Muster Roll-ten MLA thlan apiang hian tun sorkar chuan MR-te dinhmun min chawi kansak ve tawh anga tia tlumtea thlir taka kan lo thlir \hin chu tun Congress Ministry ngei pawh hian suangtuahna ram maiah a chantir leh dawn a va ang sawt ve. MR te hi hna rim thawk kan ni a, kan damlo ve fo, chawlh a hranpain kan nei lo, MR lah kan bill ve thei hek lo. Nau kan nei a, Maternity benefit kan ban phakah a awm ve lova, kum 60 kan tlin chuan Regular employee te angin kan hna bansan a ngai ang a, kan thih pawhin kan arte thih mai ang a, \hat lai huna sorkar tana tha leh tui zawng zawng lo sengtu tan sorkar a\angin ham\hatna dawn tur engmah a awm ve lo. Payment of gratuity lah kan tan chuan vana rah ang a ni. MR-te category thara hlan kaia, minimun wages a\anga hlawh siam lova Pay structure thar min siamsak mai hi keini MR-te ngenna tlawm te a ni e.
MR Khawngaihthlaka
—————
|angrual pawlte hi Zoram mipui innghahna ber an ni tawh a, mahse engatinge \angrual inti siin Office khatah an lawi ho theih tlat lo le? Hetiangte chuan \anrual hian awmzia a neih hmel vak lo a ni. Eng party pawh nih ila \angrual an nih si chuan mahni party office \heuh kha surrender sela, \angrual Office-ah an lawi ho turah ka ngai. Hetiangte chuan hma lak chak a har duhawm e. Party lian te tan remchang an siamsak mai mai dawnin ka hria.
Amos LT Hmar, Sesawng
—————-
Kan sorkar hian engatinge building \ha lai \hiah hi a tuipui em em mai le? Tute emaw tan sum siam nan hman an tum em ni? Sorkar leh mipui sum hi an duhnaah chuan an hmang thiang teh meuh mai! Mahse, a sum thawh khawmtu, chhiah chawitu mipui hi khawngaihin hmaizah ve deuh se a va \ha ve? Building \ha sa \hiat lovin a dangah a sak theih loh em ni?
9774354495
————-
Tlabung uitang inti khan ram leh hnam avanga rammu-te i tih kha a dika, mipui lam pawhin anmahniah rinna an nghat a, kum sawm zet an kutah rorelna an pe a, kum sawm chhunga an hnathawh \hat leh ram tana pawimawh an tihchhiatte mipuiin an hre vek a, mipui lam zawk hian thuneihna pek leh tlakah an ngai ang em tih zawk lam a nia. Kan ramah mi hminghliauna la nei lo, mahni la inei thau lo, baal hmaa la kun lo an la tam a, chung ho chu i thlang tawh ang aw.
Mapuia pa
————-
Tuna Mizoram sorkar thiltih leh kalpui dan zet hi chu chhuan mang rorel leh ramin a \hatpui tur ni lo, anmahni hlawkna leh \hatpui tur lam hlir a ni hlawm a, a nepin a khamawm takzet a ni e. “Rorelna dik” tihte hi chu an ka a kua a, an sawi ve mai a ni e, a hla lutuk!
Thlirtu
————–
Pu Vanlalruata, Central YMA President-a i tling hi ka lawmpui lutuk che. Mizoram tana i thawh zelna turah duhsakna ka hlan a che.
No. thup
———–
Zoram mipuite, thingtlang leh khawpuia awm zawng zawngte hian kan ram dinhmun, Power, Buh, Alu, Purun, Artui, Dal etc. a kan intodelh lohzia hi mutmawh hnarmawha kan neih a hun ta. State dangte thawh chhuah ring ringawt maia Zopa kan han nung ta ringawt mai hi zahthlak tak a ni. Tunlai kan ration buhfai ngat phei hi chu State dangte ei duh loh theh thangna ram kan ni ta. Heng zawng zawng hi ram hruaitu kan duhtui loh em avanga kan rah chhuah kan seng a nih hi! Mi \hahnemngai, ram vei lo zuang chhuak te lah sawichhiat phet kan lo tum bawk nen kan ram hian kalphung thar, mipui sorkar siam tura lo pen chhuak, \angrual \awl hi kan ram dam lehna tur an ni tih hriain, Full Support i pe ang u…!
Ramveia
———–
MNF Sr. Vice President-in an sorkar laia an thil tihdik lovah mipui hnenah ngaihdam an dil leh hnuhnawh vel hi kei chuan ka pawm lo. Anmahni \anghma an hai lutuk kha, a hun lai khan mipui kha lungawi theiin an rin ka ring chuang lo. An sum tel theihna a nih dawn phawt chuan tumah an vengthawng duh lo a nih kha. Tuna taka ngaihdam dil leh vel hi a lal chak thlak mah mah a ni.
