Sairang leh Kawnpui inkar kawng chhe lutuk hi thal lai hian siam tum a ni lo emaw ni le? Ruah a sur leh chuan kan va buai leh dawn em.
9862366318
————-
A va han pawi thin tak em. Mahni hmasial leh mi duhamten thu inchuh an neih avanga pawisawi lo chhungkaw rethei leh chanhai zawkin an beisei miah loh hnehchhiahna an tawk leh ta maw? Chhungkaw nu berin an inchung VAN, an bang KAWL VALEN CHHAM chhungah eirawng a bawl laite, an fate naupang te te te nen an zi ho nak nak lai TV atanga kan hmu zet chu mihring hi eng nge maw a lo nih le? Patling zet tawh pawh kan hnuk a ulh ruih thei mai ka ti. He ramah hian engtikah nge rethei bet zawkte tan hian leilung khua a var ve ang a, dam khaw chhuah nan kawl a en ve ang? A ram chhunga cheng mihring zawng zawng tih theih tur RINGTU THA intihna RAM ram RALMUANG niawm taka inchhal derna ramah hian dodal let ve ngam lo leh thei ve lo te tawrhna hi eng tikah nge a tawp ang? Ram awptu sorkar pawh hian anni ang rethei tak meuh te tan khan a ni lo’m ni IN ROPUI ka sa e a tih a, a RAK a RAK kha, luah tir ve ang hmiang.
Bawiha pu
————-
Ka pute hian inthlan dawn chauha kawng siamthat an han buaipui viau mai hi a hma kha zawngah khan sorkar hian eng nga tinge a siamthat loh? Mipui hi min ngainep hle tihna a ni. Zahna chang lah an hre hek lo.
Carolini pu
————–
YMA, MZP leh mimal thenkhat nunah te, Tuikuk leh Chakmate kan ngaimawh em em a, Kohhran leh kan party awmna-ah te hian kan thanlenna a nih dawn phawt chuan kan kuangkuah leh huam huam si a, a mak teh e! Lemchan thiam tak kan lo nih hi!
SANGA
————-
LSC chungchangah kan sorkar hi fimkhur hle teh se. Tun hnaia college ram nia hriat chhungah mimalin pass neia insawia, awm hmun khuaa an awmna in thiahsak a ni ringawt mai kha a pawi takzet. A Mizo zia lo takzet.
RK Sanga
————–
Heti em ema Airtel net chhe mai hi chu he company hian Zoram mipuite hi min hmusit hle niin a lang. Ni hnih khat harsatna te hi chu awm thei ngei a ni. Nimahse, tunlaia net awm lo hi chu ni tam tak awm lo ngar ngar a ni ta! Company hruaitute hian an customer-te hi sum min sen thlawn tir tam ta khawp mai. A rang lamin tan la se kan va duh em.
Lalhmaa
—————
Mizoram Super League (MSL), Hawla Indoor Stadium, Republic Vengthlanga inkhel entu (Fans) te hian a khelhna hmun hi mihring chenna, residential area a ni tih hi min hriat thar pui leh deuh se a lawmawm ngawt ang. An au thawm, khuangte leh thildang hi chu Hall-in a ken tel veah ngai ta mai ila, nimahsela khuangpui ring mangkhenga a chhehvel mipuite zahna nei miah lova an han vaw ngheng ngheng mai hi chu a zia lo deuh hlek. Tar chak tawh lo, damlo, naupang/puitling lehkha zir tana bengchheng leh ngaihtuahna sen theih miah loha ‘KHUANGPUI’ an han vaw thin hi chu a ngaihmawhawm khawp mai. Kar tluan deuh thawin thawk lakna awm miah lovin an khel bawk si. An khuangpui bengchheng elkhen kher hi chu tihreh dan a awm lo maw? MSL organisers lam te hian ngaihtuah thui deuh mawlh teh se. MSL hrim hrim pawh hi Sports lama hmasawnna tia kan lo ral khat phurpui vei nen, kan hmu khaw lo thei mai ang tih a hlauhawm e.
