NE State-ah electric power siam chhuak tam thei ber Mizoram chuan intodelh chu sawi loh, kan thla tin leibat pawh tih tawh naka laiin pek tlai (late fee) vang ringawtin 50 crores maw kan lo bat leh tak le? Kan ram lui zawng zawng hi kan khuap ang te a han ti leh a, Serlui an sawi vul chuk lah chu 10 mw pawh kan chang dawn lova, chu pawh a thlawn te chu sawi loh a lum, rate sang fein kan la lei dawn zui. Ramri vei lo, intodelh dan kawng zawng bawk lo, lal reng tuma sum sem ringawt \hin te hi chu paih a va hun tawh tak em! Zu zuar sorkar, zirna sikul khar leh zirna chhe zel bawk nen. Pathian \ih mi, dikna kengkawh ngam, ram leh hnam leh sakhua humhim thei tur CM leh Minister, MLA kan va mamawh tak em! Ringtu kan nih ang ngeiin tih takzetin Pathian hnenah i dil ang u. Mipuite pawhin hetiang mi kan thlanchhuah theih nan party ruihchilh leh therhlo mai mai umin i pheleng vel mai mai tawh lo ang u. Kan ram hi a chhe zo takngial dawn e!
Ramveitua
—————
Neutral takin Fela pa KK kha ka’n chhang ve lawk a nge. MP thlan \um khan Tripura transit camp Vote tlaah MNF Candidate, Pu Robert Romawia Royte khan vote a hmu tam zawk tlat mai.
LB-a pa
————-
Kan ram hruaitu atana mi pahnih chauh lal\hutthlenga \hut tir reng hian ram changkanna a thlen lova, mipui nawlpuite hi kan awngrawp \an a ni ta ber mai. An policy pawh hian awmze nei lova an hriat tak avangin policy dang an chhuah reng mai zawng a nih hi le. Hei kum lama upa deuh tawh tan phei chuan thlakhlelh tur a tam ta lo hle mai. Kan \halai lehkha thiam sang tam takte pawh hnathawh tur nei lovin an \hu \huap a ni ta ber. A chhan chu he policy mumal nei hlei thei lo ram hruaituten a ngaihna dang an hriat si loh avang a ni a, chuvang chuan kan ram rorel khawl a \hat loh avang zawkin \angrual pawl a lo chhuah phah ta zawk a ni. ZPM Policy hian mipui chhungkaw tin fairelbel a \hen theihna tur atan leh kan \halaite tan thawh tur tam tak a awm bakah, tar lam tan pawh hnathawh tur a tam dawn avangin he Pathian manifesto hi mitin tan a hlu tak zet a ni ta, i \ang tlang ang u.
MS Chhakchhuak, Aizawl
————-
Pu Tlanghmingthanga’n MIMER Hospital-a a thusawi chu Falkawna miten nuihzatthlak an tih thu an sawi. Hmanni lawka mita ni tin hmutute tan chuan MNF ten dawt an lo heh zia leh an zahtheih loh zia an inpholang a ni an ti.
9862333129
—————
Zu zawrh hi Congress policy a ni lo, a mamawhte tana zawrh a ni zawk. Zu zawrh sawisel vak vak zingah hian zu zawrh aia thilsual ti an tam hle. Zu vanga boralte hi sorkar zu an in vang a ni vek lo. Sorkar hian zuar lo mah se zu in mi tan in tur a tam tho. Sorkar zu zawrh hma pawhin khaw tinah zing a\anga mut hun thlenga zu in tam tak an awm.
Duata pu
————–
ZPM ho lah hi thawm neih teh an tum \hin a, mi tlem tein thawm lian tak a neih theih loh. Party lian Congress rum \haiha zam chi an ni lo. ZPM zawng an te \heh \heh em mai.
Lalrinnunga
—————-
Tunlai chu inthlan kan hnaih ta a nia nge Zorama, Hawla, Duhoma a ni deuh reng mai. Fakselnaah hian Zoram hmangaihtu pawh kan pung nasa ta mai. Famta Pu Hrangaia khan Zofate politics chu a lo hmu fuh ber maiin ka hria. Politics chu belkeh phuar khawm tuipaithei lo a lo ti thlawt zuk ni a, a dik a ni. Pawl hrang hrang tuna a awmna nen hian pawl li a zuanna a ni awm e. A politics thingzar vawn hi a dik lo nge ni, a uai tliak ziah lehnghal.
RENTHLEI CABIN
————-
Kumin MLA inthlan a hnaia, Pu Rama leh Pu Hawla chuan an dan pangngaiin mi thar an lawmlut ur ur mai le. Keini ZPM-te chu kan khua a har hle mai. Mahse, mite an fel a, khawhar lenpuitu erawh kan hmu \ha hle thung. Lo leng zel ru inleng kan hnar ngai lo. Ramthar kan siam ngei dawn e.
RZA Ralte TD
————–
Tunlai ruahsur |EK tlak duh hunlai hi chuan thingtlang lam electric line hi chu ruah a sur dawnah cut mai zel ni se, mipui tan leh Deptt. ho tan a \hat ka ring. A chhia siam chhung aiin ruahsur chhung a rei lo zawkin ka ring tlat. A chhelai hmuh fuh a har bawk nen.
8974244232
—————
Kan ram leh hnam a lo him theih nan Foreigner mi nuai 40 chuang, kan let 4 vela tam kan bul lawk Assam rama vakvaite hi MZP mai ni lovin Mizoram khaw tina awmten hmel danglam leh Zo\awng pawh thiam lo an nihna chiang taka hriat ni bawk si lote chu thuneitute hriattir vat zel ni se. An duh lo a nih chuan dimna awm miah lova a ranglama By order-a Mizoram chhuahsan tir mai tur tih hi Tlabung Uitangrualte thuchhuak a ni.
Hnam Arsi hruaitu ZORAM SAKEI
————–
Uire leh zurui miten vanram min luh khalh dawn an lo tih chawk hi dik ta riauvin ka hria. Tunlaiah Kohhran hruaitu \henkhatte pawh hi a \hen an inla muk lutuk a, a \hen an ho leh viau si. Kohhran hruaitu chuan thlei bik an nei tur a ni lo. Huang khatah an beramte an khungkhawm vek tur a ni. Kohhran ram pawh ni mahse an beramte kha vuivai tawk an awm hrim hrim. Tunlai hi inlak bikna an uar hle mai, khawvel a ni tlat a.
HAWIHCHINI
—————
Eng vangin nge Bru lo kir duh lo kan buaipui reng tih chuan chhanna dang a awm lo. E le! An vote kan duh mawle. An tel lova kan tlin theih loh vang mawle. Ram mipuite laka kan chetdanin a zir tlat loh vang a ni. Kan sorkar hian ka tlawm ta e ti mai rawh se. Thinlung leh tih takzetin sorkar hian kan lo ti dik lo a ni ti mai rawh se.
Fela pa, KK
————–
YMA, KOHHRAN, MHIP-ahte hian Zoram mipuite kan awm vek si a, ruihhlo do pawla tel vek an ni si a. Zu zuar Pu Hawla kan thlangin a pawlah kan awm leh tlat hi a mak ka ti ve khawp mai. Zu a zawrh a\ang khan a pawl a\angin ka banga, a hnung pawh ka zui peih tawh lo reng reng. A hnungzuitute u harh ve u la, zu zuar hnungzui i bansan vek tawh ang u aw. Zu zuar chu Zoram mipuite hian i endawng thiam ve ang u aw. Kan LALPA LEH KAN PATHIAN NUNG HI a lawm dawn em mai.
Bawihtei pa, KK
————
