Kan PHE Minister-in kar tin tui vawi hnih hawtir a ni ang a tih kha a theihnghilh tawh em ni? A Deparment chan hi a va enkawl hneh lo ve. Tui semtute lah hian mi \henkhat tui pek ruk an ching a, pawisa neiten tui semtute an tham theih laiin mi rethei hovin kan \henawm mi hausa ho tui haw kan lo thlir ve mai mai a nih hi. Hei hi maw Congress sorkar chak tak thil tih dan chu.
Tui duha, Dinthar
————–
Nakkum mai khi kan ram HRUAITU/HOTU tu turte kan thlan hun tur a ni leh ta. Kum khat chhung lah hi mihring kan dam \hat chuan rei lo tak a ni. Mahni ngaihdan sawi ta mai mai ila. Inthlan chungchangah hian Kohhrante hi chu lo inrawlh thuk lutuk tawh lo se, a chhan chu party tin chet duh dan leh an MLA candidate te mimal rilru leh an mihring mize dik tak kan hriat chian theih nan. Chuta \ang chuan MISUAL leh MI |HA fiah a awlsam dawn a, tuna sakhaw khuahkhirhna phen a\ang hi chuan eng rilru leh mize pu mi nge an nih hriat an har tlat. Zalenna zau tak neiin campaign tir se, tichuan awlsam takin mipuite hian mi \ha leh \ha lo kan lo hre mai dawn a ni. An ven vak hian misual tan inthup a ti-awlsam a, mi \ha tan lansarh a har mai mai a ni. Tin, zu chungchang hi Kohhran ho hi chuan sorkar dem zawng hi chuan lo sawi ve vak \hin lo se a mawi zawk ka ring. An BERAM tlemte te pawh veng him zo lo hian Kalvari tlang thlawh khumin mawhpuh tur dap bik lo se.
Bawiha pu
————-
Tuna party \angrual ho hi party hmun khatah inchhun fin sela, an boruak chu hei ai hian a sang zawk ngei ang le. Tuna party lian 2 – MNF leh Congress ho lah an thil tihsual insawifiah rengin an inpuh tawn sek mai chu a ni a, kan Mizo thawnthuin pakhatin hreipui va la la, pahnih lo chuan kan ngam lo a tih ang maiin an thil tihsual inpuansak duh si, puang ngam tak tak bawk si lo, a huai zawk nih chu an duh ve ve si, inhlau tawn hi an ang ber mai lo maw?
Hlutei leh Zualbawihi pu
————–
Khaw khawm champha chungchanga mawhpuh tur zawng \hin mihringte hian kan ram hi nuamsa taka hlawhtlinna ropui tak hmuh inbeiseiin, tuarna leh hrehawmna a\anga hlawhtlinna kaw leng hi an pipute a\anga an chin \hin dan a ni ve lo zawk aw. Hla thuin tuarna pawh hlawkna a tihte leh nunna hial chana hrehawm tinreng ram leh hnam tana tuartute pawh hi an pawmzam ve mai mai dawn lo nge, an chhiat khum zawk dawn? Mu ang phau chunga kan ram hruai tumtute hian hnam boralna bak min thlen dawn lo tih Zoram mipuiten i hria ang u. Lungrualna hi ram leh hnam tan himna kulhpui ber a ni si a.
Tlabung Uitangrual
———–
Sorkar hnathawk, mahni thawhnaa thawk peih lo, ai kal laa mahni khuaa awm rengte hi sorkar hian a va ngai pawimawh lo ve. Ai kal lak hi an thlah zalen ta nge, sorkar inthlah dah vang? Mahni hna thawk peih lova aikal a lak theih reng a nih si chuan tlangzarh law law ni se a \ha ngawt zawk ang. Hetiang hi kan vengah pawh an awm.
Ramhmangaiha
——————
Kawng chhia kan sawi maw? Road Construction company pathum kan neihteah hian Donation khawn kan ngah em alawm. Eng vangin nge an kawng siam a pan loh tehlul ang? A ram neitu intiten Donation hi khawn lo ngam ila, kawngpui siamtuten an siam \hain a tlo mai ang.
R. Lalhmunmawia, Tuikual South
—————–
Kan sorkar chuan zu a zuar te te a, zuk leh hmuam a do leh chiam lawi si a, mak ve tak chu a ni e.
