Tun dinhmunah hian kan ramri humhima, humhalha, venghim tur hi an awm ta ngang lo em ni? Kan sorkarah hi chuan bei a dawng tawh. Khawnge kan NGO pawl lian ber kan Central YMA hruaitute kha in awm tak? Ralin kan ram chhung ngeiah an biakbuk rawn sa-in, office te an rawn neih tak hial khu inhmu ve lo em ni? “Ral hmaa zam ngai lo mi huaisen” tih hla te hi Lammual vela sak chauh hi em ni kan duh tawk? Hma hruai rawh u, inhnung dawl turin Mizo \halai tam tak kan awm e. MZP hmalaknaah chauh hian em ni kan innghah tak ni le? Bei hi a va dawng deuh ve.
Mizo Tlangval
93666 30785
Tuna kan ram hruaituten an hlawh an tihpun vak hian mipui hi engah mah min ngaih lo zia an tilang. Zirtirtu hlawh pawh an pek theih mang lo laiin anmahni hlawh an pun vak maite hian an zah theih lo zia leh ram mipuite an hmuhsit zia an tilang chiang khawp mai. Keichuan engah mah ka ngai hlawm lo ve. Tuna zirlai kaihruaitute nawrhna pawh hi tihhlawhtlin sak rawh se. Anmahni hlawh tihsan vak ai chuan mipuiin kan chhawr fe zawk daih ang.
RCI kawnpui
70852 10279
Sawi leh vak ang. Khaw fai berin ₹1,00,000, lawmman an hmu a, Kawn cheimawi berin ₹ 5,00,000 dawn tur an ti maw? Kan rilru hi a lo khawvel awm hle mai. Fai hi hriselna atan thil \angkai tak a ni. Kawn cheimawi hi en mai mai tur. A lawmman a inthlau hle lehnghal. RINNAa kan ngheh lohzia lanna chiang tak niin ka hria. Kawn cheimawi leh a en tura kan len reng vang te pawh hi a ni ang HIV a pung chak em mai. Tun hmalam pawhin kawn cheimawi en tur hian leng mai mai an tam thei lutuk. Khaw fai ber en tur leh an hnathawh hrechiang tur chuan kan peih lo tlat. Ringtu dik tak tan Kawn cheimawi nge hlu, khaw fai ber? Mahni \heuh i inenfiah ngam ang u. Johan Lalrinawma pu, Saron veng
94363 92544
Chaltlang Road, Bawngkawn to Chaltlang Dawrkawn inkar kawngsira lirthei dah leh dah dan hi Traffic police thuneitute hian enfel leh deuhin vil ngun deuh se a duhawm hle mai. Kawngsira motor dah vanga kawng chep leh lirthei inpel mai thei lova Traffic jam nasa tak a awm \hin hi enfel leh deuh se, thlei bik nei lovin hma la se a \ha ngawt ang.
LT Ralte
98620 07651
Hmarchhak state ten CAB kan duh lo tih kual tih kual hi kei chuan nuihzatthlak hi ka ti. MP thlan dawn khan CAB an thar thawh leh tur thu kha Assam state-ah ngei pawh BJP khan an campaign-naah an sawi lawk sa ngei a, chu chu Chanchinbuah keini ang mimawl hawi zim lutuk paw’n kan chhiarin kan hria a ni. Chuti chung chuan hmar chhak state tinah BJP MP kan thlang tling chur chur duh tho a. Keini state pawhin BJP angin thlang tling lo mah ila BJP (NEDA an tia mawni) thlawp tlattu MNF kan thlang tling duh tho a lawm mawle. Chuvangin BJP thil tum hrechiang saa thlang tling ngam ngat Hmarchhak state te hi CAB duh lo zawng hian iak iak hlawm lo ila a tawk a ni mai. Kan ngam a, kan chova, kan cho chhuak a ni mai. Se bo hnua se kawng kharin awmzia a nei lo tih kan hriat hnu a ni lo’m ni? Tunah pawh Bairabi Zophaiah pawh dodal zawngin engmah hma an lak ngam zel zul loh hi. MLA an tlin hlima Chanchinbumite zawhna NEDA inchhuahsan ang em tih pawh nidang ang lo takin pu ber hmel kha a tur khai mai a, ka mitthlaah a la cham reng mai. Chuvangin CAB hian min nuai bawrh bawrh pawh ni se kan state leh hmarchhak state te hian kan tawng buak a ni a, kan phu tawk niin ka hria. A thlang ve duh lo tute pawhin kan tuar ve zel a ngai bawk si. Buaithlak leh thinurthlak a ni e.
