MPSC hna lak chungchangah MZP ten a thiam thiam te dik taka lak ni zel se an tih kha dik viau mahse heti zawng hian an ngaihtuah ve em le? Tunlaiah chuan mi hausa fate zirna \ha \haah an kal thei bik a, eitur \ha tinreng nen. Chutih mek laiin mi rethei fate chuan thluak \ha nei turin an neihin a tlin lova, mi bik tlemte chauh an awm ve thei chauh. Mi rethei quota hi siam ve tawh a \ha hle lo maw?
LB-a Pa
————-
Zoram khaw tin deuhthawah vawk natna hri a l>ng leh ta chum chum mai maw? Ranvulhtute an va lainatawm tak em. He hri hi khawchhak lam (Myanmar) a\anga vawk lakluh a\anga lo awm nia sawi a ni leh ta. Vety Doctor ho hian tihngaihna an hre leh lo chu a ni phawt ang a, vawk an thi leh chur chur ta mai si a. Tun hmalam khan hetiang hi a lo thleng zauh zauh tawh a, Vety Doctor ho hian an rilru lo sengin research te lo beiin finding engemaw tal chu lo neih ve tawh awm tak hi a nia le, sorkar hna kan thawha, hlawh kan lak ve theih hi chuan kan lung a awi mai zel hlawm chu a nih hi. Zoram hian mi thiam, ram hmangaihtu a va mamawh tak em.
Martin-a pa
————-
He Mizoram Kristian rama
Mizo Kristiante hian
Pathian Biak In thianghlim tak leh zahawm tak chhunga
Pathian fak leh chawimawi tur leh a thute ngaihthla tur leh zir tura kan inkhawm fo \hin hian
Pathian hi kan fak tak tak \hin em le?
Pathian hi kan chawimawi \hin tak tak em?
Pathian thu hi kan zir tak tak \hin em?
Nge, Pathian Biak In thianghlim tak leh zahawm tak hi mahni intih ropui nan leh inchawimawi tawn nan, mahni thuneihna hman nan kan hmang?
8014161467
————-
Lungngai suh u, inthlan hma-in 7th pay chu in hmang em em ang kan ti lo che u em ni?
7005449574
————-
Sorkar hian khawpui chhungah hian bawlhhlawh bawm hi pen 50 danah dah thei zel se, khawpui faina kawngah hian tlemin hma kan sawn deuh ngei ang. Mahni thil eina kawr / funna bawlhhlawh bawm awm hmasa bera paih tura han keng rengte hi a ninawm ve thei si a, bawlhhlawh bawm hi chu inhnaih deuhin awm thei se chu a \ha viau lo’ng maw Pu ZONET?
Sidia Pa
————
New Market Bazar-a Pu Hawla building kawt kawngpui hi chu a chhe lutuk deuh chu a ni e. Helai Local Fish zawrhna thlang step hi a ni a, kawngpui lun leh bazar kawng pawimawh, chhuahlam veng mipui bazar kawng ber a ni a, Dawrpui LC huamchhung a niin, a bialtu pawh Pu Lalsawta MLA a ni e. Electric Veng huam chin, Pu Hausiama building chin hi a ni e. A kawtkai neitu Pu Hawla hian siam a tum hmel si loha, mawhphhurtute chuan siam vat a \ha hle mai. Tuna mi ai hian siam zau thei nghe nghe sela a lawmawm ngawt ang.
Fela Pa
, Electric Veng
————-
Assam ho hian an duh thalin kum 1933-ah ramri an lo siam a, chumi chu min rin/hman tirin District Council leh UT leh State ramri atan kan lo hmang a ni ang maw? Khatih hun lai kha independent hma sapin India an awp lai a ni a, sap ho pawh khan keini aiin vai ho an lo duhsak a ni maw? Sap kan ngaihsan tehreng nen, kei chu sap ho pawh khu ka haw ta tlat mai.
Duata pu
————-
In news a zawi si, fakna a ring over thung. A hneawm e.
8787497640
————–
Assam ho chuan Inner Line huamchhunga cheng lui ve-ah min puh an tum ta mai hi Mizoram sorkar tan chuan chetna remchang tak a inhawng zawk a ni lo’m ni? Kan documents sawi fo \hin nena chetna hun a inhawng e.
Zopa
————-
Kum 10 dawn Uitangrual te bauh din mai mai theih loh, Saipui kallai tia inchhal ngat, Pu Hawla leh a pawlte chuan an term tawp lamah mipui bum nan thil \ha ber ngaihtuah niawm takin awm mah se, Kohhran leh mipuite engah mah an ngai lova, zu-a mipuite min hrai hlum pawh an pawi sa lo. Lalna chang leh tur chuan mipuite hian an chungah rinna kan nghat ngam tawh lo a ni.
Tlabung Uitangrual
————
Mizoram Judicial Service mite hian mi chhe ber pawh kan innghah ngamna tlaka hleih nei lova dan ang taka hna an thawh a va \ul tehlul em! India ram Judicial Service \ha ber ni mawlh teh se.
Zopa
———-
Tuirial bial vil mektu Pu Andrew an tih hi kuthnathawktute tan chuan a va hlu em.
Ramdinsanga,
Thingdawl
————-
DDK Aizawl programme zinga pakhat ZOKHUATE HMASAWNNA tiha vai khua hlir lo lang hi kei chu dik theiin ka hre tlat lo. “Zo” chu kan hriat \heuh angin “Mizo” sawina chi khat a ni a. “Zokhua” tih chuan Zorama kan khuate bak kawh neiin ka lo hre ngai lova, he programme an tih chhuaha ZOKHUATE HMASAWNNA tih hming hi thlak thei se ka duh takzet kei chu. Heng vai ho hmasawnna tihlan an duh a nih chuan INDIA RAM THINGTLANG KHUATE HMASAWNNA ti pawhin programme hi kalpui se la a dikin ka hria. “Zokhua” tih hi thingtlang khua zawng zawng sawina a ni lo tihte hi an hre ve lo emaw chu aw ka deuh. Ka rilru leh thinlung hian a phal ngang lo a ni e.
ZOKHUA CHU MIZOTE KHUA, CHÊNNA KHUA A NI SI A.
No. thup
———–
ZPM Party a\anga ding tur niawm taka bial rawn viltu hi sum a chelek dan han hmuh hian Zoramthar thlentu leh kalphung thar thlen chu a hla e.
VL Ruata
———–
