Reiek leh Aizawl inkar kawng hi ava zim tak êm. Aizawl nula leh tlangval leh khawdang hmun hrang hrang a\anga kan \halaite hawi khawthawn vena ber a ni si a, han chei \ha thei deuh se a \ha ngawt mai. Maubawk leh Lawipu inkar kawngte hi, boulder rawngdum a hnawih chunga tlan ang vel kan ni. Bawl \ha hraih hraih tak a ni. A mawhphurtute lam lah hian pawisa awm lo tih hi an in sawimam nan an hmang ve ziah a, an in leh lo, an lirthei leh an khawsak dan han en hi chuan pawisa a awmlo tih an sawi fo hi awihsak an har viau zel mai.
Berbera Pu
————–
Inthlan a lo hun leh dawna party lian 2 ten ram an inhmangaih siak leh ta. Mipuite harh a hun ta, a ngaihna hria, dawhthei, Mizo mipui lainattu ZPM ngei i vote ang u.
8974132984
——————
Ram changkang leh kang lo tehna ber chu kawngpui \ha leh \ha loah hian a ni, tuna kan kar kawng \hat leh \hat lohah hian kan hrethiam mai awm e.
RODY PA
—————
Kerela State chu kan va tluk lo vai vai em! An ramin tui lian nasa zet mai an tuar a, a hmuna awm Mizo te sawi danin, dawrkaite chuan an thil zawrhte chu tihto chu sawi loh, man awm mang lovin an phalral a, mi tan malsawmna nih loh an hlau. Hotel neitu te pawhin kan hotel-ah a duh a piangin man lovin chaw a ei theih reng e tiin an au reng mai an ti. Kan ram ka ngaihtuah a zahna tur hlir niin ka hria.
RK Sanga
————-
Vanglaini August ni 15, 2018 Editorial-ah khan mi hming\hatnaa insawi luh tumah khan MNF MLA pakhat kha thailan a ni a, ka’n faksel ve teh ang. Thil reng reng hi bul\antu, bultumtu emaw, hmalatu an awm loh chuan engahpawh hian rah lawh tur a awm lo tih chu kan hre vek awm e. MNF MLA pakhat khan tihian a sawi a, Mizoram Institute of Medical Education and Research dinna atanna Infrastructure zawng zawng hi MNF din deuh vek a tih pawh hi a dik ve tho mai. Chuvang chuan MNF leh Congress te hi MIMER dinna-ah hian sulsutu ropui tak an nihzia a lang. MNF MLA kha demawm bik viauna a awm pawn ka hre lo. Vanglaini Editor hi politic a luh a\ang hian ko a thlak ta deuh em ni le aw ka ti a?
CHAMA TLB
————–
Chanchin tharah ram ri-ah dan loa lo lut tur awm lo ang mai khan sorkarin a sawi si a, tunah MZP ten dan lo a lut mi 230 an zuk dapchhuak leh thei bawk si a. Sokar hi a muthlu em ni? Central hian Mizote min chimral pawh pawi tihna an nei dawn silo a, Central Congress party tho kha an ni si a. “I sawi leh tur pawh dawt bawk” an tih ang deuh khan, Mizo mipuite hi dawt min hrilh reng ringawt mai niin a lang. Chuvangin, ram leh hnam hmangaihtu tak tak leh Mizo diktak te tan i ram leh hnam a lo him theih nan Central party reng reng chu hlau zel ang che, Kawlkei a ni e.
Tlabung Uitangrual
————-
Hman kum khan MLA inthlanpui kan neia chuta kan bial enkawl tura headquarters lamin MLA atana min rawn ruatsak chu kohhran mi tak, kohhran ngaina leh speaker-ah pawh duai lo tak, miin thusawi thiam an tih huai huai MLA atan kan nei a kan lo lawm teh lul nen. Mahse rin ang lo takin a bial chhung a ngaihthah tak tlat avang leh ama duhdan ang pawha hna thawhtir hleithei lotu chu a party vawn a fuh loh vangin headquarters lam chuan khatiang kha kan party kalphung a ni lo tiin an khak zeuh zeuh tak avangin a bial chhung tak ngial pawh a humzo ta lo a nih kha. Mizoramah inthlan a lo awm fo tawh a, mahse rorelna dik a awm loh avangin tlakchhiat lam kan pan zel a nih hi maw! Ram enkawlna leh kaihhruainaah hian mipakhat, a head ber hi an va pawimawh tak em! Luitui fimsa a hnar a nut tawh chuan engvangin nge a mawng lam pawh a nut loh ang. Ngaihtuah ngun a ngai ta hle mai. A phawvuakah tal mai mai tawh suh.
Ms Spock-main
————
MIZO IDOL kan thlang leh ta, an va zai thiam em. A bik takin Joela, Pangzawl kha i thiam tawp. Ka lung i ti leng e.
MS Pachuau
————–
Mizo Idol intihsiakna Ninga zana zaiah Chanmari pain D’ Chamboihpuii hla a sak kha thiam ka ti ber.
9774902142
————-
Kumin inthlan hun chuan Chhechhawnga te vai dawr an tih ang deuh leh Zawlbuka e tang ve ve, party lian inti pahnih hi hnawl tawh ang u hmiang. An inpuh chhiat tawn dan zo zaite hi dik an ti ve ve si a. Chuti a nih si chuan kan ram enkawl tlak an ni tawh lo ve. Eiruk, tihchhiat, tihawm tak tih duh loh, tihawm loh tak tih an va ngah em, an inpuh tawnna thu han hriat hian! Hetiang ni siin ram enkawltu nih han chak tlat mai chu(h). An thiam tawk, an theih tawk an ti ve ve tawh, mahse maw, kan thlenchin chu ti mai hi a ni si. An hmangaih Zokhaw lam mite kan fe fap a. Min hmangaihtu te an mam pur mai si a. A bik takin ZOKHAW lam HARH ava hun tawh em. Zawlbuk a la e tang ve lo te hi VOTE a, thuneih tir a hun ta e.
9862539105
————
Hmanni maia |angrual Pawl, ZPM-in Vanapa Hall-a ‘ZORAM SIAM|HATNA KHAWMPUI’ an hmang chu a ropuiin, Zoram veitu mipui khati zozai an lo awm kha ava thlamuan thlak tehlul em. Pu Duhoma’n ‘ZORAM POLITICS-AH PATHIAN RAM LO THLENG RAWH SE’ tih a sawi leh Pu Lalhmangaiha, Rev Lalzuithanga, Rev. Dr. K. Thanzauva te thusawi a ropuiin, Zoram hian Lalpa malsawm ram rim a nam tawh lohzia leh SUM SEM hmanga kan party pahnih ten hmasawnna thlen tak tak si lo a min rapbet a, an duh duha min pawhphar an tumdan leh chumi a\anga kan \hanharh a \ulzia an sawi chuan mipuite rilru a hneh takzet a ni. Zoram mipuite hian harhchhuah nan hmang ngei ila, “HAWH U, I DINTHAR LEH ANG U.”
Zo-Nehemia
————-
‘Thawmhnaw leh ei tur nei lova rethei taka in la awm zel duh chuan zu dawrah kalin in ula. Amaherawhchu thil \ha zawk beisei in nih chuan in thawkrim tur a ni. Engkim kan tih sak thei vek kher dawn lo che u a, nangmahnia in inhaichhuah ve a ngai a ni,’ – Nelson Mandela
7005040768
————-
