh mamawh khan pahnih a mawmawh phah a, pahnih a neih takah chuan a pahniha tlanchhuah chang a awm fo bawk. Motor tlan theih loh ni awm hian motor a tipung chak viau a ni tih a ti chiang viau lo maw? Ruahmanna thar hi kan hman hmain ngaihtuah chian leh atan a va \ha em.
89749 28714
Sorkar thuneitu lamin motor intlanchhawk dan tur ruahmanna thar an nei niawmin a langa, hei hian motor thar neih a tipung leh nasa ang em? Ngaihtuah tel a ngai khawp mai. Ruahmanna thar, lirthei pun phahna ni si lo hi ngaihtuah chhuah a kalpui a \ha khawp mai.
LT Ralte
98620 07651
April ni 27, Inrinni a chhuak Vanglaini a Pu VL Huala article ziak kha ava \ha em. Pu Rokunga hnam dik tak hi chiang lo takin kan lo hre \hin a. Tunah chuan phengphehlepa khua a tlai hmain kan hre chiang ta a, a va lawmawm em. Pu VL Huala, Zonet Fakselna kal tlangin lawmthu kan hrilh a che.
8974629965
MNF sorkar ten MIMER hming tihdanglam an tum hi thil \ul lo lutuk a ni. PC sorkar khan Bairabi Hydel Project atan hma nasa taka an lak tawh pawh Bairabi Multipurpose Project tia an thlak avanga puitling thei ta lo a nih kha kan la hre reng a, a pawi leh dawn em mai!
LALTUAIA
9612691391
Zirna sikul \ha kan duh chuan pawl li leh pawl riatah hian Board Exam kan sorkarin a siam leh ngei a ngai niin kei chuan ka hre ve tlat.
8974132284
Mizoramah hian zirtirtu lak belh hi a va \ul lo em. Khawpuiah chauh hian awm tum lo se, sorkhar pawh hian hnathawktu dangte a sawn zung zung ngam ang hian han sem rual ngam se \ha mai tur. Aizawlah ringawt pawh hian veng tam takah hian sikul pathum awmna, naupang aia zirtirtu tamna sikul hi a awm nual awm e. Hengte hi sawi khawm ngam sela chuan thingtlangah pawh hian zirtirtu hi an indaih tawk em em ang. Lak belh tih vel hi chu ram hmangaih vang ni lovin, in duksahna, mahni \anghma chiah ngaih vang a ni. Zirtirtute lah hian an nihna tak hi sorkharah an report ngam bawk si lo. Kohhrante lah hian kan la hmang\angkai phian bawk si. Vanram hi chu kan hlat hlawm khawp mai. Hetiang chunga Vanram kai tura kan inngai a nih chuan, Hindu sakhua pawh zawm ila vanram chu kan kai ve thoin ka ring.
7005873180
Zonet Fakselna enkawltute hi in fakawm takzet mai. Mi chi hrang hrang, ngaihdan inkhuang rual lo pui pui in rawn pe chhuak duh \hin hi infelzia tilangtu a ni e. Kan sorkar ring zo thlawt lo kan tam viau laiin atchilh tlattu lah an tam narawh e. A bik takin Tlabung Uitangrual inti ho te hi a bauh ring fal zual an niin a lang nghe nghe. An puin an sorkar hmasak \uma Baffacos sum, cheng vbc. 117 lai mai holam mai maia a tih chingpen thu Pu KL Liana’n lehkhabu a a chhuah avanga Lungleia kum 3 zet a transfer phah hial thu te kha an lo hre ve lo nge, mak tih nachang pawh an hre pha ve lo zawk ka ti hial mai.
Vaphai pa, Thilchik peiha
8131051855
Kohhran, a bikin Presbyterian leh an Evan rualten politic an aupui a, an tum ber ZPM chu an tling lova, MNF a sorkar ta. Kohhran hian an tih tur an ti lo nge an tih loh tur an ti le? Pathian chuan kan ram enkawl turin Synod a dah lo, MNF a thlang tiin kan Kohhran lian ber pawh hian pawm se. Kohhran chuan Thlarau lam leh nun kawng dik zawh turin zirtir se, political party chuan ram kaihhruai hna thawk se kan ram a dingchhuak ang.
Duata pu
