A pu Ramte keini zawng mahni infak hi i hrat lo teh ang u. Miin min fak a nih chuan a lawmawm a, mahni infak zawng Party dang tih atan khek tawh ang u.
Dampa Uitang
8974244232
Chanchin thar puan hi chu echo lova tih dan awm em aw? Ngaihthlak a nuam lo, hriat a har em mai.
Zova, Aizawl
9862153088
Sorkar fel tak a din tawh hnu leh kan ram tana taima leh rinawm taka thawk mawlh mawlh tur an nih laia ministry liam tawh dem leh sawi chhiaa an inchirhtheh leh \hin hi anmahni thlangtu mipui leh hnam zah lohna langsar tak a va ni tehlul em! Sim vang vang hlawm teh se.
Pawitia
9774373679
YMA Day pual, “Sulhnu ngaihnawm” tih kha a ngaihnawm hle nain, thingtlang lama YLA ding hmasate an sawi hmaih tlat avangin a bul a\angin a thu a pangkhing tlat mai. “YLA ding hmasa ber Durtlang (1936)” tih leh a dawttu ni awma a tarlan Sailam, Sumsuih leh Baktawng te kha a dik tawk loh hmel. Kum 1935-ah Leithum, Thingsulthliah,Tachhip, Khuangleng leh Chawngtleng-ah te an din ve nghal a ni. Kristian Tlangau (YLA thubelh Jan.1948). Kum 1936-ah Lungsen leh Samlukhai-ah te a ding a; 1937-ah Thakthing-ah a ding bawk. Central YMA hian chik zawkin chhui se a duhawm khawp mai. Keini Thingsulthliah chu 23.9.1935-a din a nih thu Secretary hmasa ber K. Thangzuala kutziak (diary) kan kawl e. YMA Silver Jubillee (1960) lawmna lungphun-ah pawh an lo ziak bawk. A kum thumna (1938)-ah Sesawng, Tlungvel leh Baktawng-ah te din a nih thu a sawi \hin bawk.
LB-a
8132910969
Ka’n ti ve leh lawk. Kan sorkar hian Zirtirtu heti zat zat lak thar an tum hi khawi laiah nge maw chuti em ema an lo indaih loh dawn chu aw ka ti. Keini thingtlang khua ve thoah hian Govt. Middle School pahnih kan nei a, naupang an nei tawh meuh lo a nia, pakhat zawkah phei hi chuan zirtirtu zat pawh zirlai an nei lo a ni awm a sin. Kan khua chu Tuichangrala khawlian ber a nia.
No. thup
9366988453
Hnahthlak tih hi hriat dan a inang vek loh avangin Mizo hnam peng hrang zawng zawngte ZOCHHUNGKUA tih hian min khairual zawk lo maw?
Pu Luaia
9612113319
Mizoram Mau leh ramdang Mau kan indo tir dawn a ni ta ber mai maw?! Kan ram mau hmun, Khuanu duan sa vat faiin, ramdang mau/rua kan ching dawn a nih tak hmel a.
Kum 4 velah puitling ta se, a kihna leh a lakchhuahna senso hi kan sorkar pachhe tak hian min pek hi a va beisei awm lem lo em! Engtin chuan kuthnathawktute hi kan khawsa leh dawn ta chu ni maw? A \iak leina tur, mipuite pawisa lah chu an dah hnem hmel nasa mai bawk si nen.
Teak hmanga kan ram kan ti chhe vek ang hian Mau leh Rua hmangin kan tichhe leh zual dawn ta a nih hmel hle mai.
Zopa
9366630785
Chanchin thar puangtu khan June ni 31 tih a rawn puang kha a va mak ve! Ni 31 a lo nei tawh em ni le?
LK-a
9436141804
Tunlai hian zu hi ruihhlo tia sawi mai kan ching ta hle a, damdawi ruihtheih lam a kawk si a. Chuvangin, zu hi chu zu ti mai ila, damdawi hmanga inti rui ho hi chu ruihhlo tia sawi hran hi ching tawh ila a \ha ka ti.
Rinkima, Hidden Lodge
8974154790
Ram rorelna \ha zawkah chuan mihring piang leh thi zawng zawng hi an record fel thlap a. Zu in nasat tuar loh vanga thi pawh death certficate ah ziah thlap an ni anga, sorkarin zu vanga thi zat an hriat duh paw’n record bu an keu mai tur a ni. Chutah chuan kum 2014 a\anga 2018 inkarah 235 nge 632 chiang fakin an hmu mai ang. Record a awm loh chuan sorkar fel lo tak kan nei a ni mai. Rin thu-in “5000 aia tam an thi” an ti puat ngai lo.
Ralte Bengchheng
