Hmasawnna awmzia chu thil a nihdan pangngai aia a lo danglama, a hma aia \ha zawka a lo awm hi a ni a. Kan ram hmasawnna tur chuan tihdanglama kan awm a ngai a, chumi ti danglam tur chuan Hawla leh Rama ni lo kan mamawh tawh tih hriat a pawimawh takzet tawh a ni.
LALTUAIA
—————
Champhai DC Office ve hi an va muang em em ve mawle. Thla 10 chuang silai Licence min hrensak tawh, hetiang em ema file pending hi khawi District nge awm ve ang le? Nakin lawkah silai an khawm leh anga, thlawhhma ven a ngai leh dawn tawh bawk si, kan mang a va ang tawh tak em?
Thingtlangpa
————–
Mobile phone company-te hian message hi mi an thawn nasa lutuk a, a ninawmin mi an ti buai nasa lutuk hi ka kham khawp mai, rawn thawn tawh lo hram teh u.
9612238063
————-
Thil pakhat ka’n sawi ve lawk teh ang. Kumin chu buhfai phurtute chungah harsatna a thleng nasa khawp mai. Khawngchhia chu engpawh ni se Bairabi a\angin Lawngtlai, Lunglei, Zuangtui leh Tanhrilah te kan dah \hin a. Lawngtlai, Lunglei leh Tanhrilah te chuan kg 10 a\anga kg 15 sawt \hin a ni a, amaherawhchu Zuangtui Godown-ah hian motor lianah quintal chuang fe leh motor te-ah kg 70 chuang sawt \hin a ni a, a phur tam apiang sawt tam a ni. Ramrikawn a\anga Zuangtuiah sawt a nasa zual. Thil dik tak duh mi chuan a dik leh dik loh hre turin escort ka ngam e.
8974342551
————-
Hachhek Constituency chhungah hian SSA hnuaia zirtirtu aikal la an va tam em em ve le. HSLC pawh pass lote aikalah an chhawr a, a va \ha lo em. Thuneitute emaw, MZP lam emaw te khan rawn enfiah teh u. Tin, SSA hnuai ni lo, Govt. PS pakhatah pawh Headmaster, Aizawla awmin aikal a dah hmiah mai. A thawhna hmun pawh hi a la rawn hmu meuh lovang, kan \awp niai niai khawp mai khawthlang ho chu.
9383077876
————-
Zonet Bawhbel channel-a eisiam dan inrawn tichhuak \hin hi a va \ha em. Kan chhungkuain kan hlawkpuiin chi dang dang han ti zel teh u. Mahse, a titute inchei dan hi chu ngaihmawh ka nei, a sam thlahdah leh kawr hmaa uai sei tak te hi mit a ti kham. An hmel pawh a \ha, ei siam indress danah hi chuan fimkhur deuh se ka va ti em.
9436147113
————-
Mizoram sorkar hian a ngaihpawimawh leh a duh zawngah chuan sum hi a ui lem lo. MLA mi 40 te hnena an duh anga hman tur cheng vaibelchhe li teh meuh dah a ni a. Tuna Mizoram khaw kua ngawt mai buaina Mizoram Govt. Lumsump Grant-in-Aid chungchang pawh hi ngaipawimawh ni se chuan a tihlawhtling ngei ang. Sum sem hi ram mipuite tan \hatpuina aiin rilru tikhaw lotu a ni. Hlutna a nei lo. Mizoram sorkar hian hmasawnna project leh rotling lam aiin NEDP hmanga sum thehdarh hi a tin zawn zawk tlat a. An party kan sawichhiatna ni lovin, mipui sum hi mipui tana pawimawh bikah hmang tawh teh se. Party tih chak nan chauhva hmang lo hian.
PH FANAI
—————
P&E Deptt. Kawnpuite hian tun ang khaw lum em em laia shutdown an tichhen mai le. A va ninawm leh dawn ve, khawlum lutukah kan ^ lo chauh a nia. Hei aia hun remchang zawk a awm thei lo em ni aw? An ninawm teh chhen dawn khawp mai.
No. thup
————–
Congress ho hian Mizoram hi an tichhe zo takngial dawn. Kan society leh social life te leh nationalism te a tihchhiat zawh hma hian an ram lamah haw thla mai tawh se a \ha ang a. Bawngkawn a\angin truck chang mai se.
