Thlahdah taka Lalpa hna thawktu chu anchhedawngin awm se la, Lalpa anchhedawng ram kan nih lohna turin \hahnemngai takin Lalpa hna i thawk zel ang u.
Rampuia Tualcheng
————-
State puitling kan nih a\anga vawiin thlenga kan rama roreltu Congress leh MNF party te rorel dan leh ram zimte leh mihring tlemte pawh intodelh tir thei lo leh Central sorkar puihna za zela 10 tak ngial pawh pe ve hlei thei lo la sawimawi fo hi a \hing tawh em mai. Ram leh hnam leh sakhua humhim duh tan chuan ZPM hi Lalpan min pe ta a ni tih kan hriat thar a hun e. ZORAM mipuite i harh teh ang u.
Laltuaia
———–
Enga tinge hnambil hminga Mizoram hi kan \hendarh \hin le aw? Kan va han kaw lo tak em.
9612238063
————
Mizoram chu MLA thlan a hnaih tak vang nge Tuikuk buaia kan buai tak chiam ni. Thilphutte chu an la nei lehnghal a, Tuikuk ram a ni lova, MIZORAM a ni a, kan Mizoram ngeia kan ram hruaitute ngei chuan an VOTE duh luat vangin Mizoram mi pawh ni lo an tihuangtau zo ta a nih hi. Vel mai mai hlawm a.
Marami Chawngthu
————-
PL Liandinga leh HC Vanlalruata te hi an awm lo ang tih ka va hlau tak em aw, an thuziak \ha tak takte hi kei ram vei ve ngawih ngawih hian \ha ka ti \hin a, ka ram hruaina kawnga a fawng chelhtu inti, hmantlak si loh ho hian lo chhiar ve \hin ula, piangthar mawlh teh u, kan ram hi a chhe zo takngial dawn e.
ZAMPUIMANGA
————–
Ka rilru nat em vangin Fakselnaah ka rawn chhuah ve tawp a nih hi. Kan in bula pangpar kan phun chu vawi tam tak min tih chhiatsak \hin a, a chang leh hnim hlovin an lo kap a, a chang leh petrol ten an lo ti hlum bawk a, pangpar hian tu pawi nge a sawi? Min chhang thei in awm em?
Ruatkimi, Bairabi
————-
Zonet Fakselna kaltlangin ka rawn sel ve leh lawk teh ang. Mizoram Govt. Lumpsum Aided HSS ten tun aia an dinhmun sang deuh hret Adhoc Grant-in-Aid-a ding ve tura sorkara an dilna pawh ngaihsak si lova Tuikuk lakletna tura sum sen hreh leh miah si lo, Mizoram zirna hmasawn nan leh zirlaite hmakhua ngaihsak miah si lova Tuikukten an duh ang ang an demand a ngaih saka, tihhlawhtlin tuma theihtawpa hma la, hruai kir tum sorkar kan nei hi a zahthlak ka tia, Zoram mipui hian inthlan hunah kan paih a hun ta. An duh leh an duhsak zawk Tuikukte nen sorkarna siam mai rawh se, Lumpsum Aided HSS te ka \an tlat che u nia, nawr zel rawh u.
Sawmhlua Pa, KLB
————
7th Pay chungchang hi ka’n sawi ve teh ang. 7th pay hi sorkar hnathawkte chanpual liau liau a ni a, hei mah mah an hmu har zawk. An hmuh hun tur dik tak chu kum 2016 tawp lampang vel kha a ni daih tawh zawk a, chu pawh an hmuh tur ang hi an hmu lo zawk mah mah. Arear te an hmuh tur ang a ni lo bawk a, hlawh pun dan tur ang tak hian an hmuh hmel loh bawk. Chu ai maha ka lo ngaimawh chu Professional Tax hi a ni. Peon leh Class one Officer Tax an cut Rs. 2,500/-a an hrut rual hi a ni mak ka tih chu! Chu a chhapah MR-te leh zel an CUT sak hi hei hi chu tih \hat dan awm thei se chu a \ha khawp ang. Kan sorkar pawisa duh lutuk hi chu hna hniam thawkte tan chuan a buaithlak khawp ang le.
Taitea, AZ N
————–
Pu Hawla leh Pu Rama te zawng eichawp dawr ang deuh an ni a, chaw dang ral bak hi ngaihtuah an nei lo. Bazarna tur bak hi min ngaihtuahpui lo e. I tu leh fa tan engkim ngaihtuah la, tun \um MLA inthlan chu kuthnathawktute i \angrual ang u Zoram thar siam turin.
Thlanmual veng
———–
Kan ram hruaitute leh Officer lian ho hian motor changkang ni lovin, mipui tana an hnathawh hi ropui leh zahawm nan hmang ta zawk se, kan \angkaipui zawk fe lo ang maw?
9774354495
———–
Ram hmangaihtute zia chu Nationalism kalpuitu, engpawh ch^n dawn se pawi tih nei lo, a ram leh mipui tana englai pawha theihtawp chhuah \hin mi, nunna hial pawh pe ngam te an ni. Kan taksa hrehawmna tinreng leh kan thil neih kan ch^nte neih let leh tum mi mimal leh pawl kan nih vaih chuan ram kan hmangaih ngai lova, dawtin mipui kan bum tihna a ni.
8787455262
———-
Kan ramah hian tu pawh sorkar mahsela vawi leh khatah kan \hang lian thut thei dawn lova, rethei leh hausa hi chu khawvelah kan awm tlang dawn tih hi Bible tluka thudik awm reng turah ngai phawt mai teh. Nausen pawh a rawn puitling thut ngai lo, hmanhmawh vak lo ang u. Fashion lama kan \hang chak ang hian kan ram hi \hang chak se kan duh tlang a lawm.
Ruattea
————–
