Zirlaite u, in hma lakna a zarah ram leilung fate chanvo a lo pung ta hi a va lawmawm em. Khatiang khan hma la ta lo ula, tuna kan sorkar hi chuan in hmakhua tur a ngaihtuah miah lo tihna a ni a, nangni hi a ni ram hmangaihtu chu lo ni. Lal\hutthlenga an \hut hi chuan \henkhat hi chuan tawk an lo ti hle a lo ni. BD Chakma chu a hnamah a chiang bawk a, a bang ngam a nih hi. Hnama chiang lo lal\hutthleng chiah tinzawn hruaitu hi kan ram hian a mamawh lo.
Ramhmangaiha
—————–
Corruption a awm leh awm loh tehna chu hei hi a ni e. A enkawl a chhiat viau a, a enkawltu a thau viau hian. Entir nan:- kan kawngte a chhiat viau a, kawng enkawltute in leh lo a changkan viau a, an khawsak a san hle chuan corruption a awm tihna a ni mai. Corruption awm lohnaah chuan a enkawltu a fem fat mai a, a enkawl erawh a mam \ha hle thung.
RK Sanga
————
Politics a hlawhtling inti, MLA satliah mai pawh ni lo, kum 10 dawn ruling party ni lehnghal, hausa lutuk tawh, mahse, mahni unaute rethei satliah mai pawh ni lo, chenna tur in pawh nei \ha mumal lo, ngaihthah tlat. Mahni ham\hatna chiah um ka hria. Tlangvala
8014593672
—————–
Ram hmangaihna thu hi hmuiah chauh a awm lo tur a nih angin, Pathian nung tih fo pawh hi hmuiah chauh a awm a ni ang e, kan ram ve hian hma a sawn thei reng reng lo mai! Kan hmui \heuh hi veng \ha ila, Pathian ti thlazen lo ila. Duh leh inhnawih sen mahse a pawi hlei nem!!
Zotea
—————–
Ram leh hnam hi kan hmangaih tlangpui vek a. Nimahsela, Political Party buaipuituten inhampuar nana ram leh hnam hmangaih ta viaua anga an au an au hi thil ninawm tak a ni. Ram hmasawnna thu pawh hi heng kan Politician-ho te hian aupui aupui mah sela, kan han thlang tling chiah hlawm \hin tak a. Sorkar department officer \henkhat nuihzat ruk leh a hming maia an zah der mai maite an ni bawk. MLA hi sumdawn nana luhchilh chi a ni lo. Mahni dinna bial hmasawnna tura Project nei chin leh nei ngam an ni ngei tur a ni. Department hotute Project siam ang ang ring ve mai mi chu ram hmasawnna tura thlan tlak an ni lo.
PH FANAI
————–
Engatinge Tlabung kawng chhiat tawh tehreng nen, khaw chhung kawng khuar leh kawng ba vai ngai leh electric eng te hi mimal, YMA leh NGO-ten anmahni thawh ai mah hian hnatlanga kan thawh hi a tam zawk mai ang em tih tur khawpa a chauh mai le? Labour-te chhawrna tur, NLUP-ah Chakma hoten Dospati khelh nan leh Fridge leh TV-te lei nan an hman zawh tawh zawk vang nge? Hnatlanga kan puih fe pawhin electric pawh hi kan eng \ha mumal thei lo chu a ni ber tawh mai a, MNF ho vang in ti leh mai dawn nge, a tih\hat lam chu tun sorkarah chuan beisei chi ni lo mah se, chhuanlam tur mawi hnai tak pakhat tal min han siam leh mai teh u.
Tlabung Uitangrual
—————-
Kum 2018 MLA inthlan chu hmel thar a lo lang dawn ta a ang hle mai. Tuna party 3 \anghote hian Zoram mipuite hi min nghawr nghing ta luih luih mai. Keini kut hnathawktute hian kan thlai thar man man zawka hralh theih kan beisei bawk. Kan ngaih \hat lohna pakhat erawh chu CM atan tunge in zawrh dawn? Pu Duhoma hi rawn zuar rawh u, tichuan mipuiin kan rawn zui dum dum mai ang che u. |ang fan fan rawh u.
Hlutei leh Zualbawihi pu
——————
Tlabung uitangrual ni bawk, MNF Nationalism-a chiang bawk si lo ho kha ramri-ah in awm a, in sorkar laia Border fencing, in puten sum siam nana an hnathawhte kha lo en chiang leh ula, kan ram zau tak hung pawna an dah zozai kha uiin in pute hi rawn bauh zawk rawh u.
Ralte Pa ngat
——————
Kum 2018 MLA thlan hunah chuan a ngaihna hriaten ro an rel theih nan \angrual vote turin Zoram mipui ka sawm a che u. Hmasawn chaka
9862533107
——————
ZONET Mizo Idol hi han ti vat teh u, kan nghakhlel tawh a nia aw.
Biaka & Mavana
—————–
TV pawh/lak man a tam tual tual a, mumal taka en a harin signal awm loh a zing telh telh niin a lang tlat mai. Local pe chhuak tute thiam loh nge ni anga, Central sorkar lam?
8414883986
——————
Central sawrkarin kumin 2017-a MBBS & BDS seat a rawn tihtlem chungchanga Congress party-ten MNF-te an han puh daih mai hi a va mak ropui em! MNF sawrkar khan Central sawrkar hnenah Mizorama Congress party-in kum 8 ro an rel hnuah MBBS seat hi in rawn titlem dawn nia an lo ti emaw ni le? ESOPA thawnthu bua lui mawng lama beram hnenah chinghnia-in “Engatinge ka tui in tur i rawn tihnut?” a tih kha a va ang awm ve aw!
CHUAUA, Kolasib
—————–
Mizote hi hnam tlem, thil hre rei lem lo, kan uar tawh lam lah chu bawh thang huam zel mai kan ni a. Hnam mak tak chu kan lo ni ngei e. Awle, kan hma lawk, kum thar 2018-ah hian kan ram hruaitu tur kan tlang chhuak leh dawn ta reng mai. Tun a\ang hian Kohhran hrang hrangte hian Pathian \ih mi, thil bul chhut thiam kan thlan chhuah thiam ngei theih nan kan Pathian engkim ti theia hi i dil \heuh teh ang u.
Tlabung pa
————–
Horticulture Department-in HEO an lak tura B.Sc Horti chauh dil theiha, a aia sang B.Sc Agri/M.Sc Horti NET pawh through vek tawhte tan a dil theih ve loh hi chu a dik lo khawp mai. Graduate dil theih Master degree neiin a dil theih loh hi chu kan sawrkar chak tak hian ngaihtuah \ha leh mawlh teh se. Master degree nei tur hian kum 3 chhung pawisa tam tak sengin phai lamah te an zir ve a, hetia an dil ve thei lo ngawt hi chu an khawngaihthlak khawp mai.
Ramhmangaiha
——————-
Serlui B a\anga thingzai lo chhuak \hin han hmuh hian rilru a na thei hle a ni. Tih theih kan nei ve si lo, YMA-te khan khawngaih takin \an han la teh u. N.Hlimen leh Kawnpui ram chhunga thingte khi a chereu mai dawn a ni. Kar tin Cubic 500-600 phurh chhuah \hin a ni a, Forest Department lahin THAMNA lain an man duh lo bawk si. Hetianga kan ram thing leh mau an tihchereu zel chuan kan TU leh FAte tan a harsa lutuk dawn a ni. YMA-te khan in puan ven sawi chhingin \an han la leh hram teh u.
Remruata
————
