Politics hian mihringah zah theih lohna a siam nasa thei hle mai. Kan sorkar hi han thlir ila kum 10 an lal zo tep tawh a, hetih chhung hian kawng chhia min hlui tluan zak a, an zak lem lova, Assembly-ah chak zawka kawng siam ni rawh se tih thu chu tul lo ti a phar thlak a ni a. Heti taka mipui phun tirtu chanchin thar luah tamtu a ni chung hian India ram state-a kawng nei tha pawl kan ni an la ti ta deuh deuh va, kan tlin ngang lo a ni. Inthlan leh chu kan chuh tawh lovang tih chu khawi lam, min sawiselna tur opposition lamin an hre lo tih chu an au hla a ni a. Politics hi zahna tibotu hmanrua a lo nih hi te ka ti vel ta mai mai a.
RK Sanga
—————-
Tukin Zing Daifim chanchin thar puan kha a sound a chhe lutuk a, hriat a harsa, a hriat hleih theih loha han tifiah deuh teh u khai. Thla fee in titam em em tawh bawk si a.
9436351249
—————-
Nakkum MLA thlan hunah chuan party tinin Chakma District-ah sawn Chakma mihring hrim hrim candidate loh an tiam chu a ni a. Mizo an huat tawh mah nak alaia MLA candidate Mizo hlir an nih chuan vote a tla tha vak lo ang a. Chutih ruala thil hlauhawm tak mai chu Chakma mi hi party thenkhat hian verther chhuahin Independent din tirin Mizo mipui bum nan pawn lam atanga thlawp anga lang siin an thurual rukpui ang tih a hlauhawm hle. Politician tam fe zawkte hi dawt sawi hmang/mibum ching an ni tih hi kan vote thlak dawn tep thlengin i hre nawn fo thin ang u. Chutianga lo thurualpui emaw, thlawp emaw party reng reng chu Zoram khawi hmunah mah an candidate-te tu man vote loh tur a ni ringawt. Party phakar chutiang ti te chu duh leh an thlakhlelh Chakma District-ah chuan va tling ner nung rawh se. Mizo mipui hian kan mamawh love. Nakkuma vote kan thlak hun chuan kan ram leh hnam dinchhuah ve tawh nan aw.
Bawiha pu
—————–
Isua nei lo tute (suala awm rengte) tan chuan lei hi lungngaihna leh hrehawmnain a khat a, mahse lei hrehawm tia an sawi thin pawh hi ISUA neitute tan chuan vanramah a chang thin. Khawvelin chatuan hlimna min pe thei lova, chatuana hlimna chu ISUA-ah chauh a awm si a; sualin bo tawh mah ila nitin amah kan hnaiha kan pan theih nan min la nghak reng a lawm. Mahse, ISUA hian min nghak reng dawn lo, khawngaihna hun hi a liam thuai dawn si a. Chutah chuan in chhirin awmzia a nei tawh dawn si lova.
Angaihtei Lungsum
—————–
TV channel hi a awmna hi a in sawn chhen mai, a va ninawm tawh ve. A in awm thelh seng sung mai a. Kan siam rem thiam ve si lova, a va buaithlak ve aw. A thiam khan min han hrilh teh u. Mizo channel-te hi a hniam lama awm kha sang theih tawpah a awm a. Sipai bang kan bo map mai.
No. thup
—————–
Maywether-a te inhnek kha en ve kan van duh ve. Kohhran programme avangin Pathianni a ni bawk nen kan en ve hman lo va. Tunah lo pe ula kan lawm hle ang.
9612514629
—————-
West Tuipui Constituency bialah hi chuan kan ram leh hnam a lo him zawk theih nan leh kan bial hnufual tak hian hma a lo sawn theih nan party party sawi lo hian kan hnam dik tak, mi fel leh lehkhathiam MLA-ah rawn ding thei sela a van tha dawn em. Chakma hnamin kum tam tak min awp tawh a, hma kan sawn thei lo em mai. A rualawh thlak.
