Khawvela MP, MLA & HO teah Mizo ho an inchei ropui ber hian ram leh mipui hma an ngaih loh zia a lang chiang hle. Tin, sorkarna an chan veleh an hlawh leh ham\hatna an dawn \hin tam kan tih tawh nak a laiin van tawngin an han ti sang leh zat a. An bum fin theih loh mipuite lah hian an chanai eisaktu MLA te hi an infak siak ta lawi a. Khawvela hausa ber state ni awm hrimin he kutdawh state hi kan khawsa a! An thawh phu lovin sorkar hnathawk hlawh an han tisang a, enga maha intodelh lo state, heti ema kan khawsa sang lutuk ngam hian nawhchizuar bak an dang kan nei mawlh lo. MLA hlawh punah hian ZPM MLA te an tel ve em tih Zoram mipuite min han hrilh teh Pu ZONET khawngaih takin.
Fiahduha
9774373679
Kan sorkar tak hi chu aw….! A taka tihhlawhtlin tak tak awm si lo hian a theih thu ringawt hi mipuite min hrilh reng mai chu a ni sia. AR sawn chhuah leh ramri chinfel hriat tur la awm chuang lo, Covid-19 hrik enna khawl pawh la ngaihtuah chhuak thei lovin chhungtin hnenah nuai 3 kan sem thei ang tih kan CM-in huai takin a la sawi reng bawk a, a tihhlawhtlin theih loh hi chu mipuite bum khawtlai reng lo hian a theih loh tih hi huai takin mipuite hi min hrilh tlang law law tawh se a van \ha em. Intiamna leh inbumna ringawtin tun term chu min hman zawhpui dawn a ang khawp mai.
8413032247
Coronavirus hi a damdawi leh a Test-na Laboratory kan nei si lova, ram pawn a\anga a kai nia rinte ngun taka ven leh bungrua lo lut reng reng checkgate-a darkar 24 dah phawt a, chumi hnua rawn phurhluh tir chauh ni \hin se, chu chu a damdawi \ha ber leh test-na \ha ber chu niin a lang. Sorkar pawhin mi harsa chhawmdawl ngaite chhawmdawl bawk sela, kan vaia kan \anrual chuan kan him ngei pawh a rinawm. Engpawh lo thleng se chiai mai lova thluak fim taka lo hmachhawn thiam hi a pawimawh a, thu in awi tawna fimkhur taka kan \anrual chuan chhiatrupna hi kan pumpelh theih ngei kan ring.
Tlabung Uitangrual
9862014844
Tunlai boruakah hian Covid-19 laka inven dan chi hrang hrang a lem nena tarchhuah a van awm lo ve Pu Zonet. Fakna hun inhman ang deuh hian tihdan tur chu inhre \euh awm si a, a tam thei ang ber channel tinah hian han tichhuak chuai chuai teh u. Entirnan Covid-19 laka ka him theih nan tia sawi chungin mi pakhat kut sil lai te, a tam mai, han \ang teh u khai.
|hahnemngaitu
8415097632
Tumah pawnah chhuah loh tur tih leh ngawt \hin hi kan ran vulhte khungbet tlat ila eitur kan pek si loh chuan ril\amin an thi ngei ang. Keini thingtlang lama awm harsa zawkte min khungbet dawn a nih chuan cheng nuai thum tal kha han sem tawh se, chuti a nih loh chuan Covid-19 a thi aiin ril\ama thi kan tam zawk ang tih a va hlauhawm ve. Kar khat eitur pawh nei lo hlir kan ni zawk si.
8415097632
Heti hian ka lo ngaihtuah ve a, Mizoram pawn a\angin kan Mizopuite mahni in leh lo panin an lo haw mek zel a, Coronavirus hri kai hi an hlau ve vek ngei ang. Tin, Mizorama rawn la luttu nih hi tuman an duh bik a rinawm loh a, he hri hlauhawm tak rawn tlanchhiat san pawh an ni awm e. Chuvangin, an rilru turte lo hriatthiam pui ve a, sorkarin a duh ang leh beisei anga an awm theih nana thlamuanna \awngkam nen lo dawnsawn dan hi kan thiam hram hram hi a \ul a ni. In\awngkam chhuak chu khawngaihna tel, chi-a ^l ni fo rawh se tih a ni si a. |henrual \ha te leh khawtlang tan pawh kan \hat tlanna pawh a ni ngei ang. Chuvangin \awngkam tha te hi ui lovin i hman chhunzawm zel ang u. He Covid-19 hi mahni duhthu avang renga kai duh kan awm ka ring lo a ni. Mi chhungkaw khawsak phungte, mi rilru te pawh hi kan hriatthiampui hi a \ul hle hian ka lo hre ve a ni e.
