Hnam tana Martar-te hi kan ngaihlu a, kan ngaisang reng bawk ang. Kawra hmangtu mi pamham tak takte hi a ni kan sel \hin zawk chu. Tin, Mizoram sorkara Police Department tih loh, Department dang zawngah hian Group D leh C bakah group B level \henkhatah sorkar hian Muster Roll Experience nei \ha leh qualified thlap te, kum upa leh thawk rei tawh tak tak a ngah em em laia, advertisement a chhuah chiam mai le? Muster Roll-te an lainatawm takzet a ni.
LB-a Pa
—————
Pu Duhoma’n Kulikawn-Bawngkawn lei hi verh ta tehreng pawh ni se, engnge an tih ang a lo tih fiamthu ang deuh khan motor hi lo intlan chhawk ta tehreng pawh ni ila enge a sawtna awm vak ang? Traffic jam lova kan tih tur thil tam tak tih theih loh phah ai chuan tlem a lo jam deuhva tih tur tluang taka kan tih theih tho tluka hlu hi a awm em ni? Mipui kan buai phah turzia hi ka sawi chhuak thiam lo zawk. A pangngaia kal mai hian kan nunphung a buai lo daih zawk dawn tih a chiang reng. Hman hma hian \hulh leh mai teh se.
9436153688
————–
Kan ramah hian party ngawl vei leh ruihchilh kan mamawh tawh lo. Ral ven thiam leh kan ram tana a ngaihna hria kan va han mamawh tawh tak em.
Tlabung aw
—————
Kan Tlabung Congress unaute hian inthlan lai bawr vel apianga Chakma-te hnena “MNF te chu hnam party a ni a, in tel vena tur a ni lo” tia hnam mualpho pawh pawi tihna nei lova Party ham\hat nan lo hmang an awm \hin hi chu sim a \ha hle mai. Sakei anga Chakmate seha ei \hin leh hnam inhuatna leh inpumkhatna tichhe thei tur zawnga hmalak tum party kan ni ve lova, Pathian leh kan ram tan tia ram leh hnam tana lungrual taka inpumkhatna \ha kan neih theihna tura thih thlenga rinawm taka thawktute kan ni zawk e.
Tlabung Uitangrual
——————-
Mizoram kawngpui chhe laite siam \ha turin a changtu PWD lamten hma an la \an dawn tih han hriat hian beiseina thui tak min siam hlawm ngei ang le. He hnathawk tur hian a changtu Department hian thawktu atan EE, SDO, JE te hi Department-a a sulhnu nei \ha leh kut fai dah thei se fund an neih ang angten an thawh tur dik takin thawk se, \ul lova sum luang ral tlem thei ang ber ni thei bawk se. He Department kan sel luai luai hi han khuh mawi thluam mai se a va \ha dawn em.
9436193805
—————-
ZPM ka ring lo…. lo ti nghal ngawt ho hi chu Congress leh MNF mi ruh tak an ni tlangpui ang em aw? Anni pawl pahnih hian rei tak ro an rel ve ve tawh a, kan dinhmun chu heti hi a ni a, kan lungawi lo tih a chiang reng. Ro la rel ve miah lo pawh lo rin loh bawk si chuan, tunge kan rin tak ang? Hmana kan duh tawh loh leh tuna kan nin hi kan thlak kual reng ringawt dawn em ni? A thuhrimah ram rorelna hi kum tam tak party-a inhmang tawh, duham leh pamham tak tak kuta mi tur a ni ringawt lo. Ram leh mipui tana thawk thei tur apiang ta tur a ni mai lo maw?
Thianghlima Sailo
————-
