Lal Thanhawla chuan a Guard te pawh a khap duh miah lo nge a fuihpawrh zawk? Kawngpui siam tha duh mang si lova inti thu em em ringawt mai te hi ram hruai tlak a nih lo zia tilangtu a ni a, a inti lal em em ringawt mai. Minister ni mahse dik takin rorel sela chuan Guard nei lo pawn a duhna hmun apiangah a kal zung zung thei mai tur. Hlauh neih reng renga khawsak tak mai chu, an nun a hahthlak khawp mai. Kei hetianga lal hrep ai chuan mi hnuaiah mahni ngeiin kan kan hlawh sa ei ka chak zawk daih. An ni zawng mipui chunga lal taka awm vel hi nuam a ti a nih hi.
Buaina Ralliana
—————–
ZPM hi kei chuan mi beidawng intelkhawm ka ti mai a, han sawrkar ve ta mai se an buai awm nuai nuai.
Neutral pa
—————–
Ram leh state changkanna leh hmasawn chakna hi mipui ni lovin, hruaitu lu ber mimala innghat tlat a ni.
RK Sanga
—————-
Tuktin kan thenawmte in chungah chawngzawngte ei tur ka pek laia Durtlang kham hnuaia ramsa te kah tuma lo veh lo veh chu a va intuha lo ve le! He mite hi man chhuah a va chakawm ve.
Pa Zamtea, Nungcha ngainatu
—————-
Mipui hmaa thu sawi thinte leh media-a thupuang thin ho tan hian Mizo tawng zirna forum siam a hun hle mai, hma la peihte tan.
LK-a
—————-
Mizoram Chief Minister, Pu Hawla hian inthlan dawn hnaih apiang hian beih a tawk thin a, thudik chanve hmanga beih a ni tlangpui thin. Tunhma atang daih tawh khan inthlan dawn hnaih hi chuan beihrawn hi a tawk laih thin reng a, mahse Pu Hawla hi mi famkim chu ni bik lo mahse mi tha ram hmangaihtu dik tak a ni tih hi mipuiten an hre chiang telh telh a, thudik chanve hmanga bei thintute hi an ding chang ngai lo. Tunah CM Pu Hawla chuan beih a tawk leh ta a, hei pawh hi belhchian dawl a nih lohzia hretute chu Zofate kan ni. Tuna amah beitu hi Serchhipa Pu Hawla tum 3 lo khing hneh tawh lotu unaupa a ni a, inthlan lo awm leh turah pawh he amah beitu unaupa bawk hi Babutea party aiawhin a ding leh ngei dawn niin a lang. Amah beitu pa hian Pu Hawla hnen atangin hamthatna dawn a lo beisei tawh thin a, a beisei ang a hmuh loh avanga hetia CM bei ta chiam mai a nih zia hi mi zawng zawng hriat tlan a ni e.
Saipui Kallai
—————-
Sihphir khua, Lalbiakzuala CM escort party-ten kut an thlak chungchanga MPCC Media Department ten mipui hmaa dawt hulhual an sawi ngam hi mak ka ti viau dawn emaw ka ti a, ka ngaihtuah chiang a, a mak hran lo e ka ti leh ta a. Dawt sawi an hrat em a lawm. Damdawi ina awm, zung tha thei lo khawp si, kut an thlak lo han tih te chu an rapthlak a ni.
SANGA
—————–
Pu Hawla’n Central BJP Hindu kulmuk an nih vanga mipuiten hlau tur leh Pathian nung bia kan ni tia Chanchin thara hmanni lawka a sawi, a chilthli per pawh a la ro hman dawn em ni tihah kawng ken loh vang ringawta a Mizopui ngei, heti taka a sawisa thei hi hei hi em ni Pathian nung betute thil tihdan chu? Nge a ka atanga chhuak leh a sawi leh tur te pawh hi dawt hlawm vek kan ti zawk dawn? A hmel leh hmui ka atanga chhuak hi thuro anga nunnemin lang thin mahse, an chetvel dan atang hi chuan ram hruaitu ni lovin, Alkaida leh pawlte niawm tak zawk an ni.
Tlabung Uitangrual
—————-
Pu Hawla Guard ten Driver an sawisak lai hian Pu Hawla a awm lo tih mi zawng zawngin lo hre teh u. Kutthlaktute ka tan vang ni lovin, Petrol pump thlen hma pawh hian inpelhna remchang a awm hmel ka ti. Hnunga motor inpelh tir hi Driver-te hian hreh loh tur. Tin, Police nih vanga kut rang lutuk pawh a dik lo tih kan Police-te hian hre ve bawk rawh se.
Duata pu
—————–
CONGRESS leh MNF-te hian hunrei tak Zoram an lo kaihruai tawh a, an hnathawh kan hmu a, MNF hunlai phei chuan corruption hluar zia pawh kan hrechiang hle. Chuvangin Zoramthar siam tur chuan party thar kan mamawh tih hi Zoram mipuite hian i hria ang u.
Lone wolf
—————-
Congress party hi ka la vote ngai lo. Mahse, Congress leh MNF chauh hi thlan tur ni se, Congress party hi ka vote zawk ang. An party pahnih khaikhinin Congress party hian ram tan thil tha an ti zawk.
VL Ruata
—————–
Bawngkawn Brigade rama in hmun, kawng an thenkhat saw LSC fel lo an awm nual an ti si a, concrete in an sa tho si a. AMC phalna lak a ni em tih hi hriat kan va duh ve. AMC thuneihna palzam loh nan.
No. Thup
—————-
Pu ZONET an sawisa lo ti tute hi em ni kha hmana zu chungchanga Pastor leh Pro. Pastor ho hming chhinchhiah tum tute kha?
9436151831
—————
Chanchin thar lamah hian ZONET hian tan la teh u. Tlai dar 6 Chanchin tharah hian detail a sawi lovin, a kimchang tlangpui puan ni se. Dar 7-ah pawh chanchin thar pangngai thenkhata mi thusawi chhawn, thui tak ngaihthlak hi ninawmah a kal tlat. Thil ropui leh danglam tak lovah chuan chipchiar taka puan aiin zau deuha khawvel thil thleng thar tam zawk ngaihthlak a chakawm a lawm. ZONET chanchin thar hi hawi zau deuh leh hmasawn zel turin duhsakna ka hlan e.
9774377231
—————–
