AMC hian Millennium Centre kawtah hian lirthei nei ve zo lote tan kea kalna tur min siam sak rawh se. A ram hian a daih viau a nia.
8837489511
Mawi ka tih loh deuh ka’n sel leh teh ang. Engemaw kan tih nikhua, entirnan:- Vanapa Hall-ah te Minister emaw, tute thusawi emaw kan ngaihthlak laia phone kan lo bih ve reng fo mai hi chu mawi ka tih loh zawng a va ni em aw. A bik takin naupang lam an tam deuhin ka hria. An thusawi kan ngaithla emaw, ngaithla lo emaw thil mawi chu a ni lo a ni. Mi pakhat sawi ka hriat dan phei chuan inkhawmnaah te pawh an Phone-ah game an khel a ti zuk nia!!
Dindini pu
8974244232
Vawiin chu thu danglam deuh ka’n sawi teh ang. Hranghlui lutuk lo zaithiam, Pu Thangbuaia kum 73-a upa chu chatuan ram panin Chhiahtlangah vui liam a lo ni ta a. Amah hi a aw chhuak ang anga zai tawp mai, hetiang hian a mawi zawk ang tia han siksawi kuala inzir chawp duh lova zai tawp mai mi a ni. A zai hre tawh reng reng chuan eng hla pawh sa se amah an hre nghal a, tu zai emaw khar chhawnga zai mi a ni lo. Hei hi a Mizo-na leh a danglam bikna a ni a, a aw han chhuak hrim hrim hi mi lungleng chi tan chuan a ngaihnawm tawp a ni. Tunlai \hangthar tan chuan ngaihnawm a ni lovang. Mahse rambuai hre pha, Mizopa lo neia ei lo zawng tawh leh zawng mekte thinlungah chuan lung ti leng a ni lo thei lo. Hetianga danglam taka Mizo thinlung khawiha zai mi kan neih chhun i ti hial teh ang, kan chan ta mai hi a uiawm em mai a, Fakselna kaltlangin ka rawn au chhuahpui ve a ni e.
RK Sanga
9862366590
Congress hunlai khan MNF mi leh sa zirtirtu atana lak chu sawi loh, MNF zirtirtute a za tel telin an ban hem hem mai kha a ni a, eizawnna mumal pawh nei tawh lote an ni a, sorkarin tuna zirtirtu a lak te hi an tan kawng han hawnsak leh ta se, tuchhuan thleng daih lawmna siam saktu ni mai tur a nih laiin, ka dil loh zawk malsawmna tih ang maiin Congress mihlun tak tak te nupui leh an fate hming a lang ta fur mai hi eng nge a awmzia? Kan hotute mit hi an dawi ^ ta em ni? Mahni tui lo awpkeu \euh mai chuh!! Mahni tan thlan kan lai tihna a ni thei mai ang em? Inthin harh deuh chu kan ngai.
Tlabung Uitangrual
9862014844
Keichu Darrokima leh Zara te thu ziak hi ngaihnawm ka ti \hin. Zara ziak phei hi chuan zir tur \ha tam tak min kawhhmuh \hinin ka hria. KL Liana, PL Liandinga, HC Vanlalruata leh mi chi hrang hrangin thu chi hrang hrang \ha tak tak, zawm tlak leh insiam\hatna tlak, inenfiahna darthlalang atana fiah leh \ha tak tak an ziah te hi \ha ka ti \hin bawk. Rev-a ziah tam tak hi erawh chu chuti luaa \angkai lem lo awm fo zawkin ka hria. Ti daih ila, city bus fare hi ka man thiam lo; Chaltlang MST workshop chhak a\angin Bawngkawn thleng turin Rs.10 min laksak a, chu pawh Guest House pengah ka chhuk leh duh zawk vangin Rs.5 ka dil leh a, min kir phal lo va, ka chhuk ta tho a. Bawngkawn a\angin Chaltlang lamah Israel point thleng Rs.15 min la a, Upper Bazar a\angin Bawngkawn thleng Rs.10 min la leh bawk sia, a awmzia ka hrethiam lo tawp mai.