Mr. Maverick
————–
Music Video Gospel hlaa Jenny Lalruatfelin “Ka thinlung lawmna” tih a sak hi a hla thu sak engmah a hriat theih mang hleihnem le. Tu emawin tih takzetin rilru nen lo ngaithla duh pawh nise a hla thu a hriat zeuh zeuh ringawt. A music nen a boring vel vek. A satu hmeichhia a nia, lukhum a la khum tluan zak zui bawk.
CP-a
————-
TV-a mimal emaw, zaipawl emaw zai dawn leh zai laia thlalak chi hrang hrang rawn tilang sek lo hian awmdan pangngai tur hian rawn zai mai thin se kum upa lam chuan kan va ti em.
No.thup
————–
Kan thingtlang unaute, sawhthing chingtute, inkhawngaihthlak awm khawp mai. Tuna kan sorkar hian sawhthing chin hi a sawi mawi ka lo hre ve lova, ka bengvar loh vang pawh a ni mai thei e. Kan naupanlai atanga tun thlenga sawhthing sawimawitu chu ZNP President hi a ni a, amah hi rawn ula, President-ah dah ula, a ho hian hma la ta ula, a nin a kawng a hre bawk a, inhlawkpui ngei pawh ka ring. A ngaihna hria a ni a, a tha dawn em mai.
7005873180
—————
MNF Party chuan Congress chauh emaw, an hmelma an ti a, an regional party pui ZPM lian mek zel hi an hmuh hmaih a ni. An lam tang tur neutral ho an hui sak vek dawn. An sorkar lovang tih pawh sawi ngam a ni ta lo.
VL Ruata
————-
ZPM chu thawk ho tur an tam tual tual a, lungrual taka an thawh ho chuan chak ngei turah ngai phawt ang.
Duata pu
————–
Kan rilru a nghet lo tih chu a dik a ni. ZALENNA tih a ‘len’ tih hi thluk thin a ni a, mahse kum 2000 hnu lamah thluk lova lam rik san ching an awm ta a, putar pui pui pawhin zuk ti ve zel a mawle! Thil kan chik lo ngawt mai. Hlabu pangngai deuh leh lehkhabu pangngai deuhah chuan thluk tur tih chhinchhiahna a awm zel si a.
8413931575
—————
Engatinge Mizoram Rural Bank hi biak in har em em mai le? Nangmahni dawrtute chu tha takin lo welcome thin ta che u! Vawi khat chu Branch pakhat dawr ka tum a, biak an har em em mai a, min ngaihsak lo bawk a. A tawpah ka beidawng tih ngaihna hre lo chuan kan chhungte, Addl. DC hi ka va pan a, a ni’n min han biaksak chu an fel a an fel zia kha! Ka sawi tum tak chu milian leh mite kan intluk tak tak thei lo. Equality before the Law kan han ti tak naa, a ni thei tak tak lo! Mahse eng nge pawi? Lal Isuan, “Heng mi te te chunga ti hi ka chunga ti in ni” a ti miau si a. Lal Isua an be tha lo reng mai a nih hi inti hna nei ho hian!
Lalmalsawma, Vaiphei
—————
J. Thankima College ram chhunga mimal in, mi luahlai suasam chhe vek tute kha tute tak chu ni dawn maw? Hetianga ram inchuh awm fo nachhan nia lang chu kum tam liam tawha Revenue Deptt. a mite tana harsatna thlen tir pawh pawi ti lo, sum chauh duhtute hnathawh rah a ni. Sum an hmuh nan ram an pek thuah ten tuna buaina thlenna hmun, Brigade ram chhung an tih leh Bawngkawn-Durtlang kawng kam chhote hi ram inthuah a tam awm a nia. District dangah pawh a awm nual hmel. Ram pek thuah teh tu surveyor leh a sign tu officerte pension tawh leh la pension lo pawh ni se chhuichhuah an har dawn lova, hrem ngei an phu a ni zawk lo’m ni?
Puipuii pi
———–
