Congress leh ZPM te chuan an khingpuite beihna tur an hre vak nange. Dawt muhlum tih hriat reng, BJP nen an \ang dun, NEDA-ah an tel tih vel mai mai bakin beihna an hre lo. Kei leh ka chhungte chuan Congress leh a thawhpuite hi chu kan thlang dawn lo. Zu avanga \ah leh ha\hialna thlentute an nih tlat vangin, Zoram mipui ten kan theihnghilh lovang chu maw.
Zohmangaiha
9612898237
MNF President leh Chief Minister ni mekin kum 2016 a NDA bansan tawhtute anmahni innghahna BJP/NDA thawhpuitu la nireng anga a la sawi fo mai hi CM meuh sawi atan chuan a awm lo lutuk e. Kum 2016 a nupui \hen tawh kha an la innei reng ti ta sela emaw, kan ramah hian Congress an la sorkar reng a lawm ti tlat sela a inang reng dawn lawm ni?
Laldika
9612691391
Kohhran a hruaitu, a hminga Pathian fak ve, pawn lam leh chhungkua a politics ruih chilh hi sawitur ka hre tlat, a va \ha lo teh lul em. Politics hian vanram a hruai thleng dawn silo a. In chhungkua khan Pathian thu nge insawi hnem zawk politics, han dawn ve teh le.
Thinlungliana
8731007244
Lo inhnial reng suh u. Tu pawh lal ula central-a sorkar BJP-ah bak pur in chaw chuang lo ang. Iak iak teh suh u.
9862922727
Pu C. Lalrosanga thu sawi ni awm tak rawn sawi ve vak vaktute khan Zonet in pawt ve lo nge, Thawhleh zana amah ngei a pulunga an kawmna kha in en ve lo zawk? Mi thu sawi lo kuai hertute thu lo rakpui ve chiam chiamho hi chu, “Kan party a nih chuan vawkpui pawh ni sela ka vote ang” ti \hinte nen duang khata hlum theih an ni. Tetea ngei pawh a sawi loh an sawitir tho. Kan politics khelh duh dan a la hniam lutuk hi chu aw! Pu Lalduhoma lahin, “A hunlai issue zelin thil kan sawi a, hmana mi vawiina rawn thar thawh leh chi a ni lo” ti lam hawiin a sawi zo chauh a, a ngaite bawkin thu hlui a’n sawi zawm leh nghal chat a. Kan ram hruaitu \henkhat hi chuan nuih an ti za \hin teh e.
Putea
8413024376
Pu Hawla ho te hian ZPM party te ICU-ah an dah em? Tunhma a\angin Congress party te nena thawhho a nih tawh chuan politics an thiam nge, an thawhpui party te an ei chhe deuhzela. MLA ngahzawk hi an ei ral a nih loh pawhin an la ei cher ve maithei a ni. Independent MLA an ni leh nghala. Pu Duha hian a politics mit hi meng zau deuh se a \ha ang a.
ZPM Pachal
8974244232
MP candidate Mizoramin kan neih te hi an chhuanawm hlawm hle mai. Ka \awng huatthu suhah, a hmalama kan MP te kha chiang takin an khum vek dawn. TV-a kawm an nihnaah an \ha tlat mai. Thlan sual a awm dawn lo tih a lang e.
RK Sanga
9862366590
Aizawl Post 28/3 a tarlan Serchhip District Phaibakkawna kum 2017-a PHE Dept. eirukna ni ngei a lang hi tu tih nge? Rang taka chhuichhuaha, eirutu hi hrem ngei atan a \ha hle mai.
Zopa
8729984567
Mizote cancer vei kan tam nachhanah zuk leh hmuam kan puh a, a dikna chen a awm ang. Ka hmuh ve dan chuan phai vai ho chawhmeh kan rin a\ang a in\an niin ka hria. Zuk leh hmuam ti miah lo vei kan tam tho si a. Sorkar hian kum 5 vel tal eng chemical a chawm nge tih pawh hriat loh lak luh hi khap sela cancer hi a tla hniamin ka ring tlat. Tin, mi tamtak tan thlai hmun siam a ei zawnna kan siamsak bawk ang.
Z Chhakchhuak
9774709214
Tun \um MP election kan hmachhawn turah hian kan ram leh sakhua a him theih ngei nan hnam leh sakhaw chhan nan hnatlang neiin vote i thlak \heuh teh ang u khai.
70059 44949
I ram leh hnam chhan la, khawvelin an dem lo ang che. Thufing ropui tak hi keini CM hlui Pu Hawla hi chu a nih loh hmel. Lal duh vangin chhim lamah Chakma thlavang a hauh tlat a, thlanglamah vai hoin ram rawn zauhin kan Mizo puite silaia an kah hial pawhin an thlavang pawh hauh lovin an ngawi leh tlat bawk nen. Hei vang hi a ni ang vaihoin a chal te an hnawih sen a, coconut hial an sawh keh tir. Tunah chuan North East news-ah pawh kan lang leh \an ta.
98628 80925
MP election campaigner-te hian mipui (voters) zalenna hmang thei lo lekin min sawi \haih a, “Congress i vote chuan, MNF i vote chuan” etc. tiin thil pawi thlentua min puh thluk tumin min sawi\haih tawn ve ve a, sahimna zawnga vote thlak loh mai a him ber dawnin a lang. Heti hrepa kan zalenna pawngsual zawnga campaign hi a hahthlak mang e. A khamawm titu pawh an awm nual ta ve ang ti tein ka suangtuah mai mai a.
98623 21957
Tun hma chuan nu leh pa ten chumi/khami chu in vote dawn nia an ti \hin a, tunah chuan thalaite pawh kan harh ve deuh ta a, nu leh pa te hnenah chumi/khami chu vote ngei ngei tur kan tilet ve tawh ta.
MIZO |HALAI
82589 70455
Kan ramin hma a sawn theih loh chhan chu \hatlai leh rilru chaklai zawng zawnga hna dang thawh a, chumi hnua politics kan luhchilh nasa lutuk hi a ni. Upat hnu, kan hnathawhna a\anga kan pension hnuah ram leh hnam kan hmangaih thar ta thut hian kan duhamzia leh lalna leh thuneihna kan duhzia a tar lang a ni. Sorkar pawhin upat avanga hnathawk thei tawh lo a tiha a hnawl tawh ten ram rorelna tel ve tlat tuma pension hnua politics luhchilha MLA, MP, VC leh Local Council thlenga candidate nih kan la tum hi chu ram leh hnam hmasawnna aia mahni hlawkna tur um niin a lang.
LT Ralte
98620 07651
Central-ah khuan duh thlan tur pahnih UPA leh NDA an awm, NDA hi CAB pass duhtu BJP hruai te an ni. Hnam party inti MNF ten NDA member ni chunga CAB kan do an tih hi Zoram mipui bumna mai a ni.
Chp Pautu