Vawrselapa
—————
Khawvelah kan awm a, Kristian kan ni a, Kristian kan nih avangin kan thlamuang ngawt tur a ni lo. Tin, engpawh ti sual ila inthiam chawp kan ching tur a ni lo. Kan thil tih \heuh hi min tehtu leh min buktu tur a la ni ang a, chumai a la ni lo, Lalpa Pathian hmaah kan la \hing\hi anga, kan la inpuang dawn si a, chuvangin kan damlai hian fimkhurtak leh Pathian \ih dekin kan hun leh nite i hmang \hin ang u.
Fela pa, KK
————
Taxi Driver ho hi induh duhnaah indingin in in-turn a, ‘reilote’ inti \hin, tumahin an sawisel ngai lem lo che u. Mahse, in stand-ah reilote han ding ve ila, inlo sawisel hman a, inlo au tengtung a, mipui hmanga eizawng inni tih hi inhre nawn fo teh u. Tin, taxi driver tih vanga mawl viau tum bawk suh u.
Hamleta pa
—————–
ZPM ho an sorkar hunah chuan Super CM neih maw min tiam a. Anni ho pawh hi sorkar ta chiah se. Khawiah emaw min va Great Super khuallian/khual zahawm/khual \hat san ve dup dup thovang. Hawngtu ropui/phumtu ropui va nih ve vel mai mai bak kha khawiah va super CM bik lek suh. Dawtsawi hmangte thangkama awh hi a hlauhawm tehreng nen. Sorkar kal tawh leh sorkar mekte dawt tinreng thangah mipui nuai sawm chuang kan han awk nileng zankhua mai \hin tehreng a nia. Va mikhual leh va phum leh ringawt lo tur, hnathawka ram hruaitu tur hi kan mamawh ta takzet mai.
Bawiha pu
————-
Tuikuk leh Takam ho laklet ba nia inngai tlat sorkar kan nei hi a va han vanduai thlak tak em. Kan ram hi kan lal duh luatah engzat fakau hi nge hnamdang kan sah thlak leh dawn a. Bangladesh tak ngial pawn an tih duh lo kan lo ti leh thei bik a. Chutah Hmar ho lah chu ti bawk. Assam, Nagaland, Manipur leh Mizoramah an hel a, a dawihzep ber leh ram hmangaih tak tak lo hruaitu kan nei tih hre ranin kan tlawm tawh bawk a. Kan police min thahsaktute lakah CYMA meuh pawn a thlawp hi a mak chu ka ti deuh. Nakinah \hangtharte bulah hian eng nge kan sawi tak ang le? Heng kan chanvo min chuhpui tur hian hnam dang engzat lakah nge kan la tlawm leh dawn? Pu |henphunga te ang hruaitu ropui huaisen kan va ngai em. Pathianin ram min pek kan hum zo lo leh lal duh luat vanga ram kan han sah zel hi chu inchhir ni hi kan la nei ngei ang.
Mizo tlangval rilru na
—————
Sum harsat vangin school pakua upgrade theih loh. Sum awlsam vangin 7th Pay hmangin sum an sem dur dur dawn.
9612126503
————–
Millennium Centre kawt kawngpui hian ngaihsaktu leh enkawltu a mamawh a nih hi. Bawlhhlawh bawm a ni ringawt a lawm le.
Khawpui hmel lanna hmun tak a ni si a, a zia lo deuh lo maw?
9774354495
————-
Inrinni, ni 28 Vanglaini chhuaka Pu Chuau\huama thuziak, “Ngaihtuah a ti thui mang e” tih kha a va \ha em. Kan \halaite hi zirnaah \ang teh u. Inthei lutuk, mi fa ten an theih chu intheih lohna bik tur a awm lo. Facebook, whatsapp, bike tlan chak ringawtah chuan ram ropui inthleng lovang. Thawhrimna a ngai. UPSC-a tlin te hi midang ta turah dah suh u, inthawhrim chuan inta vek tur a ni. Vawiin a\ang hian \ang teh u. Tin, Pu Liankunga IAS Rtd. ziak, “Ka zinkawng bumboh” tih kha kan \halaite hian chhiar ve teh u. Tum chuan kawng a awm tih inhre mai ang.
9612907066
————–
