ZPM hian party pakhata insiam a lian ta sawt tura an inngai hi an ti sual ang. Pawl hrang hrang \angrual anga an lan khan an lian zawk. Party pakhata an insiam hian an te telh telh ang. PC party an tel zel duh lo hi an ti fuh ang. Thurawn pakhatah chuan ZPM hruaitute hian ZPM party hi enkawl se, ZNP leh PC hi chu a hranin kal leh se, inthlan dawnah mipui hip nan thawkho turin ZPM hian huikhawm leh mai se an ti fuh ang.
LT Ralte
9862007651
Party dangin an awih nun hram hram, thawhhona a\anga han chhuah tak vanga Pu Duhoma beih tak vak mai chu’h a rilru tet thlakin a va zia lo kher ve le.
Kan MPC unaute hian chaurau ek an thai ta mai nge, an hnungthak hiattu an awm tih hi ngaihtuah tham a nih hi mawle.
Six Basic needs mai nih tawh lovin Ten Basic needs hi Pu Duhoma hian a au puina hi a rei tawh khawpin ka hria.
Engpawhnise an hruaitu tam zawk ZPM lama an beh takah chuan an han inhrosa ve te pawh a ni mahna!
Aizawl Pathlawi
936660785
Kan CM chuan kan ramri chu engtin tak nge chinfel a tum le? Kum 1875 te kha an han pawm leh hnuhnawh chu a ni awm a, a hunlaia pawimawh ber Mizoram leh Assam ramri kha MOU-ah khan engtin nge an ziak tih zawk kha a ni e. MOU sign tu Congress nen hian Zawlbuka e tang ve ve an ni lo’m ni? Sawi thui leh kan buai thui ting mai a ni e. MOU-a an pawm tawh kha eng ti kawng mahin MNF sorkar hian a tih danglam ring suh u. Bumna mai mai a ni e.
Ramri veitua
9862566388
Ni 24.7.2019 zan Zonet Zawlbuka Zoram Kalsiam Programme, Mizo \awng hman dan dik in rawn tihchhuah kha, thlatin vawi khat tal rawn tichhuak \hin ula kan MIZO |AWNG hi a ral ngai lo ang. Rawn ti fo teh u.
9862862184
Chanchin thar puangtute hian Mizo khua, lui leh mihring hming adt. lam rik dan hi zir hram se. Lal hming thang Kairuma hming leh vai hovin an hal Tlaikuang hming an lam thiam lo te hi a zia lo deuh.
KLL
9436141804
Tlabung uitang rualin ramri chungchangah midang kan ring zo lo a nih chuan mahni pen chhuah mai tur an tia, term liam taa ramri avanga buaina a awm khan Congress sorkar kha an ring zo chuang si lova, Tlabung uitang ho hi an va pen chhuak si lo ve?
Om om-i Pu, Azl
8974772155
Zirtirtu lak, written exam paltlang lo tur tih lo helh em em tute khan heihi lo hre ve teh u. A rei lo berah chhungte chawmin inthlahrung tak chungin kum 3 chuang zirtirtu hna thawh chakin kan training ve a, kan training chhungin vawi tam tak kan exam a, vawi tam kan fail a, subject pass kim hma chuan he training hi kan chhuak bik lo. BA pass tawh tan chuan ninawm ve tak a ni. Tunah kan sorkarin written ngai kher lova min interview-a sikul zirtirtu hnathawk tura min lak a tum hi a kalphung dik tak a ni zawk a sin. Training chhuak lo lak a tum hleinem. A concern person ngei, training chhuak thlapa lak turah hian eng nge examination a ngaih kher ang le? Chutiang zelin Agriculture, Horticulture-a thawk tur te, Medical-a thawk turte pawh training chhuak an awm vek. Written paltlang kher a \ul a tih loh chuan kei chuan a \ha, a tisual lovang tih ka ring. Education Minister pawh hian kan ramin zirtirtu a indaih lohzia a hre vekin ka ring. Thingtlang khaw tam takah Headmaster pawh nei lo, pension mai tawh tur an \hu fur a, hnamdang Headmaster lah an kat nuk bawk. Heng hmalak hmanhmawhthlak tak hre rengin kum tir a\ang khan a buaipui hle tih a hriat a, a sawi chamchí reng a nih kha. Education Minister thluak \ha tak kan nei dawn e.
K. Hautea
8794623211
Kan CM zahawm tak chuan chhuang takin India rama ruihhlo ngaite enkawlna lian ber kan siam ang tiin a sawi a. Hrehawm ka va ti em! Ruihhlo enkawl ngaite awm lohna ramah kan siam ang tih nen chuan a inhlat lutuk. Mahni tawk te te-ah ka lo zak hle mai. Ruihhlo ti hi an pung zel anga, a enkawlna lian ber mai kan siam dawn a lawm, a lungngaih thlak lo ve ti a ang. A hmathlir hi thlak leh se. Sorkar chakna te, Kohhran chakna te, NGO chakna te nen \an kan han la anga, ruihhlo ngai tlemna ramah Pathian zarah siam kan tum te han ti zawk se, kan thla a muang zawk tur le.
