Private vehicle intlan chhawk hian engnge a nghawng kan chhut tel chiah em ka hre lo. Tunlai khawvelah chuan private vehicle hmanga mahni hnathawk, \ul tak tak, Zawlkhawpuiah kan kat nuk tawh tih kan hria a, a lovin kan awm thei tawh lo a nih ber laiin, tlan theih loh ni a awm takah chuan motor pakhat chauha khawsa thei \hin khan motor pahnih a neih a ngai ta, pahnih neiin pathum a neih a ngai ta. Chu chuan kan economy a khawih dawn khawp mai. Ka pawisa dah \hat ang angte motor dang lei nana kan hman a ngai ta. Intlanchhawk hian traffic jam hi tiziaawm viau se chuan a lawmawm lam a ni a, a tihziaawm tuman kan hre si lo. Motor tipungtu mai a ni dawn niin a lang.
9862372324
—————-
Mizoram sorkar hnathawkte tana 7th Pay petu policical party chu mipui lam tana hmelma no.1 an ni ang. Kan ramah hian hetiang kan afford thlawt lo. Tun apangin private-a thawkte nen hlawha inthlau nasa tawh. Sorkar hnathawk hi an tam lutuk reng reng.
Ram tana \ang fan fana
————
Sorkar hnathawk, lungawi lohna lantira nuar mekte hi an timak ka va ti tak em. Heti khawp hian sorkarin sum a nei lova, (a chhan erawh kan hre lo) a \henin thla engemawzat hlawh pawh an lak theih tawh loh laiin nei lo leh tlin lo chung chungin pek belh phutin an nuar a ni a, rawng an bawlsak mipuite hi zahna chhete tal an nei ve em aw? Sorkarin a ngaihtuahtu tur Committee a din tih lai a\angin pek tur leh pek loh tur pawh la chian loh laiin an han nuar nghal mai hi chu a zia lo mai ni lovin a lungchhiatthlak tak meuh meuh a ni. Kan hnathawh leh kan hlawh te, kan rawngbawlsak mipuite leh kan dinhmunte a inthlau lutuk em tih te ngaihtuah ve ila, nakkum inthlan hre ran chungin hma an la em tih te pawh chhut ngun a ngai hle in ka hria, mahni \anghma sial lutuk lovin kal i tum hram hram ang u.
The KIM
———–
MNF emaw, INC emaw bak sorkar fawng chelh turin kan thlan tlin leh hmel si lova, beisei a va bo tak em! INC tihral tum hrim hrima central lam a\anga BJP beihna hi MNF hian an hlawkpui maiin a rin theih.
ZEM-ah khan mi tam takin rinna kan lo nghat hman a, mahse ZNP, MPC leh eng party dangte emaw nen an inmawngzawm leh bawk si. Nihna thlakhlelh avanga zuang lawr dun dun te, a ruhkawl nih laklawh vanga lungawi lo chunga la awm ve hram hramte nena han inmawngzawm tlat mai chuan CM nih duha buaina, candidate nih duha buaina leh buaina dang dang avanga lungrual lohna a thleng dawn chiang tih hi zawlnei puansak kher ngai lova thil lang chiang tak a ni si!
NOTA hmet mai tur hi kan tlem lem lo tawp ang le!
Mesaka Putea
—————-
Pu PL Liandinga \ang fan fan. Ram hmangaih avanga i thuziahte kha chhiar a nuam thei khawp mai. Ka \an tlat a che. Nang ang mi ril leh huaisen hi a lawm kan ramin a mamawh ber. Zam miah suh.
Pu PL-a ngaisangtu
—————
Sawrkar hnathawk hlawh hi mipuite hlawh a ni. Mipui kutah a lut vek. Chuvangin 7th Pay hi pek ngei chi an ni.
A citizen
—————-
Mizoram sorkar hnathawk inzawmkhawm hruaitute hi an mihring kumah kum 60 an pelh tawh hmel hlawm e.
