Politics-a senior tawh tak taka ngaih, thil pawh hrethiam viau tawh tura ngaihten an hriatna dah \haa party dang beih an ching hi milem awmdan niin ka hria. India ramah Congress kaihhruai pawl lian tak, UPA a awm a, tah chuan party hrang tam tak an awmkhawm a, lehlamah BJP kaihhruai pawl lian tak NDA a awm bawk a, chutah chuan party hrang hrang an awmkhawm \euh bawk a. Khing awmzia khi hre lova UPA-a tel chu Congress ti duh lova, NDA zawm chu BJP ti tlat duh kan la awm a, kan chiang lo tlang viau zawk em ni tih hial tlak niin ka hria.
8837489511
————
BJP thawhpui leh a ruka \ang tlang tih vel hi kan sawi ri ta fova, a tak takah chuan ZPM-a Chief Minister tura hual hi a thawhpuitu hmasa leh phone hmang pawha lo inbiaa, lo inrawn an nih thu kha phone-a inbiakna leak palhah khan a chiang a, Congress phei chuan a ruk pawh ni lovin Mizote min tibuaitu CADC-ah thawhpuiin an sorkar ho a ni bawk si a. Eng vanga MNF hi puh chhe ta viau nge maw an nih le? An huphurh vang a ni ngeiin a ngaih theih. Kan ram hi party ho hian an sawp nasa deuh mang e. Mahni ngumkhak hmuh hi chu a har a nih dawn hi maw!
Maktia
————-
ZPM leh PRISM hi thawk ho ta se Zofate duhthusam a thleng thei ang em? Intodelh leh hmasawnna hi ZPM-in \ha takin an thawk thei ang. Justice (Law & Order) kenkawh lamah PRISM hi an \ha tawk viau bawk ang. Chief Minister – Pu Lalduhoma, Law Minister – Pu Vanlalruata. Hmasawnna mai bakah diknaa rorel an hlenchhuak thei bawk ang. CBI kohluh an ngam bawk ang. Mipui mimir an thawveng ang.
U Khianga
————
Khai le, khai le! Kan ram din chhuah leh chhuah lohna tur inthlanpui chu kan hma lawkah hian a lo thleng dawn ta. Party pahnihten kan ram an hruai dan leh enkawl dan kan hmuin kan hria. Nang vote khat nei kha i va hlu em. Party ruihchilh lovin kan ram, kan hnam tan enchhin policy hi neih ve a hun tawh viauin a lang, a \hat loh chuan inthlan leh hunah paih mai tur. Ka Mizo puite u, tun \um chu ZPM hi enchhin ve ang u hmiang.
9862322234
————-
Congress chhungkua hi chuan buaina an tawngbaw dawn chauh a ang hle mai. A hmaa MLA lo ni sa, tuna candidate chang ta si lote pawh thinrim takin an chhuak hmak hmak ta mai. A hma kha chuan tumah lungawilo kan awm lo, lungawi takin kan inkian thei a an han ti a, an lungawi loh zia chu Pu R. Romawia leh Pu Hmingdailova Khiangte te k^ a\ang ngei pawn kan hriat tawh kha. Congress hian dawt hi chu sawi sawi tawh suh se.
LZA Fanai
———–
NLUP pawisa sem sawiseltu MNF chuan sum sem ve tumin SEDP an buaipui a, Sawhthing kg 1 cheng sawmin kan la ang tia mipui min bumtute kha inbum nawn tir tawh lovang u. Heng ho hian an k^in min chawimawia, an thinlungin min hlat si. Kei chuan bumtu ka ti mai, an k^in min hmangaiha, an rilru erawh hmun dangah. Harh a hun ta e.
8730841016
————
Kan ram mipui rilru put hmang ka ngaihtuah a, kawng chhe ning lo leh zu zawrh zel la duh kan la tam zia ka ngaihtuah hian kohhran tlukchhiat zia a lang chiang hlein ka hria.
Carolini pu
————
Congress party chuan Central YMA ngenna leh duhdan kalhin Chakma candidate a nei leh ta maw! Central YMA hian engtin ngai ang maw?
8131985676
————-
ZPM hotute hi lo rak mai mai teh se, engmah an ni lo. Buhseng dawna em nena inphur lut ve chauh \hinte an ni a, kum 2010-a zu zawrh duhtu lama \ang debator te mai kha an ni. Mahni chauh finga inngai awmkhawm an ni.
Vawrselapa
————-
Pathian leh kan ram tan an tia, Pathian hming an mihringpuite bum nan an hmang mai a ni leh lovang maw? Pathian hming hmanga an mihringpuite an bum hi Pathianin a phal fo dawn hauh lo a nia.
ROGER
————-
Election Campaign-in \halaite a chawh thawh zawh loh chuan tling lo turah inngaih mai tur. Tlin tum chuan MPF nena thuthlung a bawhchhe \an ta. |halai nghawr nghing khawpin \an la rawh.