Lunglei pa
98620 81109
Rambuai lai pawn taksa himna zawngin ramhnuaiah te kan tlanchhia a nih kha. Tun thil pawh hi mipuiin kan inkaichhawn theih thil a ni si a. Inthiarfihlim duh tan min chhan theih chuan a lawmawm ngawt ang. Esi pu
76408 20756
Tunlai hri leng mekah Zoram mipuite pawh kan fimkhur a \ha. Mahse, kan ti teh ang he huna duty ngai bik chawl ve thei lo te hian chhungte an nei ve thova, lo kai palh ta se an chhungteah an kai ve zel tho awm sia. A \hen duty te chuan invenna \ha tak tak an nei a, a \hen an inkalchhawk bawk a, a bikin POLICE department bik hi an chawl ve thei lo va, form an ha a, an chhungte tan hian ngaituah a va na duh bik ve aw ka lo ti mai mai.
POLICE chhungte
98565 69551
Covid-19 lakah inven fimkhur nan chhungtinte sorkar thu chhuak angin ina inkhung tura tih a ni a, kan septic tank hi a khat tlat a, a paihtu tur te ka biakin, an chenna veng Local Council ten hnathawh theihna permit min pe thei lo an ti si a, thuneitute khan khawngaih takin hemi kan harsatna min sutkian sak tura hma min laksak turin ka ngen tak meuh meuh a ni e.
9863151320
Central-a sum tam, a khat lutuka liam zawih zawih, bengmuk pawha liam leh \hin tih emawni kha he Zoram mi retheite te, ni khat thawh loh pawha nghei mai thei hian kan VA mamawh tak em. Kar khat chhung curfew an puang leh ta si a, he kar khat chhung hian sorkar hian mi harsa ngawih ngawih, kar khat thawhchhuah ang tal hi a sum faiin pe thei se aw. Tui bill, electric bill, TV bill, in luah man leh a dang pawh a tam ang, mi retheite hian ngaihsaktu leh Krista aia palai hmel an nghak reng mai lo mawle.
Nghaka, Serchhip
9862130116
Thin phu dep depa Chanchin thar kan thlir dauh dauh laiin..’ti rawh lut ila’ tih leh ‘Pu Hruai motor lian lei ve ka duh a’ tiin ngaihtuahna min tiphu zawk zel mai. Tun ang hunah hi chuan fakna neitute hian Covid-19 laka kan him theihna lam te hian an fakna te hi lo thlak awm. Inven dan \ha tichhuaktu dawr fakna chu mipui pawh hian kan hre reng ngei ang le.
KALVARI LUI
87308 20304
Tun ang hunah te hian PHE te chetna tur niawm takah hian Zoram mipui tui nei lote chu tuikhur lamah kan kal fo a ngai a, bill, thla khat pawh han pe lo ila min disconnect hmiah hmiah zel chu a ni si a. Tun hun lovah pawh anmahni lama harsatna awm lovah pawh kar khat chhunga tui an pek miah lo pawh a awm. Tui semtu \henkhatte lah hi biakte hi an la har ve leh khanglang lehnghal. An duhsak zawngte an haw liam zur zur a, ui leh itin kan thlir liam vawng vawng mai a ni.
SIDIA PA
87940 40907
Incompetent Authority: Nimin 23/03/2020-a Lengpui Airport a\anga lo haw, quarantine tura tihte eitur leh tui in tur pawh an ngaihtuah thei lo a nia, an lo haw tir leh vek tho bawk sia! Sorkar inpuahchah nep zia a tilang chiang hle mai! Curfew declare mai a hun.
Mr. CS
94851 41120
Mizote hi hnam over tak mai hi chu kan lo va ni tehlul em aw! Hei tunah Covid-19 damdawi atan Chloroquine a \ha tih thu thang leng vel avang hian kan lo lei sup sup a ni awm a! Damdawi dawrah pawh lei tur avang an tih chu. Engtia eitur nge, eng hunah nge kan ei dawn, engtia rei nge eitur tih pawh hre lo hian kan han inchuh zo leh tawh niawm a nia. Hnam mak tak zawng kan lo ni e. Kan hetih vang hian a lawm ram hruaitu \ha pawh kan neih theih loh a, tun dinhmun kan la nih chhan. Thil reng reng hi i zirchiang hmasa \hin ang u, i chik peih ang u. Hrechiang lo hian i bawh huam huam zel lo ang u. Chloroquine ei kan lo ngai ta a nih chuan Doctor-in min chawh hunah kan lei ang a, Doctor-in ei dan tur a tih ang thlapin kan ei mai ang chu.
