Bei nge sei r<n dung tih ang deuhin FAKSELNA huang rawn luah lum ka’n tum leh a ni a, article paruk vel ka rawn thawn tawh a, ka lo ngaichang reng a, a chhuak miah lo niin ka hria a, tihchhuah duh leh duhlo kan nei turah chuan ka ngai phal lo.
Pakima, ITI
70054 47128
Pu Zonet chanchin thar puanlaia fakna inrawn zep ziah hi chu a tih tlem theih deuh lo’m ni? A zing deuh lo maw?
LR Sailo, Falkland
98625 30715
An sawi tawhna-in tunlaia home crusade-ah hian Evan Lalthantluanga, Tluangtea hi Sermon hun han pe ve ula kan duh ngawt mai. Pathian thu takin a luhchilh, ama chhunga thlarau thianghlim nung ngei hmang hian thu han sawi se la, Zoram mipui hian hlawkpui nan kan hman ngei ka ring khawp mai. Thusawi nung lo takte pawh insawi tir a, ringtu tan eitur awm miah lo sermon hul lutukte hi a ninawm a, Pathian thu tak tak kan ngaihthlak theih nan Evan Lalthantluanga kan mamawh khawp mai.
Johntea pu
Ni 25, Inrinni zan Live crusade Capt. Lalrinmawia thusawi kha a va ropuiin ngaihthlak a va nuam em. Sawi rei deuh mahse a ninawm loh khawp mai. Thlarau thianghlim khawnvartui nei thusawi nge nge Davida Lal laiin ramah hri a leng a, mi 7,000 an thi; chutah Davida \awng\ainain Pathian ngeng a chhun a, kei leh ka pa chhungte vang a ni a tih ang khan sakhaw hruaitu leh ram hruaitute keimahni vang a ni tih ang tluka mahni lam inpuh ngam kha a va ropui em. Kan nun a thleng ve tlat; kan sawi chhuah ve ngam si loh, pai \awih theih si loh a rawn phawrh a, kan thawl hawk hawk mai a lawm le. Sakhaw pu zawng zawngte, rawngbawltu zawng zawngte u thlarau thianghlim tel lova rawngbawl hi insim ve tur chu a ni e.
Zikpui pa
97741 55077
Hripui leng mek avanga mi harsa zawk \anpuia, luangchhuak mimal leh pawl leh kohhrante Lalpa’n a let tam takin malsawmnain vur che u rawh se.
Marami Chawngthu
70852 10279
LLTF volunteer te hi an inpe ta sa sa, VLTF te puibawm turin fehchhuak zawk se la, kan ram chu Covid-19 lakah kan him leh zual zawk mai lo maw?
Puipuii Nu
84140 29478
Kan thudang a lai chuan kan Task Force te rim tak leh mahni in lum pawh luah hman lova an duty lai hian kan hriat \heuh angin Bairabi vela boundary duty hovin mipuite kan him zawk nan bungrua lo lut reng reng chu ni hnih tal lo hren khawtlai an tumna kha hei kan sorkarin hreng khawtlai lo va rawn lut tlang turin an ti rup mai le. Hei hi eng nge in ngaih ve dan? Keia ngaihdanah chuan \ha ka ti lo khawp mai. Ni hnih vel an lo din chawlh tir avanga ril\ama thi tur kan awm ka ring hauh lo mai. Hetia kan pasal\haten a thim a var thlu lo va, a sur a sa hnuaiah pawh hah taka kan ram a lo him theih nana an duty laia inven fimkhur a ngaihna lai ber a\anga chakkhai lo lut te an rawn tlang zel dawn a nih chuan duty hian awmzia a nei dawn emaw ni le? Kan ramah hripui lo lut ta se ramri venga hah taka duty te kha kan mawhpuh awm tho sia, hei hi chu duty te duhdan leh inhuam dan anga kaltlangpui hi a \ha zawk lo maw? Kan sorkar hian han ngaihtuah \ha leh se a duhawm hle mai.
Chhaktiang Keite
76279 14601
Ramria duty te tlawh kan intihhmuh leh ta, a hman hmanin kan tlawh leh ta sup sup mai. Phalna lah chu kan hmu ve thei zel bawk niawm tak a ni. Duty te tan hnawksak kan chang chho va, hrileng pu darhtu nih pawh a hlauhawm \an ta bawk. Kolasib DC phei chuan thuchhuah a siam ta hial mai. Ramria zuk \awng\ai kher leh pindan chhunga \awng\ai hi a danglam lua lovang. Ramria duty-te tlawh hi ZONET pawh hian chin tawk nei teh u. Inah tawm rih ang u, kan tel lovin an duty thei e. Kan zuk tibuai mai mai a ni.
