Tunlai kan ram roreltu nih tum te thusawi, midang fel lohna sawi vak vak ho hi an dinhmunah hian han ding se an nasa ve ngawt ang. Ka ngaithla ning ta ngei mai.
Kristian ramah BJP te an han ngam pa ta em em mai hi kan inngaihtuah ngun a va ngai em! Kohhran hian BJP-te hi thunun ngam se ka va ti tak em.
8575464602
————
ZPM hian Sawhthing leh Hmunphiah hmangin Zofate hmasawn tir min tuma, ka ngaihtuah chianga, kei tehlul hian khawi lai hmunah nge ka chin ve ang? Sawhthing phei chu kan ramah hian a \hat duh bikna hmun tlemte a awma, a \hat theih lohna hmuna chin chu tha sen thlawnna mai a ni. A \hat duhna hmun bik lah chu mi tlemtein an pata zo vek thawh si, khawiah nge kan chin ve dawn le? Hmunphiah pawh ching dawn ila a hmunah bawk ka buai leh dawn tho. A thu hrimah ram hnathawk peih lo leh thiam loh vangin khawpuiah kan pem laklawh tawh a, Pu Duha policy-ah chuan ka tel ve lo tlat, vote lo mai ang.
Aizawl pa
————-
Zoram mipui, Mizo hi zawng kan lo mawl em a ni. Kan mawl man leh kan ^t man hi kan tuar tlangzel dawn a ni e. Tun thlenga MNF leh Congress lo la tuipui thei pawl hi kan la tam si a. Kan vote hmang hian kan thlangtling anga, kan vote hmang vek hian kan paihthla leh thei tihah hian i chiang tlang tawh teh ang u khai. BJP lo tuipui tawk kan han piang leh ta tlat mai te. A hahthlak teh zawng a ni e.
Veitua
————
Mizo Hnam hi engnge kan sukthlek/nihphung ni reng reng tih hi tun MLA thlannaah hian finfiah a ni dawn ta. State kan nih a\anga chhutin kum 32 chhung party pahnihin rorelna an chelh tawh. Ram hmasawnna tlema zawng chu an hnutchhiah ngei mai a, amaherawhchu Central a\anga kan sum/pawisa dawn tam zia ngaihtuah chuan lungawina tur hmasawnna a beitham hle thung si. Ram hmasawnna leh hnam humhalhna kawngah a ngai pet pet hi a tawk kan tih chuan Congress leh MNF hi an sorkar leh mai dawn tihna a nia, hnam him nan leh ram hmasawnna duh takzet kan nih chuan kalphung thar lo piang ta hi kan support a \ul tihna a ni.
LB-a Pa
————-
Puitling, vote nei rual, Mizo lehnghal i ni a, tunge tling ang ti lovin, tunge \ha tih ngaihtuah ngamin VOTE thlak rawh. Free thinker ni ngam la, party sorkar ni lo mipui sorkar vote chhuak rawh le. ZPM hi an campeign dan a\ang rengin kalphung thar a in\an tawh hi.
9862361451
————-
Inthlanpui Campaign vawrtawp a thleng dawn ta a, party \henkhat lal loh hlau lutuk chuan an policy ai mahin thu hlui leh mimal taka dawt hmanga lehkha hial thehdarhin, an khingpuite beiha sawichhiat chu an chawtui ber a ni ta. Insawifiah ngai khawpin an awm ta hial mai a nih hi. Chutihlaiin, ZPM chuan nasa taka beihna leh sawichhiatna karah pawh Zoram dinthar leh ngei tumin Zoram mipuite support-na nen hma an sawn ta duai duai mai a nih hi.
Mizopa
————
Tun \um kan inthlang tur hi kan buai hle mai. Thu dik nge dik lo tih pawh hriat loh thuthang a tam si, \ha nia kan hriat ber hi han vote chawt mai ila, a \ha lo tih kan hriat sa, kan party a ni a lawm tih vanga vote kan tum tho chuan kan ram hian ram ropui a thleng lo ang. Chuvang chuan kan vote hlu tak hi Mizoram hmangaihtu dik tak turah kan hriatah i thlak \heuh ang u.
MARAMI, KAWNPUI
————-
MLA Candidate te pawisa neih zah hi chanchinbu mite hian in va rawn tarlang lo ve. MLA hluite chanchin hriat nan pawh a \ha. Han tarlang hram teh u.
8787689009
————-
Kumin MLA inthlan lo awm leh tur zet chuan rilru a tihah danglam mange. Party dang hi chu ministry han form tur em chuan rin an la har si a, MNF emaw, Congress emaw pawh hian ministry form dawn se, Zoramthanga leh Lal Thanhawla hi chu tel tawh lo se. MLA-ah hian an bial mipuite hian lo hahchawlh tir ve tawh se, an thiam thil kan ram leh hnam tana hnemhnanpui tur thar a awm tawhin a lang lo.
Thlirtu
————
Tunlai chu, “I Pathian hming a naranin sawi suh” tih hi beng chhungah a inthumrawn tlut tlut mai.
KL-a
————
Kohhran mipui leh NGO hote, kan ram awmdan leh thlen chin hrechianga veitu zawng zawngte u kalphung thar hi kan suangtuah fo kha chu a ni lo’m ni? Kan vote hlu tak kha kan ram leh hnam hmasawn nan ZPM-ah ngei aw.
VLA FANAI
————-
A thutiama ding \hin Pu Lal Thanhawla chuan Congress kan sorkar chhung chuan NLUP kan sem zel dawn a, a dawng tawhte pawhin an mamawh belh phawt chuan kan pe zel ang a ti. NLUP hi Congress Party mite tan chauh a ni lo, Mizo mipuite tan a ni!
THE VOX
————-
Tun kan inthlang tur zet chu thu a va sai sa ta nuaih nuaih ve. INC leh MNF-te lah BJP buaipui reng rengin an manifesto pawh an sawi hman lova, tun chu ZPM lamah thle dual mai ang aw.
VL FANAI
————-
Hman kum inthlanpui neih dawn khan ZNP leh MPC leh kuthnathawk pawl intelkhawm khan Pu Duhoma kha Chief Minister nih tir tum khan inthlan kha an chuh a, Pu Duha pawh kha CM hawi khan a hawi champ hle tawh kha a ni a, mahse khati kha an ni leh ta si a. Tunah pawh kan han inthlang zo anga an hotu lawk tak takte hi an tla leh phak phak mai lovang tih pawh hi a sawi theih lova, an duh loh em em MNF party hian Congress nin hrim hrim vang hian sorkarna an siam leh lovang tih hi a sawi lawk theih miah lo a nia. Congress party lah hi zu zuar leh tur ringawt chuan tumah hian kan thlantlin leh a rinawm bawk si loh a.
Sangteii Pu
————
Heti hian i ngaihtuah ngai em? Congress-ah hnam a him lova, MNF-ah ram a him lova, BJP-ah phei chuan Sakhua thlengin a him lo tih hi. Kan hmalawka inthlanpui kan neih turah hian ti mai mai hauh suh. Kalphung thar kan mamawh zia hi.
Lala, Aizawl
———-