Vena Pu
————
Kum 2018 MLA inthlanah hian Congress hi a sorkar leh a nih chuan zu hi Mizoramah hian la zuar zel hi \ha kan ti tihna a ni anga, kohhran ang pawhin i sawisel tawh lovang u. Vote thlaktute hi kohhran mi vek kan ni si, kan inti mualpho mai mai.
9612028199
————
Lalduhoma khua, Tualpui khua Primary leh Middle School zirna chhe lutuk hi ka fate an kal ve bawk si, an hotupa chuan pickup a lei leh tawh a, eng ang takin zirna hlamchhiah ang maw? Hotu lam hi hrilh mai tur nge?
ZIRLAI PI LEH PU TE
————-
Tunlai kan boruak hi a buai nuai nuai hle mai. Inthlan boruakin min chenchilh nasa tawh mai sia, kan ram tana \ha tur pawh kan dawn chang tawh lo. Mipui leh kan ram tana \ha tur hi i thlang thiam ang u.
Marami, Kawnpui
————
Inthlan zawh lamah MNF leh BJP maw inkawp lo tum reng chu le? Nationalist inti Mizo, a changa hnamdang awt leh mamawh an lo ni maw? Vote induhthawhna a na hle ni maw? Mahse Mizo hnam pasal\hate kan nihna tur leh kan huaisenna hun tur dik tak chu a ni e.
9862384183
———–
Sorkar thar lo piang tur hi MNF leh BJP inmawngzawmna tur coalition sorkar a ni dawn e. A chhan chu MNF-ten MLA ngah berin majority an hmu phak dawn tlat lova, BJP-ten MLA an nei ve dawn chiang si. Zawlnei puansak reng kan ngai lo.
LB-a Pa
———-
Zoram Kohhran Hruaitute u Bible-in a duh loh zinga mi zu hi kan ram hruaitute hian an ngaina vek bik lo tih hi inhre nange? Mahse maw kan Chief Minister, Pu Lal Thanhawla hian a haw lo tih erawh chu lo hre teh u. Ani chuan ‘In atana an siam chu in tur’ a tih hi ka la hre reng. Bible-in a khap miah loh ‘Zuk leh hmuam’ a dova, Bible duh miah loh zu a haw hauh lo tih hi i hria ang u. Mizoram Congress Party tih awm tak chu zu zawrh hi a ni e.
Thakthing tlangval
———–
BJP President Amit Shah-a’n Mizoram chu 2018 Krismas-ah chuan BJP rorelna hnuaiah a awm tawh ang tia a sawi lai khan ka lo nui nasa mai a. Thil thleng thei ngai lo turah ka dah. Mahse, Tripura info. chuan Mizo nawlpui vote loh an hlauh avangin MNF tan BJP chu inthlan hmaa langsar taka an thawhpui a rem lova, mahse inthlan hnuah chuan thawhhona leh inremna siam chu harsatna pakhat mah a awm tawh dâwn lo tih a tarlan takah chuan Amit Shah thusawi awmzia pawh hi ka man ta a ni. India ram hi Hindu sakhaw rama siam tumtu BJP hian Mizoramah kua an hreuh nasa tawh a, Chakma leh Tuikuk phei chu an lei zo tawh niin a lang. Tuikuk ho hi District Council pek an la tum lovang tih pawh a sawi theih loh. Heti a nih mek laia MNF-in BJP thawhpui an tum chuan Mizoram hmabak a thim hle tihna a ni. Zoram harh teh!
Ram veitu
————-
Minute khat tak ngial pawh CM \hutthlenga la \hu miah lo ZPM Chief Ministerial Candidate, Pu Duhoma nasa taka sawichhiaa beitute hian an pute kum 10 leh 20 chuang CM \huthmuna lo \hu tawhte tuhrah sengin Zoram hi kan buai tawh a ni tih hi lo hria sela. Tunhnai maiah pawh Kohhran thu leh hla pawisa hauh lovin MPF dan bawhchhiaa ZILHHAU ngai khawpin an zia an chhuah leh ta a nih hi. Chhim lamah lah Mosolman takngial pawn an duh loh leh an huat em em, Chakma BJP thawhpui an inchuh rawl nen he party pahnihte zeizia leh thawhrahah hi chuan Zoram hi a DAMLO a ni e.
Mizo Tlangval
————-
Central pawisa, mipui sum hi sorkar hnathawk hovin thla tin cheng sing a\anga cheng nuai thlengin an hlawh a, kum 60 thleng thla tin an lak luh hiau hiau laiin i pawisa ve tur kha kum 10 chhungin nuai khat lek i dawng ve \awk a ni a, Congress sorkar vote hi i ba lo, i pawisa lo pe tur che a mipui rawngbawl tura sorkar an ni reng a lawm le.
7085845905
———–