Darzikbula
7005623797
Pu Zonet Fakselnaah hian tihchhuah duh leh duh loh hi innei chiang lutuk. A.bik takin sorkar lai sawiselna lam hi inti chhuak duh bik a ang riau lehnghal a, innihna a lang chiang khawp mai.
Nutral Pa
7642929719
Tlabung Medical ten thu an hriat danin Bangladesh-a Covid-19 vei 5,416, thihpui 145, dam chhuak 122 an awm nia thudawn a ni a, Doctorte pawh vei an tam hle nia hriat a ni. Mizoram chu ramri kan ven \hat chuan kan him anga ngaih a ni a, mahse keini lamah chuan ramri veng tur atan Chakmate hi rin ngawt chi an ni tlat lo; a chhan chu HEL nei an ni a, Santi Bahini ho hian Mizoramah Camp engzah nge an neih a, Covid-19 lakah eng tiangin nge hma an lak kan hre bawk si lo va, chuvangin Covid-19 laka kan him theih nan thenfai ngaite thianfai turin ram leilungfa Mizote ngei kan thawhchhuah a ngai.
Tlabung Uitangrual
9862014844
Inkharkhip chhung a rei \an dawn ta mah mah niin a lang ta. Inven fimkhur tluk chu a awm lo va, la kalpui zel chi a ni. Amaherawhchu, nin chin a awm \an dawn ta. Sorkar pawhin uluk zawka ngaihtuahna a hman a ngai ang. Inkhung chawrh chawrh hi kham chin leh nin chin a awm. Tuna kan ram dinhmun han en hian a ziaawm pawl chu kan ni. State pawn a\anga rawn lut tur hi uluk takin kalpui reng se, State sorkar pawh hian a sipai tam zawk hi hna thawk turin ko chhuak rawh se. Task force ho an hah em em a, police lam pawh tun ai hian tha rawn thawh hnem zial se. Chuvangin, \angrual thei ang berin sorkar pawh hian hma la teh se. Kan inkharkhip reng chuan kan kulcho zo tak ngial dawn e.
Lalngaihzuala, Aizawl
84149 60658
Inkharkhip laiin PATHIAN thu kan ngaithla \hin, a ropui \hin e. Mi pakhat erawh thusawi turin duh bik i rawn nei a, a hming nen lam i tarlang a, i mi duh kha a \ha e. PATHIAN thusawi hi tupawhin sawi se a \ha vek. I thil sawi ka helh tlat chu Pastor pension te i hnualsuat kha a ni. Eng kohhran pawh nise an \hat lai hun PATHIAN tana hmanga, pension thlenga thawkte hi sel mai mai tur niin kei chuan ka ngai lo. Anmahni mai bakah an nupuite leh an fate thleng hian an fakawm ka ti \hin a sin. Khawvel nawmna tlansan phal lo kan tam em hi! Thusawi tura duh i neih hian midang dah hnuaihnung kher lo la, a sawituah innghat bawk lo ila, PATHIAN thu a nihna leh an sawi hi pawm thiam ila, tichuan inkharkhip hi a \angkai leh zual ang. Hei hi mi zawng zawng tan a ni.
Johan Lalrinawma pu, Saron veng
94363 92544
Pu Zonet, tukin chu pawimawh bik thila Bawngkawn ka kal chu vai motor 407 Trip khat Silchar a\anga lo chho tih hriat reng hian Panhnah an lo unload mek lai ka hmu a, vai ho pawh hi mi panga lai an ni. Ramri vengtuten uluk takin Vairengteah an duty lai leh heti zat maiin an lo paltlang thei a nih ngai chuan tiin ka ngaihtuahna a kal thui kher mai!! Ramria duty ten uluk taka ram leilung fate him nana a thim a var thlu lo va an duty laia permit neia lo luh tir an nih zel chuan kan him reng thei dawn em ni ang le? Vairengte Village Level Task Force Committee thuchhuak pawh hi ka dem ta hauh lo mai heti a nih chuan. Kan nitin mamawh ei leh bar chawa kan rin ni si lo Kuhva, Panhnah ang ngat phei hi chu luh tir chiah ka ngai lo hrim hrim a ni ringawt. Chubakah Mizoram lo luhna chance zawng mekte tan hun remchang kan hawn sak hi a ni ringawt. Chuvangin mihringina kan puar leh fanna tur ang chi lo hi chu State dang a\ang hian lo lut lo turin hnawl ngam ila a duhawm khawp ang. Kan ram ang chiah hi chuan a lo thlawna sum hekna mai mai a lo ni bawk nen luh tir loh hi kan him tlanna tur ber pakhat chu a ni tih hriat a \ha ngawt ang. Sorkar hi ramri thuah hian strict leh zual teh se tun ai hian. Kan chanloh khanah he hri hlauhawm tak hi kan lo mikhual palh hlauh ang e. Chutih rualin mitinte fimkhur bawk ila.
Serlui Pachuau