Maktia
————–
Nizan Fakselnaa Thlirtua Aizawl inti khan \angrual pawlte chu politics-a beidawng leh Pastor tisa mi fuankhawm ti khan i rawn vei vak mai a, tute hi nge beidawng leh tisa mite chu rawn sawi chiang la a va \ha ve. Eiruk hmang ho leh Zoram pawngsualtute ho bal liak \hin i nih ka ring. I mit a del a, i beng a ngawng a nih loh chuan Zoram chhiatzia hi i hmuin i hre tur a ni. I pute ho hi heng ram hmangaih avanga chawl thei lote kaltlang hian Zoram mipuite hian kan change dawn.
Mizo Tlangval
—————–
Tunlaia sawi hlawh tak mai \angrual pawl inti emaw ni, mipuiin an bawh nasain kum 2018 inthlan hunah pawh sawrkarna siam ngei turin mi \henkhatin kan han sawi vul vak mai a, kei chuan ka ring ve tlat lo. MP inthlanah pawh tuna kan hrawn mek party tih loh chu an \ang ho vek a, an chak chuang lova, chutih laia \angrual zinga mite kha pawl thumah awmin chutah pawh kei chuan sawrkarna siam tura ka rin loh ber pawl an ni ve tlat. Kan duh emaw, duh lo emaw CONGRESS emaw, MNF emaw zawk zawk hian sawrkarna an siam kei chuan ka ring tlat.
Thenzawl pa
—————–
Aizawl khawpui chhunga motor tlan dan tur ngaihtuah chhuaktu hian a ngaihtuah chhuak thiam viau mai a, tih dan tur dang awm ta lo chu a \hat hlauh chuan a fakawm hle dawn a ni.
Thlirtu
——–
Bible-a boral, boralna tihboral, kan hmuhte hi Pathian bosantu/ hawisantute chunga thleng Pathianin a hawisan leh a hnawl a vanga a tihboralte an ni tlangpui. A hmanrua erawh thil chi hrang hrang tui, mei, hri, thihna etc. a hmang mai a ni e. A thuhrimah thihna leh boralna hi a huam chin a dang daih. Thi chuan thilnung nunna thaw pai chauh a huam a, boral chuan lei leh van a chhunga awm thilnung leh nung lo zawng zawng Pathian laka hel te, bote, hlate, Pathian dodalna thil reng reng chu a huam vek. Heng boralin a huamte zawng zawng hi chu hremhmun city-ah boralna ramah an la kal vek dawn Bible-in a ti.
VL Pachuau
—————-
Mizoram kawng chhia tih hi ka awih vak lem lova, mahse a taka han tawn chiah hian a chhe reuh tak khawp mai. Kan sorkar lah hian a ngaihsak lem si lova, bandh hi huaihawt reng chi pawh a ni si lo. Tihngaihna a vang duh reuh khawp mai. Mizoram han vei ve tak tak hi chuan kan sorkar tinghing khawpa thil tih hi a ngaiin ka hria. Zoram hmangaihtu zawngten ke i pen chhuak ang u khai.
H. Pachuau
————–
Keini Vairengte khuaa Jio la hmang pha ve lo ho hian kan phone support ve tawk airtel sim kan hmang ve a, mahse current a awm loh rualin signal a bo nghal tawp a, Emergency call/no signal a inti nghal ringawt zel a, ruah a sur vaka a awm lo chu ni se a la hriatthiam theih a, mahse, ruah sur pawh ni lo, khaw lum eltiang lai pawha No signal inti reng mai hi chu a ninawm lampang chu a ni. Mi sawi danah phei chuan current awm loh huna hman tur diesel hi thawktute hian an hralh ru \hin an ti a, tak tak a ni em chu hriat va ni suh. Airtel lam hotute hian hma lak dan in hre mial lo maw?
No. thup
—————–
Pu Hawla a pui ber mai. A duh ang thlap zelin thil a kalpui thei mai zel a, Mizo mipui chu sawi loh, ama mi leh sate ngei pawh zah der eih lovin a che uchuak a, a la huk dum dum zui. Chet hleknaa nupuite hruai lah hi a ‘addict’ hneh khawp. Fuh ta riauin a hria ni maw, nge amah hi ven deuh zel a ngai zawk? Ngawi tak rawh u, sa sem dana lungawi lem lo leh kawm kara nem beh bik hoten “I thu ang zelin ka chungah thleng rawh se” an tih theih tawh loh hun a hla tawh hauh lo a nia.
8414883986
——————-
Mizoramah Congress kum sawm dawn an sorkar tawh a, Congress sorkar sawisel paha MNF sawisel tel ve zel hian MNF a sorkar dawn tih a tilang chiangin ka hria. PC pawh an sorkar tawha tuman an sawi an sawi lo. MNF engatinge an sawisel tel ziah. A chhan chu Mizo hmangaihtu ber an nih bakah an chak a, an sorkar leh dawn vang a nih dawn hi.
8974797283
————
