Tunlai kan rama thil thleng han chhut hian Pathian mite lo sawi \hin leh Rev. Dr. Zaichhawna Hlawndo in a sawi ZORAM THAR Pathian lalna ram thar hi Zoramah a thleng tak tak dawn a ni mai ang em? Mipuite lah hian eng political party-ah mah hian rinna kan nghat thei tawh bawk si lova.
9862578631
————-
Zirlai hruaitute hian tunhma a\ang khan ram hi an veiin an theih ang tawkah chuan hma pawh an la nasa viau \hin. Mahse, zirlai hruaitu an nih hun chhung a tawp a, Political party an zawm hnu leh MLA, Minister an nih hnu hi chuan ram tana an hmalakna leh hnam (Nationalism) an veina hi a tawp ta deuh hmak hian ka hre \hin a. Ram hmangaihtu an nihna kha hriatzui tur an awm lo tlangpui zel ni hian ka hre \hin. Bairabi Zophaia thil thlengah pawh hian Nationalism-ah ngaia, Mizo mipuiten kan thlawp \hat viau lai hian ka rilru hi a pangkhing deuh tlat a, zirlai hruaitu lo ni tawh \hinte ang tho kha an nih leh hlauvin ka tuipui tak tak thei lo tlat nia. Nang eng nge i ngaih ve dan?
David M. Zadeng
————-
Kan sorkar hian Gas harsatna a hria a, a solve dan a hre lo mai chauh a ni.
9774354495
————-
Mizoram CM ve meuh Lal Thanhawla’n Police custody-a tualthahna hmanrua mah a bo theih chuan tia mei nei taka a sawi te te hnuah Forest Deptt. kut a\ang chuan thil a bo awlsam turzia, a ^wm ve reng a lawm ti lam hawia thu a sawi ngam kha a mak a ni! Nungcha humhalh kawnga a ngaihna hre hmasa, Pu James Dokhuma thlarau pawh a zahawm em em a lawm maw! CM Hawla hian mahni kaihhruai sorkara Department te a tham lovin, rintlak loh em emah a ngai tih hai rual a ni si lo a. Chutih rual chuan he thu lo irh chhuahna atana zawhna zawttu, Pu Ruatkima te ang hi a ni, eng party pawh ni se, kan ram hian a mamawh chu ni.
Mesaka Putea
————
Assam leh Mizoram ramri hi buai ta viau anga sawi lui zuitu te chu documents hrang hrang kan thlir a\angin a chiang chho zel e. Kan ram hruaitute zinga a hnarkai ber leh a mu tan ber ni zui ta zel pawh a chiang e. Mizo \hangtharte hnenah hian ram leh hnam vei tak tak an pung chak hle si a. Heng mite hian Assam ramri buai miah lo an lo tih dik loh avanga buai ta em em anga an sawi te, tuna Assam sorkar nena ramri han sawi leh hi thih hrehin an hreh a ni ber mai. A hunlai leh khatih lai 1933-a Assam sorkar ram a nih loh thu sawi tura kum 1990-a kan CM kal duh lo kha tunah kan tuar ta a nih hi! Hei vang hian a sa seh tak takah kan CM te hian eng thu mah an kalpui dawn lo. Assam nena inhuat loh dan ber bak thu dang a awm dawn lo.
PH FANAI
————–
Fakselna han en hi chuan tunlaiah ngat te phei hi chuan Zophai a ri reng mai. Chinfel a nih hma chuan kan buai reng dawn a nih hmel a, tunah kan MZP-te hian Chawlhb<k sak leh tumin hma han la leh ta se kan sorkar chak tak hian kan Sipaite hi a hnuk kir leh anga, JCB lei lai enin an Paihte fal veng \hut leh veng veng mai lo maw?
RODY PA
————–
Saipui kal lai chu a chawlh mai ka va ring e.
9862371653
————–
NLUP hi sawiseltu an tam hle. Mahse, a \ha a nih ka ring. MNF pawn SEDP hming vuahin cheng nuai thum sem tumin hma an lak mek hi.
Duata pu
————–
Ramri chungchang ka’n sel ve teh ang. Ramri chinfel hi thil harsa leh buaithlak tak a ni. India & China, India & Pakistan tun thlenga kan buaina leh mu tanna pawh thildang a ni lo, ramri buaina tho a ni. Hei hi sorkar mawh a ni a, tuna sorkar lai an fel lo bik ni lovin hun rei tak liam ta en tur a ni. Sorkar term tam tak liam tawh a\angin zirlai pawlte buai ngai lo leh NGO te inrawlh ngai lo tur hian sorkar chuan a ramri chu a humhalh ngei tur a ni ang. A hmasa berin ei leh bar leh thil danga kan buai loh nan kan \henawm ram Myanmar & Bangladesh te kalpawhna \ha kawngpui neih \hata hmalam hun thui tak thlira Vision \ha neih a ngai. Kan ram kan intodelh loh avangin a huaisen theih loh. Vawiina thil thleng tur hi hun reitak a\anga lang sa reng a ni. Tunah chuan kan buai zo ta a nih tak hi. Awle tumah inmawhpuh lo ila hnam anga kan \anrual a ngai a ni. Eng party mahin remchangah hmang lovin MIZO kan nihna leh KRISTIAN kan nihna vawng nung ila, thisen chhuaka tharuma bei lovin fing takin \awng\aina nen kan beih a ngai. Kan zirlai \ha leh duhawm tak tak ten kut an tuar tawh tur a ni lo. Tui taka mut hun a ni lova, Pathian lamah i \ang ang u. Ram hi Lalpa ta a ni sia i \angrual ang u. Kan border area zawng zawng hi chenna leh awmna tlaka cheibawl a ngai ta. Khua kan tlai hma-in i harh ang u. |hang leh thar lo awm zel turten min dem lutuk ang.
Chhim pa
————-
Mizote harh a hun. Hnam dang, a bikin vai kan ngai thei lo a, mahse an tel lovin kan awm thei lo. Kan tel lo pawhin an awm thei. A chhan chu economic lamah an sang zawk a, kan tel lo pawhin an intodelh thei. Keini chu zaithiam leh miss tih velah chauh kan intodelh.
Lalthawvenga
————-
Nangni mi hausa-te u, kan Lalpa Isuan,”Heng mite te chunga tih hi ka chunga ti in ni” a tih kha hria ula, mi rethei leh pachhe zawkte \anpui \hin rawh u. Tichuan, kan Lalpa Isua a lo lawm anga, kan hmalam hun a lo eng dawn zu nia.
Pastor Kima Hmar
————
MZP-te hian RAM an hmangaih a, mahse a phena Politics lo lang \hin hi tenawm ka ti. Opposition nih lai hian ramri hi sawi a nuamin VEI a na duh deuh a ang bawk.
VL Ruata
————-
Congress sorkarin NLUP a tih a chin vel dan hi Bible/Pathian thu kalh tlat a ni. A malsawm a rinawm lo ve.
Thlirtu
———–
