Vodafone hi a bikin chhun leh zan tirah signal an van chhe thei em em ve mawle Bungkawn veng tir lamah hian. |an han la leh deuh teh u. Company dang kan sawi kan sawi ta mai. 4g-ah pawh whatsapp takngial thawn chhuah theih loh hi chuan a muang ve hle tawh tihna nia. Tin, midang aiin in recharge, internet man a tam bawk,tiang zel chuan customer hlauh zel pawh a hlauhawm e.
919774991552
Selna lam ringawt zawng…khaw nge tun \um chu fakna lam ve thung aw niang. Kan sorkar hrawn mek hi gas, buhfai, chini (AAY tan) leh thil dang supply-ah chuan an va \ha em! Minister Pu Rintea a fakawm thlawt…\ang fan fan zel rawh.
7005811526
Hman zan Fakselnaah Tlabung Uitangrualte mahin CAA an hlauh loh chuan eng vanga lo hlau ve vak nge in nih an rawn ti a. Bible-ah hian hlau tura inzirtirna ai chuan Pathian rinchhan tura fuihna deuh vek a ni a, hla pawhin ‘I rah chin a piang chu i ram a ni zel ang, chak tak leh huai takin awm phawt mai rawh’ min ti a, kan pute hmalakna a zarah CAA kan hmang ve dawn a zeng pawh a ni si lova, lo hlauh ve vak ringawt hi a \angkaina kan hre ve tlat lo. “Lo thleng tur, lo la thleng thei a ni” tih vel mai maiah kan buai ve lo. Lo thleng tawh, dan lova mawngbel hun a lo awm tawh te hi kan buaipui zawk.
Tlabung Uitangrual
9862014844
Pu Rama leh a pawlte hian MLA inthlan dawn apiangin ram leh hnam mipui zawng zawng hi tang kan ni tih hla an sa \hin a, lalna an chan ve chhung khan saltang pakhat tal chhuah an nei em? Kha chen kha rorelna an chang tawh a, tunah pawh ro an rel mek a, inthlan leh dawnah an sa rual leh dual dual mai lo’ng maw? Zahna chang zawng hria se ngawi dawh bak tih tur an van khawp ang. Vai ho zuk vaw duptu kha amah hi an lo vaw dup zawk a lo nih ngei hi.
Ruthi L Nunkimi, Thlanmual veng
8730841016
Tlabung Damdawi ina health care bill tichingpentu chu Tlabung uitang ho khan seh hrep mai se a pawi hleinem maw le.
Sipai Liana, TT
9862539105
Mizoram Synod te’n PES hlapui (Theme Song) tur inphuahsiakna hun an hawng a, mahse Sap \awnga phuah tur an ti daih mai hi mak ka ti. Kan hnam leh kan \awng hi kan tiboral chho zel mai zawng a nih hi mawle! MAL hote khan eng nge inngaihdan le aw?
Laltuaia, Kolasib
9612691391
Nizan Fakselnaa Driver ve tho intiin City Bus turning point-a motor jam chungchanga City Bus i rawn dem vak mai kha eng Driver nge i nih i sawi lova, a bikin commercial vehicle Driver i nih ngei ka ring. I rilru ang lek kha pu ni ila keini paw’n sawi tur kan ngahin ka ring. I rawn sawi tam takah khan kan dik ka ti miah lo, amaherawhchu, inhriatthiam tlan hi kan ngai. Commercial ho hi chuan Stand hi kan nei deuh vek, kan khawpui leh tlangdung kawngte hi a zimin min dawl zo lo em em vek a, kan Stand \heuh bulah hi chuan eng motor pawh hian kan ti jam deuh laih laih fo mai. Chungah tak chuan dawhtheihna nun neih pawimawh zia hi kan hriat tawn \heuh hi a ngai khawp mai ka tia. Media lama intimualpho vak bik lo khan dawhtheihna nen i pianthar ve fe chu ngaiin ka hria. Turning point hi hmun zau tak khu a awm lem lo, Bus han in turn nan meuh chuan a hmun zau deuh awm lah a compound neituten No Turning tih an tar loh leh an hungin hrui an thlung tlat zel bawk nen inharsatna hi kan hriatthiampui viau rual che u in kan harsatna pawh hi min hriatthiampui hi ngai ve tak chu a ni. Keini pawh i tawn ang tho hian khawpui chhungah hian zingkar Maxi Cab chhuak tur hian an Stand tinah hian min dan rei ve \hin chang a tam mai. Keini City Bus phei chu minute 1 leh a chanve um reng reng tlan zawk kan ni chung pawhin nang thei bik lova min siam chang a tam mai. Dawhtheihna nen inhriatthiam tlan mai hi a hahdam. Kan kawngpui hian min zo thlawt loh vang zawk a ni tih hi lo hre nawn ve la, dawhtheihna nen tluang taka tlan turin duhsakna ka hlan a che.
City Bus Driver