Ramveitu
9089667399
Tun session-a Minister te leh MLA te hlawh tihsan chungchanga Pu Duhoma’n \ha a tih viau laiin kan party ZPM-te hi hetiang dinhmuna min hlangkaitute an ni a, val upa councilte thu lo chuan engmah kan ti ngam lo. Keini chuan kan pawm thei lo a ni a ti a, MLA a nih theihna chhan a hriaa a ngaihpawimawh hle bawk tih a chiang a, Pu Hawla pawhin Saipui kallai bauh din mai mai theih loh a inti a, chutiang ang bawkin kan MLA leh Minister-te pawh hian lal an nih theihna chhan an hriat a, bauh din mai mai theih loha Thlirtu Mitfima anga hmalam hun tur thlir chunga an kal ve a ngai ang. HARH A HUN E.
Tlabung Uitangrual
9862014844
A pu Ramte mahni hlawh tur han tihpun thur thur mai chu Pathian leh kan ram tan titute Party tih atan chuan mawi ka va ti lo em ve mawle. Pu Duha pawlte leh Pu Zodintluanga pawlte lahin Amen an lo ti ve zel tho mai a ni awm si a, Zawlbuka e tang vek in lo nih hi a.
Dindini pu
8974244232
Pu RAMA leh a hote hlawh chu a pung chak hle mai. MLA hlawh tihpun hmasak pawh kha an sorkar lai tho, an faten eitur mumal an neih loh laia el euha ei lo tum chu eng ang PA nge Zoram hian a neih tak? Ramri tal venghim ngam se zawng a zia deuh tur. Kan ram lah a zim tulh tulh mai si, hmui ringawt, a tak awm si lo, a pawi lo e, dul hmul kh^t phuar khawp chuan lo ei sela, nakin lawkah ZANGKHUA a bungbu dawn, hmangaihte \ahna hi a sei rei bik lo ang. Khawvel hi zawng mi duham te lalna, mi pamhamte ta a ni sia. ISUAN heng mite berte chunga intih hi ka chunga ti in ni e a tih hunah chuan inchhir a sawt lovang.
HLUHLUI pu, Thingdawl
8730841016
SSA leh RMSA zirtirtute hi hlawh lak theih loh chungchangahte tun sorkar hian ngaihsak a tum hle-in ka lo hre ve \hin a; an inhrawn tan chauha hun pawimawh lai chuha hetianga an ti mai hi a \ha lo hle mai. Hetiang hi chu tihdan tur a ni lovang?
Thlirtu
8729984567
Zonet hi fakna anih laia sound hi a ring hluai a, chanchin thar a nih ve leh volume pek vak a ngai zel hi a va buaithlak ve. Han tidanglam teh u.
8131989888
Nula leh tlangval, nupui/pasal la nei tur leh tuna khingpui nei lai mekte hriat tur leh zawm tur pawimawh tak, Fakselna kaltlanga ka rawn advice duh che u chu hmangaihna avanga nupui/pasal kan neih tawh leh la nei mai tur ten, hei hi lo ngaihtuah zui teh u. “Hmangaih” tih hi a tawi hle naa, thufun khawm a ngah hle a ni. Kan milpui tur leh an taksa it-awmna avang ringawt emaw, an hmel\hat vanglai a nih avang ringawt emawa nupaa insiam “inhmeh bel” ngawt hi a dik lovin a fel tawk lo takzet a ni. Tlin lohna lai leh vanduaina avang pawha piansualna tawk palh thei \heuh kan nih avangin inhriatthiampui tawn tura insiam remna a ni zawk mah a ni. Chu chu hmangaihna tluantling an tih hi a ni zawk e. |hiante u, lo ngaihtuah chhunzawm ve teh u.
MS Chhakchuak, Aizawl
9862384183
A tawi zawngin ziak ang. Davida chu a tui a hal a, a pasal\ha huaisente kha tui a chawi tir a, mahse a in thei lo, thih huama kalte thisen chu ka in ang maw a ti! Keini kan ram hruaitu, MNF hruaitute hi PASAL|HA TE THISEN DAWT AN VA NI CHIANG TAK EM! 2 samuela 23: 15..18 hi lo chhiar ve teh u.
PAVALAI