Tlabung aw
—————–
Mizoramah hian tun dinhmun ang taka kan kal chhoh chuan ram hmasawn ngaihna kawng a kaw dawn lo. Eiruk duh loh danna tha tak Aadhaar Card siamtu BJP Central Sorkar hi Mizorama eiruk duh lo tak inti party-te hian thawhpui awm tak a ni a. Tunhma atanga Central zem zen (Central Sorkar zawm) kan dah sangin, kan ngaisang hle si a. Development atan pawha eptu party ni lova, a thlunzawmtu nih te hi kan tum leh si lo em ni? HINDU sakhua theuh theuh, BJP leh Congress party-te hi Mizo Kristian te tan an inang chiah. Hlauawmna tur an awm lo ve ve. Chiang taka chhui hnuah pawh danglamna an awm miah lo. Mizoram hmasawnna tur hi ngun taka chhui a nihin, NLUP hmanga kan innghat ngawt mai hi chu a ho lulai lutuk. He party thlak duhtute kalphung phei hi chu a ho lehzual. A hrana hrana kal phei hi chu Congress vulhna mai mai a ni.
PH FANAI
—————
Inrinni zan Fakselnaa Ralte Pa ngat inti khan, Border Fencing hi leipui huan hung ang leka ram hmangaih loh vanga sum siam nan MNF-te tih tirah i ngai a ni maw? Central lam thil daih a ni a, keini duhdan dana tih tir theih leh kan lo inrawlh vena tur a awm pawh kan va hre lo ve. A thu hrimah ram leh hnam chhan nan leh hnam humhalhna kawngah hi chuan Tuikuk, Takam, Vai pa emaw, Sap pa leh Ralte pa ngat pawh ni se, Tlabung Uitangrual tena kan thlen chen inthleng ve ngam dawn te a nih loh chuan thu awmze nei lo leh rin thil thua in mi tirh kal mai mai theih kan ni lo tih chiang taka i lo hriat kan duh.
Tlabung Uitangrual
—————-
Mi harsa leh retheite RSBY Health Care bill a chhuak thei lova, Housing for all pawh hi party advantage lak nan an hmang dawn a tih theih. Kan khawtlang hian khawmpui lian a dawng dawn a, kan in ang velah hi chuan mikhual kan thleng ngam lovang, a zahthlak. Mizo tlemte hi pek awm chin zawng chu min pe vek rawh se. Tlabung khua hi sorkar hian min ngaihthah lutuk.
KHAWTHLANG MIZO
—————–
Mingo pa a tlawm chu kan lawm e.
Mao tse
—————–
NLUP hi kan hotute hian an sem tawh hnu hian kan account-ah a van lut har em em ve? Tan ha la leh deuh teh u.
8794660128
—————–
ZONET Fakselna kaltluang zel turin duhsakna ka hlan e. RIMAWI in pekna channel sana hi dah dik ve deuh theih a nih chuan a lawmawm fu ang, mit a ti kham pha tlat. Chanchin thar leh Fakselna ilo chhiartute hian tun ai hian uluk leh deuh thei bawk ta se. A awmze bo hial khawpa lam dik loh an la nei zauh zauh a nia.
Ronald VLC
—————
Mizoramin hruaitu tha ram hmangaihtu tak tak a mamawh! Term khat chhunga taksa leh sum lama thau kung ho hian ram leh hnam an vei lo tih a hriat a, USA President khawvel ram ropui hruaitu an thau luah ngai lo. Thuneih leh lal ringawt atchilh lo ram hmangaihtu kan mamawh a ni tih mipui tam takin kan hria a, tangrual turho pawh mi ngaihven an hlawh hle. Mahse, inthlan hma ngeia CM tur leh sorkar ruat dan tur in siamfel theih loh chuan mi tam tak chuan an ring ngam tak tak dawn lo che u. A hma pawha ruat fel thei lo chuan sorkar pawh lo siam thei ta ula in buaipui leh tho ang tih hi mi tam tak ngaihdan a ni.
