Lal Thanhawla chu ram khat hruaitu meuh si, mi harsatna pawh hrethiam duh lovin a guard te a sawisaktir vak mai a ni maw? A va zahthlak tehlul em! A thu hrimah Minister motor an nih avanga chak deuh deuha tlan kha a \ul ber lo. Hlauh a nei zawk \hin em ni zawk? Kei chu ni ila chuan Minister emaw, ter lo emaw ka sawi dawn reng reng lo, a tuartute kha in dam zel theih nan kan lo \awng\aipui reng che u a nia.
No. thup
———–
Nizan Fakselnaa Saipui kal lai inti khan in thil tih a \ha awm chhun i rawn khawn khawm ve chu a nia. Saipui kan rama sawisak chhiat nasat tawhzia hi a duh loh zawnga awmte chu a chil hrual nawk nawk mai bawk nen, Central-ah a khua a harin a lungleng thinrim, mu leh mal pawh nei lovin, a pawngpaw talin, a kiu ruai ruai ta a ni mai zawk lo maw? Saipuiin a tihchhiat hi thu maia sawi sen chi pawh a ni tawh lo. Uitangrual pawhin a bauh din theih loh nia insawi, Saipui kal lai khan kan bauh mai a ni lo, ram leh hnam chhan nan chuan kan seh te pawh hi na tak a ni tih lo hre phawt mai teh.
Tlabung Uitangrual
—————-
CONGRESS leh MNF chu ka ni miah lo, an pahnihah hi chuan Congress hi tlemin ka la duh zawk. MNF sorkar laia corruption hluar lutuk kha kan hre \heuh awm e.
Lone wolf
————–
Falkawn Referral Hospital saw MNF-in bul an \an a, building an sa a, Congress term-ah an luah lut, a luah luttu aiin building satu an ropui zawk. Congress ho khan Falkawn damdawi in saw kan ti puitling ang tiin min tiam a, kum sawmnaah pawh sawti zawng saw a la nih saw! Dawt min hrilh a, min bum hrep tawh pawhin in la \an \ang \ang hi chu a mak thlawt a ni! Hmeichhe bum fin theih loh an sawi ang chauh in ni! Thudik hi hai der reng tawh lovang u. Kei chuan ZPM hi en chhin ve tawh tur hian Zoram mipuite ka sawm a che u. MNF leh Congress chu an zia kan hre chiang tawh si a, Israel-te pawh Pathianin an phu tawk lal a pe \hin a, keini pawh kan phutawk Pathianin lal min pe a nih hi! Kum sawm thum lal tawhte hi chu i hnawl ngam ang u.
SANGA
———–
Congress leh MNF ka duh lohna em em chu education, a bik takin Elementary stage-a sorkar school-te kalna tlak awm lawi lova an sawp chhia hi a ni. A dang leh pakhat chu Agriculture Deptt. hlun leh lian zet, mahni leilunga thlai \ha duh em em te pawh intodelh tur zawnga hma an la thiam ngang lo hi a ni.
RK Sanga
————-
Mi retheite kan VIP titu escort ho chet dan kha TV a\anga ka lo hriat ve danin khatianga driver an khawih lai khan Pu Hawla khan a khawihtir nge ni, a hre ve ngei awm si a, aw te pawh neih awm tak, inthlan kum a ni lehnghal a, Hriata Chhangte nen lah tunlai titi ber a ni lehnghal nen, Mizote hi zawng arbawm hal ang chauha alh hluaia rei lotea a rem leh duk mai \hin ang hi kan ni. Engtin kal zel ang maw?
RODY PA
————–
Middle School zawng zawng kumin a\angin English Medium-ah tih hian ngaihtuahna a va tithui em!
LK-a
————-
Local channel-a chanchin thar puan hi tun ai hian fimkhur a \ul khawp mai, Mizo \awng hi a thluk a zirin a awmzia a dang daih tih hriat a pawimawh khawp mai. Thluk hniam tur a san emaw, a sang tur a hniam emaw hian a kawh a dang daih \hin. Chanchin thar puan hma hian lo practice se a danglam mai thei.
Puipuia pu
————-
ZONET hi a va chiang tawk love. ZONET Nihawi hi naupang pual a ni a, Korean film ringawt inpe a, cartoon serial pe ve teh u a.
9615836236
————–
Ka pu, Durtlang kham hnuaia sakhi/saza te hi tlai thim hlim vel a\ang hian Edenthar Veng lam a\angin silai nen tlai tin mi 2/3 velin an veh \hin a, humhalh/kah phal loh a ni lo’m ni? Ngaihven atan a va \ha ve, an kah r>m hma hian.
No.thup
———-
Ziak mi leh thusawi mi \henkhatten kan ram dinhmun chu heti mai hi a ni e tia sorkar lai apiang an dem ngawt zel hi a dik zik tluak bik lo tlat. Kum 20/30 kal ta thlir let chuan hmasawn tawh tak kan ni zawk. Tu pawh sorkar se, hmasawnna an kalpui \hin a, sorkar tichak tur hian mipui pawhin \awiawm ve hi kan tihmakmawh a ni e. Media mi tam tak hi rak ve satliah, engmah ni bik lo tur an tam ve mai.
LB-a Pa
———-
Pu Zoram, sorkar thuai thuai teh kan vai zo dawn. ZPM hotupa, Pu K. Sapdanga chanchinbu Vanglainiah pawh vai \awnga fakna a lo chhuah tak hi. Hei hian Mizoramah vai an tam tawh zia a tilang chiang a, Pu Ram, sorkar thuai thuai teh, kan nghakhlel tawh a nia.
Mizo hmangaiha
————–
