Congress ho hian Pathian leh mipuite hmaah zu kan zuar tawh dawn lo an tih hma loh chuan kei chuan ka Kristianna a\ang hi chuan ka vote leh tawh ngai lo ang. Kan vote tling leh a nih ngat chuan Pathian thinrimna hi kan tawngbaw tawh ngei ang.
Zoduha thingtlangpa
———–
Mipuite kan fing ta, hmanni chu thingtlang lamah sawhthing kg khat Rs.50/-in lei tur kan zawng vela, ka hmu hauh lo maia, a chhan nu pakhatin min hrilh a, nakum mai hian ZPM sorkar tur hi an lo hriat lawk vang chu lo niin. Kg khat mah lei lovin ka haw leh ta a.
Rody pa
————
Ka ngaihtuah vang vanga Mizote hi kan lova ^ ve. Keimahni Mizote hrinchhuah ngei tual\o party-te dahhniama vaipa hrinchhuah, vaipawl kan han hmu tai tlat mai hi chu aw. Mi chaw-raw lo tak hi chu kan lo va ni tak em? Hei tunah pawh Chakma MLA pakhat chu a awmna vai party-ah lungawi lovin BJP a zawm a nih hi. He pa hi a tling leh a nih vaih chuan BJP party hi an inbun ngheh sauh bakah Chakma ho saw an pawr zual sauh dawn tih a chiang reng. Dr. JV Hluna an tih ang mihringte hi Mizo hnam timualpho leh tilungrual lotu a ni ta ber a va ang ve. Chakma ho leh vaiho lawma phar phar ta reng mai chu. NGO zawng zawngten Chakma area-ah Mizo lo chu candidate dah loh nise tia an ngenna pawh pawisa lova mahni hmasial lutuk vanga Chakma pa dintir luih ngat an han tum hi chu ka ten tlat.
Tlangvala
————-
Kan ram hruaitu pahnih Pu Hawla leh Pu Rama chuan joint platform an hmachhawn ngam ta meuh lo a va nih hmel ve. Pakhat lah vision sawi tur nei lo, NLUP sawimawi zo tawh bawk si lo. Pu Ramtea lah duhthusam sawia a ti ti chiam zelte hian tu emaw hi chu hlauh an nei a ni lo maw? An kaw tawp Bhavan leh Hnam R<n a\angin an vaupung an tilian hle ringawt a. Zoram mipuiten hruaitu tur kan buk lai mek hian a him chin chauh chuh bik lo hian rawn inpholang ve em em teh se.
Bawihtea pa
————
MNF hi sorkar leh ta se office pakhata LDC thawk lai, PAMRA President ni bawkte kha bodyguard an pe leh ang em le? Mizoram sorkar danah hian LDC chin hian bodyguard an nei thei tihna em ni Pu Zonet? Ka va hrethiam teh nuaih lo ve!
Lushai Man
————-
MPF buatsaih Joint Platform-a Party hrang hrang aiawhte thusawi a\ang chuan kan ram hmabak a eng hle. Tupawh sorkar se an party thiltumte an tihhlawhtlin chuan a \ha e.
The Communist
————–
Central YMA President-in YMA hruaitute politics-a inhmang duh chu bang mai turin a ngen a, SRS lamah hian Local Council member, party mite pawh an awmin a lang a, heng mite hi a huam ve em?
8787399142
————–
Congress leh MNF te hian Chakma lamah chuan vote \hahnemngaihna avangin Candidate an dahlui ngam ang em aw? An dah luih tlat erawh chuan mipui ngaihdan chu a ni lo hle bawkin a rinawm. Tun \um inthlanpui kan hma lawka lo awm turah pawh hian an tuar mai ang tih a rinawm takzet a ni. Mahse, eng nge an an ang tih erawh a hriat lem loh.
NEUTRAL RUAL
————-
Pu Hawla’n Pu Zira Congress a\anga a chhuak chu hnara hlit phawi ang huai a tih hi Congress lalchhungkua tan chuan a dik maithei. Amaherawhchu, Congress workers tan chuan ch^nna nasa tak a ni.
AIZAWL PA
————–
Harsa taka inhlawhfa chawpa ka fate sikul an kal ve theih nan tiin theihtawpin ka inhlawhfa \hin a, mahse ka fate zirtirtu tur sorkar lamin an rawn dah belh thei si lova, ka fate an hnufual zo tawh. MNF lah nise rin an kai zo tawh si lova, Damdawi In chhawng turte an tibo, Referral Hospital lah a ngaihna an hre lova, hralhte an tum thul. Congress lah zu an zuar thul. Tun \um inthlan chu Pu Lalduhoma pawl lam hi test ve tawp mai teh ang.
Thingtlangpa
————
Engtin nge i lo ngaih ve? Aizawl Civil Hospital hi sorkar damdawi in a nihna angin mi harsa deuh leh thingtlang a\anga kan pan ber a ni a, damlo enkawl/vil chungchangah hian doctor leh nurses duty te hian ngaihsak bik leh ngaihsak lo bik an nei hlein ka hria. Damlo chu an nat dan a zirin investigation tih zung zung a, engtia hmalak zung zung tur nge ni tih kha an mawhphurhna a ni a. Hetiang kawngah hian an inthlahdah hlein a hriat theih a ni. Engtiang tluka rei pawh damdawi inah hian awm ila keini ang mi harsa chu ngaihpawimawh hi kan hlawh lo. Chuvangin thuneihtute hian ngawi mai mai lovin action la thei ngei se, a \ul chuan an phutawka hremna pek zel ni sela a lawmawm ngawt ang. Ram mipui tan malsawmna a lo thlen theih nan.
9612245884
———–
Congress hovin Tuich^ngah kan \ha intih hi chu in daw deuh a ni. Tuich^ng bialah hi chuan zu zuar party leh district puanga tihlawhtling thei lo party hi engah mah kan ti lo.
9612622856
————-
I CHIANG CHIAH EM?
Kan ram party liante pahnihin nationalise an tih ve chhen mai hi chu rit phurh nan bak a \ha lo. Mipa ho rit phurhna nghawngkawl hnam leh hmeichhe ho rit phurhna em leh hnam ang chauh a ni. ZPM-in HNAM an tih chu he rama cheng hnam hrang hrang leh chitin inpumkhatna hi a ni. Tin, mihring hi bungrua kan ni lova, bungrua ang leka kan ram party lian pahnihten sum hmanga min lei an tum fo mai hi chu NATIONALISE rilru a ni thlawt lo a ni. Keini ram neitute aiin Chakma leh Tuikuk an ngaina zawk.
KALVARI LUI
————-
Sorkarin mi rethei in tura a sak Folkland a mi hi hmun danga a sakte anga a thlawna an dawn ve theih loh, deposit Rs.5,000/- bakah thla tin luah man Rs.1,000/- te a la ngai a, mi retheite tan ti siin. Sawifiah chian a van \ha ve. A venga cheng mi rethei in luah tura an thlante pawn pawisa harsatna avangin an huphurh hle a ni. Veng danga an sak, a thlawna an dawn theih laiin mi rethei tana sak a ni lo zawk nge?
Hlutea pa
————
MLA inthlan thlirlawkna Live telecast-a Pu Lalduhoma interview kha a va pui ve. A technical lamah pawh a sang kher mai. Politics phawvuak leh thu sepsel te te a awm ve lo khawp mai.
LB-a Pa
————