SORKAR THA DUHA
—————-
Nunna atan a hlauhawm leh kan thihpui mek zu kan sawrkarin zalen taka a zawrh mek laia zial tih mai mai an khapa an buaipui ta mai hi ka nuih a ti za ang reng zawk. Zial vanga nunna chan nge tam anga, zu vang nuna chan tam zawk ang? Zial aia khap awm zawk chu kan MLA tena thil hote hawng tura motor tam tak tak an inzui tir thin hi khap se, sum tam tak luang ral tur an hum mai bakah anmahni pawh an zahawmna an humhim bawk.
Thenzawl pa
—————–
Pu Romawi, Zofate tana thahnem i ngaihzia kan hria a, Mizo ni ve lo sawisel emaw, sawichhiat emaw lo hlau reng reng suh ang che, i hnungah Mizoram leilung fate awmphaw nen kan awm reng a ni.
8794746089
—————-
CONGRESS leh BJP-te hi eng sakhaw bia nge an nih? Kristian sakhua bia an ni lo ve ve a ni lo’m ni? A pawimawh ta zawk a chu ataka Mizoram hmangaihtu a ni. Mizoram an hmangaih lova, sumdawn nan maia politics kalpui an nih chuan Kristian pawh kan thlang lal kher tur em ni?
9402108995
—————–
Chakma ho chuan kan ramchhungah ngei pawh min va han ngam salh salh ve. Heng zawng zawng hi kan politician ho lal duh vang vek em ni? Kei chu ka rilru hi a nain ka rilru hi a rum tak meuh meuh a ni. Engtin nge Central-ah kan MP-te hian an sawi ngam tehlul ang. Chakma te avanga tling an niawm si a. Mizo zawng zawngte hruikhat vawn a hun ta hle mai.
Sidia pa
—————–
Dt 28.8.2017 chhuaka Rev. PC Nghaklianmawia article kha ka hriat dan ka’n sawi ve teh ang. Mitthi chala pawisa thir dah hi Sakhuana thil ni lovin, mihring taksa atanga tui/bawlhhlawh chhuak eg. an hnar atangtea chhuak hi an chalah pawisa thir dah hian reilo teah a reh mai thin a, chuvanga dah chu an niin ka hria. Kan thenawmah accident-in mi pakhat a thi a, thi a chhuak reng a, thi chhuak a reh duh tih chu ka hre lova, mahse a buaithlak em avangin pawisa thir a chalah ka dah chhin a, a lo reh ve tak mialin ka ti a, mak tak maiin a hnu reilo teah a reh ve mai a, a thi chhuak pawh chu a khang mai nia. Dah lo ila a reh tho dawn nge chu ka hre lo.
98627 70424
————-
Sikul zirtirtu aiawh lak chungchang kha in rawn sawi lang leh liam liam a, a tha hle mai. Aizawl khuaah ngei pawh hian an la awm fur mai. A bikin khaw dai leh veng mawng leh per deuhah an awm nual ang. Training kher sawrkarin a lak rualin training miah lo, zu ngawlvei leh engemaw chhuanlama zin bo chakte, sumdawn chak avanga aiawh la, kumtluana kal tirte pawh an awm a sin. Bialtin SDEO te khan han ngaihven teh u.
K. Hautea
————–
Side B atanga thlirna:
Zaithiam pakhat khan mitdel tan a zaisak a, a lawmawm em em a. Mahse, mitdel zai thin kha chuan a hlawkpui tehchiam lo a nih kha? Ni dang (Inrinni vela) a hmuh thin ang tho pawisa chu a hmu a nih hmel kha mawle? Thil ropui tehchiama han chhâl tur chi em ni dawn te ka lo ti ve mai mai a? In duh leh min hnial ula, chhan let che u pawh ka tum chuang lo!
9774354495
————–
Sem Policy hi a tha lo tih ngawt theih a ni dawn em ni le? Mi harsate hi YMA, MHIP, Aizawl Thunder etc. hian a tanpui/sem reng bawk si a. Bul tanna nei lo na na na te chu an sem ang chu mawle. Chuvangin MNF unaute khan kan sem dawn ti ve ula in
hlawhtling zawk ang.
Lba pa
—————-