LB-a Pa
——————-
Zoram chhunga ram hruaitu lo ni tawh leh ni mek te ram hruai dana lungawi zo tawh lo, mi rinawm tak takte leh sakhaw pawl hrang hranga rawngbawltute ke penna ZPM hian hma a va sawn chak em ve aw. Hetah zet hi chuan party mal \an chauh ni lo, ram mipui zawng zawngte huapzo ram hruaina dik leh \ha kan nei ngei tawh ang tih hi kan beisei leh \awng\aina a ni e.
No. Thup
———–
Mizoram party hrang hrangte dinhmun ka’n tarlang ve teh ang. Congress sorkarna chelh rei berin Leader an nei \ha a, sawiselna tur chu a bo lo tawp ang. Mahse, kan ram tan hna an thawk \ha ber. MNF term engemawzat an sorkar tawh, hnathawh \hat pawh an ngah reng. Mahse, Leader \ha an mamawh a ni. ZPM hmel hriat loh mikhual, a lan dan pawnlangah chuan an \hat hmel fu, mahse hriat chian loh mikhual hi chu nel sual a hlauhawm, awmzia an neih vak ka beisei lo. PRISM eiruk dotu pawl an inti a, mahse hahipa an sawichhiat te ang kawng an zawh leh tho si a, tuman an rin loh hmel, a buaithlak mang e. Tunge sorkar ta ang? Pathian thu thu a ni. Hetia a lan danah hian tun \um hi chu coalition sorkar a pian hmel a nih hi maw, a \ha zawk turah ngai ang.
Chhim pa
————
Mi retheite kan VIP an ni tia inchhal \hin kan sorkar chak tak, Pu Hawla kaihhruaiin NLUP kaltlanga an sem vawkte Pu Mapuia dawn chu tukin zing khan pakhat a thi leh ta. Pathum ngawt a ch^n tawh a, kan sorkar chak tak hian zangna dawmna pe thei hram se ka va han ti em. Retheite hi engtia rei nge kan retheih dawn le?
VALPUIA BAWITLUNG, CHAWNGTUI EAST
—————-
Sorkar hnathawkte u, khawngaih takin ka ngen a che u. Inhlawh hi inhnathawh ngaihtuah hian a tam tawh em mai, lawm teh u. Hetiang zat in hlawh thei hi in vannei thlawt a ni. Mizoram dinhmun hi ngaihtuah mah teh u, Central pay hi chu a ngaihna a awm lo a ni e. Khawngaih takin in nawrh hi bansan ula, lungawi takin Pathian leh kan ram tan han thawk teh u. Hei bak bak hi zawng in hnathawh pawhin a phu lo a ni.
Zoramhmangaihtu
————
Congress sorkar ropui leh thiltithei inti hian Hindi Teacher khawngaihthlak tak takte hi chhawr zawm dan an hre ta ngang lo em ni le? Dr. JV Hluna ho tal pawh hian han ngaihsak teh u a, an khawngaihthlak dan em em hi. Thingtlangah thawkin pasal/nupui fanau chawm an ni a, khawngaihthlak tak an ni.
HRETUA
————–
Dan in min humhalhna bawhchhetu kan state sorkar leh kan Zirlai Pawlte leh pawl dang dangin kan duh loh em em ILP nei lova Mizorama lo lut rute hah taka an dap chamchi laia thamna pawisa la a lo chhuah \hintua puh, Saiphai Check Gate-a Police-te hi chhui chian ngei tur a ni e.
Zopa
————
He ram pachhe zeta sorkar hnathawkte chu leh HLAWH buaiin maw an buai leh \an tak pek, a ninawm ve thei khawp mai. Deptt. pakhata ka \hian hlui, hna sang ve tak thawkin a rukin ti hian a ti, ‘Thawhpuite hriat lem lohah chuan tuna kan hlawh lak hi kan thawh dan phung nena khaikhin chuan kan phu phak loh sorkar hian min hlawhtir tawhin ka hria’ a ti. Ram hmangaih leh hmangaih loh tehnain khai ta ila, sorkar hnathawk ho tluka RAM HMANGAIH LO hi an awm dawn em maw ni le. Heti khawpa sorkar a pachhiat chu sawi loh, ram mipui retheiziate hi hriat ve awm tak. An lungawina tawk hlawh pe \ha thei lo lakah chuan a hnathawk chuan BANSAN daih mai tur alawm. Hindi Teacher ho pawh kha hlawh la thei lova lungawi lo e ti lo chuan an hnaah dah ngheh an phut tel ang lawi a. An thawh hlawh pawh pe hlei thei lo sorkar chu a hna thawhsak zel an la inhuam viau lawi a. Lungawi lo chung chung pawh hian phur leh tha tho takin an la inruai ve zel chu a ni awm phawt a.