Ramveia, Khawzawl
——————
Kum 2018 inthlanah hian Congress emaw, MNF sorkar bak beisei tur an awmin ka hre lo. A chhan chu anni Party pahnihah hian party dang vote thei lo party mi ruhkawl an ngah em vang a ni.
Malsawma pa
——————-
Pu Rama hian a sorkar chhunga a thil dik loh zinga pawi ber chu Referral Hospital a titlawlh hi a ni. A ep ber Congress sorkar lah Central lal mek BJP lahin Medical College din chu Mizorama sorkar mek Congress hi phalna a pe duh mai bawk si lo. Hetih lai mek hian Pu Rama lah chuan Central-a sorkar mek BJP chu a lo thurualpui mek bawk si. Mizo Kristianten kan hlauh ber chu BJP hi a lian zel ang tih hi a ni tih hre mah se, lal chaka tuihal Pu Rama hian Central-a rorel mek BJP chu sam a phiar zawm mek lawi si.
Milari pa
——————–
Mizoram politician zingah Pu Rama hi CM lo ni ve tawhah chuan Zoram mipuiin an hnawl chiang ber niin a lang. Assembly election vawi hnihah bial 2-ah a ding \hin a, a tling zo lo ve ve a. Hetiang hruaitu mipui hnawl hi an vang i ti ve lo maw?
9862425381
——————
Masihi Sangati Convention vawi 30-na chu Khatla Kohhranah 20-22.10.2017 chhungin tluang taka neih a ni a. Ring thar Baptisma chang mi 123 lai mai kan nei a, a lawmawm hle mai. Thlengtute inpekna a ropui a, mikhualte min duat a, kan lawm em em e.
Ruthi Pu
———-
Pathiana piantharna ka neih hma hian Kohhrante hi ka lo bel chiang ngai lem lova, unau pa, unaunu tihte hi UPC hovin an hman hi ka lo hmusitin ka lo nuihzat ve em em \hin a, mitten an lo hmuhsit avangin ka lo nuihsawh ve ringawt a, mahse Pathian thu-ah kan lo tui thar ve chauh a, Bible kan chhiar ve \hin a, Lal Isua hian amah ringtu, a zirtirte reng reng hi ka unaute u hi a lo ti vek zawk sia, kan nuihzat chhan hi eng ber nge ni ta ang aw ka ti \hin. Kan Bible \awngkam a lo ni rengin ka hria, dik tak maw? Nula tlangval pipu tih hi hmanna a vang bawk si, UPC ho awm hma daiha Bible hi awm tawh a ni awm si a, nuihzatna tur a awm em ni le? Ringtu rinna hmun khata awm Lal Isua zuitute hi chu unau vek kan ni lo maw? Sailo, Pachuau, Khiangte te unau kan ni tih lam hi a nih loh hmel ka ti kan Bible \awngkam a\ang hi chuan.
7005873180
————-
Farisaite chuan langsar taka \awng\ai an ngaina tih Bible-in min hrilh. Chanchinbuah chumi Kohhran chuan chhungkaw zan kan hmang dawn tih thu kan chhiar fo. Sawisel ngam chiah si loh, Farisaina chi khat ang ka ti. Dan anga neih, Kohhran ruat ai chuan nun leh chetziaa sawi leh \awng\aiin thu a sawi rin zawk hmel. Khawchhuak haw runpui rawt leh khaw welfare din hi Rev. Thansiama \awngkam hawhin chapona irh chhuak a iang. Mahni khaw hlui chu kan ngai \heuh ang, a hautak thei ang bera haw rual rawta, chumi senso tura duh zat zat sum thawh tura mi va beisei hi a \hing. Khaw hlui hi a cheng pha ve lo kan nupui/pasal fanaute tan chuan a ngaihawm ve lem lo. Midang phut kher lovin a ngaitu chu zin fo mai tur, a hautak lovin, a inti engemaw thlak loh bawk ang.
Puipuii pi
————
Kan CM leh a Cabinet rual hi chuan kalkawng chhia, electric êng chhia tih vel hi chu hre chi an ni lo. An awmna leh an kal chin apiangah eng pek \hat, kawng lo siam mam a ni zel a, electric pawh a thim ngai lo. An hawng chiah a, kan thim kan thim leh mai. Châm rih rawh kan vângkhuaah tih hla hi ka duh phah \hin. Chung lama an thlawh loh leh kawng lo chhilh mam a ni zel si a lawm. Khawiah pawh kal se, an VIP-ten kan dawn leh kan hman ang ang hi hmu-in hmang ve mai se, kawng leh eng kan neih chhiatzia an hre ve ngei ang le.
RT KHIANGTE
——————
