Chhiah emaw, sorkar thil chhe te han ti dawn ila Aadhar Card a ngai, Pan Card a ngai, Identity Card a ngai, ngai tam lutuk hi mipui tan chuan a buaithlak lutuk. Buai taka phet suau suau-na min siamsak a ni ringawt a, mipui harsatna siamtu in ni tihte hi inhriat a \ha hle mai. Kawng leh lamah foreigner te, mi \ha lo te thliar nan tih ni mah se foreigner te lo lut thar hian a mi hluite ka u ka nau tiin card te chu an siam tir ve zel hi ka ring tlat a, tin heng card hian misual duh tak takte chu a dangin ka ring lo. Card te an neih avangin sualna a bangin ka ring lo. Kan Prime Minister hian mipui min tibuai tam lutuk tawh lo maw.
9612238063
—————
Kum tawpa kan inthlan turah hian Party tinte hian Chief Minister turte hi han puang ta se, chuta \ang chuan kan mi duhzawng lo thlang ve ta ila, kalphung thar in\an nan a \ha phian lo maw?
Ruatdiki pu
————–
Ram ngaw humhalh leh nungcha humhalh ‘thu’ ringawt hi chuan kan humhalh lawk lovang. Sawi ringwt hi chuan kawng a kaw tak tak lo. Central YMA hian group tinah hrilhfiah se, Branch YMA-te hian hma la tak tak se, mipui hian kan zawm ber ang. Tih tak tak hmaipu zeta ramngaw leh nungchate hi kan humhalh a hun ta takzet a ni. |hiante u, in vei ve lo em ni?
SANGA
———–
Mihring hian \hatna lai tak kan nei \heuh. Kan CM ni lai pawh hi Congress party tan chuan a \ha thlawt. A tel lovin an party hi kal dawn sela, an nawi ngawt ang. Ram pum hruaitu atan chuan a lal rei tawh nen, state pachhe ber nih bak min thlenpui thei lo a nih hi mawle!
RK Sanga
————-
Bangladesh a\anga lo lut Foreigner, Lokhironjon Chakma, Khojoisuii khuaa mi, tun thlenga la awm hi kan sorkar hian hnawt chhuak vat rawh se. Tin, ani chauh lo pawh hi Bangladesh a\anga Mizorama dan lova lo lut, Chakma Foreigner tam tak la awmte pawh hi nawr chhuah kher phut lova, a rang lama chhuak vek turin leh luhlul chhuah lova thuawih taka chhuak mai turin Fakselna hmangin kan ngenin kan han hriattir che u a ni e.
Hnam Arsi hruaitu, ZORAM SAKEI
—————-
Ram hmangaihtu kan Political Party te thu leh hla leh an infakna te, ram mipui tam ber za zela 75 lo neia eizawngtute hnena eizawnna siamsak theia an insawi dan hi ka zir chiang a, an insawina hmun, an Party Office-ah ngei kal chilhin, lo neia eizawngtute tana dawhkan kilna tur leh heti khawpa an au chhuahpui, MLA inthlan dawna an thupui ber, “Kut Hnathawktute” tana tluk luhna tur Cell/Room (Incharge/Representative) nei leh lawi si lote kalphung hi a pawi hle. Ram development leh hnam nawlpuite tana hmasawnna tur thu hi chu aupui aupui mah sela, anmahni ngei pawhin an awih ka ring lo! Heng thu chianna ber chu sorkar kan hrawn tawhte hi an ni.
PH FANAI
———–
Mihring kan lo sual dan em em hi mak tak a ni. An vaiin ka tihna a ni chuang kher lo. Mipa sual tawh laileng hi chu inkhawm inkhawm mah sela inchhungkhura rapthlak deuh deuhin an khawsa tho em ni? Hmai eng zahna pawh an nei lo. Hetiang mihring hi chu dam rei tlak pawh an ni lo.
No. thup
———–
Mi hre zaute sawi a\anga a lan danin Mizote hi khawvel hnam zingah chhiat ni \hat nia Society nei \ha ber kan ni. Chutih laiin khawpuiah hi chuan \halai mai ni lovin, nu leh pate pawh tlawmngaihnaah kan tlahniam ta hle mai a, puanven kan sawi chhin leh zual a ngai ta e. Kohhran Pawl hrang hrang \halaia inhman hi a \ha em em a, Zaipawla inhmante pawh a \ha. Henga kan inhman avangin chhungkuaah pawh rintlak ber nih tur a ni. Henga inhmang em em, chhungkuaa rintlak si loh tam tak an awm hi a pawi a, \an lak sauh sauh a ngai e. Kohhran Pawl hrang hranga \halai Pawl K|P, |KP, PYD leh adt. hi YMA a ni a, \hen hran theih a ni lo tih hriat tlat tur a ni. An zavai hian vul zel rawh se.
Puipuii pi
———–
Furpui a lo thleng leh dawn hnai tawh a, \hal laia kawng chhe siam \hat vek min tiamtute khan siam zo tawh tak ang maw?
9612126503
—————