RK Sanga
9862366590
Pu Ram mipuite hian vai ho laka kan ram kan hloh ai chuan retheihna te leh \amna te tuar kan huam e. Eng hmanraw hmang paw’n i do ang kan RAM TAN. Mipui chu min ngaihtuah suh.
ZNG Chhakchhuak
7640879112
Kan sorkarin zirtirtu lak a tum dan hian sawi neuh neuh a ti tam hle mai a, sorkar rilru leh MZP leh YMA te rilru in\awm lai pawh hmuh tel a va \ha ve. Aikal lak, mahni post-a awm \ha duh lo kan buaipui em em \hin kha. Mahni khua ami ngei lak nise tuman aikal an la lo anga, an awm loh chuan khaw \henawm ami tal an ti niawm tak a nia. Hei hian thui tak chu aikal lak leh awm \ha duh lo kan buaipui em em hi chu a ti ziaawm ngei ang. Dik tak chuan Aizawl tlangval thingtlanga han dah hi chu an haw-a an damlova, an lo kal \ha duh lo \an a, an lo kal leh zawk a, aikal an la leh mai \hin reng a ni. Tun hma a\angin a khaw mi emaw, khaw \henawm ami emaw lak lo ni tawh se, tuna kan buaipui fo, aikal lak tih vel hi chu kan ziaawm ngei ka ring. Party induhsak nan pawh lo hmang ang hmiang. Kal \ha duh lo sawm aiin kal \ha duh pakhat an hlu zawk dawn lo’m ni?
Dindini pu
8974244232
Ka pu Hawla pathian hi chuan a programme-ah Congress chauh a huam \hin avang hian mi tam takin biak ve tlakah an ngai lo a nih hmel khawp mai.
Carolini pu
9862216410
Nizan Fakselnaa Johana, Saron Veng inti khan kan Mizo hmeichhiate, hnam dang pasala neih mai pawh pawi lo anga i rawn sawi kha chu a fuh chiah lo deuh lo maw? Hnam dang pasal an neih chuan an putea te, an pi leh pute chuan tupa hnamdang neih an duh ngut ang em aw? Fa nei mahse Mizo hming an nei anga, Mizo i ni lo tih ngam si loh, Mizo ni si lo, Vai hovin ADAZAT an tih ang kha kan tam viau mai lovang maw?Hmeichhiate hi hnam zahawmna kengtu leh vawngtute an ni a, an tam vanga phalrai ngawt hi hnam mualphona a nih mah bakah hnam boralna thlen theitu a ni.
Tlabung Uitangrual
9862014844
Ramri chungchanga kan CM-in tunah chuan sawi rik chi a ni rih lo a tih hi eng nge a awmzia? Keichu Mizo ka ni a, hei lo hi ram dang ka nei lo tlat a ni. Ram dangah hian ka lo tei kual ve nual tawh a, kan ram ka tih chu he kan ram, Mizoram ngei hi a ni. Chuvang chuan darkar tin hian ka ram Mizoram hi venhim leh enkawl hi ka mawhphurhna a ni tlat. Kan CM-in ama ta bik ang hrima tunah chuan sawi lan chi a ni lo a tih hi eng nge a awmzia? Mizote hi a ram neituah min ngai lo nge, engah mah Zoram mipuite hi min ngai lo zawk? Mahni chuanna lawng panna lam hre lovin Zoram mipuite kan kal zel dawn em ni? Zoram mipuite hian hriatchian hi kan duhin kan mawhphurhna a ni. Tin, ram enkawltu tura duh taka kan thlan tlin leh SEDP Rs.3,00,000/- sem tura intiamte hian kan ti ngei tur a ni. Chuti lo chu term lehah kan tla hawl hawl mai ang tih a hlauhawm a lawm le.
France, Promise Zote S
8259025298
BIBLE-a Thupuan bu ang maia thu puang zung zungtu, a tak awm si lo chuan ramri chinfel dan chu a puang duh tawh si lo va, ngawi renga chinfel dan chu ngenmu a ni mai. Mahse, tharum thawh kan tum lo an tih si chuan a chinfel dan hnai leh awlsam ber chu vai ho duhdan apiang ramri pawm ve zel a ni mai dawn a nih hi le.
RZA Ralte TD
8730841016
MPC Party hi memorial party ang lek an ni e.
Mrs. Pathanga, Aizawl
7005401919
Pu Zonet Fakselna hi ka lo en ve \hin a, MNF selna a ni ringawt a lawm le. A hneawm khawp mai.
NEUTRAL PA
7642929719
Pathian hi kan va han zah lo tak em. Pu Hawla khan Pathian hriatpuina-in a ni maw ZU a lo zawrh le?
HLAUTHAWNGA Klb
9612691391
Mahni mita khanchhuk hmu thei miah lo, mi mita hmawlhte hmu thei em em te. Zawngin a ngum khak a hmu lova a \hiante a nuihzat tih tur ang chi Mizo kan tam. |ha inti em emte an awm a, \ha an va inti tehlul em tia Bible-a kan hmuh kha a takin a dikna kan hmu thar zel.
Putea