Ramveitu
9089667399
Zoram siam\hatna tura pawl hrang hrangte hrui khat vuana ZPM party lo piang hian beiseina sang tak min neih tir tawh laia, Rotekawla Sepui ang maia MPC mi tlemte te hian eng nge beiseina an neih ni aw? Mihring tlemte hian pawl lian zawkte thawhpui kual mai mai an tih chhungin Six basic needs hi ZPM te hian an tihpuitlin khalh ngei ang le!
PC Ruhkawlngata
9612691391
Ramri chungchanga kan Home Minister-in a sawi chhen hi kan Chief Minister a rin lohna niin kei chuan ka hria. Kan Chief Minister-in thla kal liam ta lawkah kan ti fel vek tawh a, tunah chuan la sawi chhuah chi a la ni rih lo a tih Media kaltlanga a sawi kha a tawk mai lo’m ni? Zoram mipuite hian i ring ngam ang u. Lo buai ve vak a ngai em ni aw? A sawi ni leh thla kha fel takin en leh theih a la ni e. Kei chuan ka ring ngamin CM thusawi kha innghah nan ka hmang hmiah e.
Frans Promisse
8259025298
Ramri chungchang hi chu mi tam takin buaipui a ngai lo, kan pu a hian tihfel dan \ha deuh a hriat ruk kha han hmang tawh sela, a fel duak mai ang chu maw le. U\awk turvawn an tih ang maia hmuam pung reng a ngai em ni? Kan mangan hlawm em hi, han hriat ve hrim hrim pawh a chakawm alawm le!! Ui lovin han puang chhuak tawh sela, a fel duak mahna!
Zotea
9862539105
Mizo \awng chu Mizo \awng a nih avangin a \awngkam hmanah awze \awng a tam tur a ni lo.
Joseph Tbc
8787624083
Muster Roll Teacher lak chu a va buar chuar leh zel si ve? Education Minister hi a dik lutuk anga Party Worker ten fair an ti ve lo zawk em ni ang?
Minister hi a per lawp mai ang tih a va hlauhthawnawm ve.
Puipuii Pa
8414029478
Muster Roll-a zirtirtu lak tumna hi sorkar sum hmanna a ni a, party office a\anga sorkar rorelna mipui hmaa thu puan hi a nih dan tur a ni lo. Sorkar office a\angin sorkar officer-in an puang tur a ni.
Beiseia
9436197357
Home Minister chu a \awng vai emaw ni le? Assam nen kan ramri buai chingfel turin party dang leh NGO ten mawhphurhna an nei ve lo. An ni MNF sorkar chinfel tur a ni. Chief Secretary hnuaia ramri committee an vuaicha chuan enga tinge amah a phone mai loh? A phone number a hriat loh chuan ka lo hrilh thei. Muangchanga ramri buai chinfel te a la sawi ta deuh deuh va!
Minister zahawm hian Armed Police battalion tam fe command theih a nei a, tun ang baka hmanna \ha a awm dawn em ni? Parade tur ringawta rawih an ni lo. Hindu tlangval rual, Bru ho thlavang hauhtu CM office kawta hruai luh pawh an hna a ni lo.
ZPM Pavalai
8794659715
Tunlai hian sikul zirtirtu \henkhatin ‘Sanghawngsei’ kan tih \hin kha ‘Sanghawngsang’ tiin naupang an zirtirin an hrilh \hin. “Lo kal vat rawh” tih laia “vat” kan lam rik dan pawh hi film lettuten an hman dik loh avangin naupang zawkte hian a rik chhuah dan tur dik lovin an rik chhuah tir ta fur mai. Mizo \awng hmang dika, a rik dan tur ang taka kan \awng chhuak ri hi a dik theih nan media, film \awng lettute hi kan fimkhur a ngai khawp mai. Heng mite hi Mizo \awng ti da zattu an ni ta ber mai. Mizo \awng humhalha hmang dik tur hian MAL pawh hian \an la-in vei thar ve leh deuh se a duhawm khawp mai.
LT Ralte