Bawiha pu
————-
Kan pu zahawma chuan NLUP a sem char char bawk a. A dawng pha ve lo ho hi engtinnge min tih ve dawn tak? A \hena ruah sur, a \hena ni sa, a rorel dan hi dik hlawt hek lo. Pathian thu te hi sawi sawi ve suh se. Zoramthanga pawh damlo mangangin \anpuina an dil a, cheng za chiah zu lo pe a, thlan tlin chi ziazang an ni tawh lo. Mi harsa an hrethiam lo em mai.
No. thup
———–
Kan CM-in Kolkataa in a neih chungchangah hian False Affidavit te, HIDCO te, ECI te, High Court te etc. chungchang ai maha pawimawh leh Mizo mipuite tana huatthlala leh mak zawk chu khutiang hmun \ha lai leh khawpui lian Kolkata te angah in hmun leh in ropui lutuk a nei khu a ni!! CHENG KHAT PAWH EIRU LO tan chuan khawi a\anga a neih nge ni ang pawisa kha tih hi!!! A rapthlak a ni. Mizo mipuite min tham lohzia leh min hmuhsitzia hi!!!
Guldupa, Azl
—————-
Mahni Deptt. enkawla thawktute hlawh pawh ngaihtuah sak thei lo/pe thei lo chuan Mizoram mipui mamawh a pek theih rin a har hle. Chhuanlam siama sawi mam ringawt hi chak lohzia tarlanna chiang tak a ni zawk.
Thlirtu
—————
Hman zan DDK News kha ka lo en ve a. Khaw pakhata thingzai khawl an man kha ram leh hnam, nungcha humhalh, kumpuan bawhzuina an tiin ka lo hria a, an va thawk \ha ve aw ka lo ti ve ngawt a, a ni reng tak a, tunlai hian ram tinah thingzai ri hi a ri vut vut reng mai a. Thing a r>m chakin, ngaw pawh a awm tawh lo zawng a nih hi. Ramsa tan lah a hlauhawm nen. CYMA hian tun aia chakin hma la se a \ha lo maw? Forest Deptt. lah hi eng ber nge an thawh ni?
Ruatdiki pu
————–
Hun hmasa lam atang tawh khan vawiin thleng hian mahni mawhphurhna/thuneihna pawh hre lo, mahni mawnghlim nih pawh inhre bawk lo hruaitu Mizoram hian kan nei reng mai chu a nia leh! Khua a var lo teh e! Thlangtute hi kan inenfiah a ngai takzet a ni e!
Citizen
————–
Mizoram sorkar fawng vuantute hi engti ziaa hram tla hawlh viau nge maw an nih? Pu Zodintluanga te ngat phei chu mi ‘cool’ ve tak khan ka hmu \hin a. Tun hnai hian a bauh ve ta fo mai!! Tin, 7th pay te hi an hnuaia thawkte pe vat se la a ni ang chu, chiau chiau lo hian. NLUP pawh an sem lui tlat tho a, state budget-a mi, head siam chawpa pawh pen mai mai tho a ni a. Hmanah phei kha chuan “Prime Minister Special Package” an tih hlui kha.
8414883986
—————
ZPM leh PRISM pawl hian Party dang sawisel lovin inram kaihhruai tum dan chauh puang \hin teh u. Mimal leh party dang sawisel hi a \hing tawh, Lalpan a duh lo ka ring e. Thudik a nih pawha fiahna awm lo phei chu sawi lul suh u.
8787455262
—————–
Pu Rama hian amah mai chuan chak ni hmel a hmu zawh lovang. BJP-a thurualpui a nih erawh chuan an sum hmangin a chak thei mahna. Tunah ZPM-in an luah lan mek a ni.
Envela
———-
