MNF kum sawm chhung kan lo sorkar tir tawh a, lungawina aiin fakselna kan hmu tam khawp mai. Congress phei chu kum sawm aia tam kan ram ro kan rel tir tawh. Fakna tur tam tak awm mah se he ti chenah hi chuan change ropui kan la hmu lo chu a ni. Corruption a zung nena phawia phoro phei chu an manifesto kan lo thlir langsar ber a ni awm e. Mahse, tun hun thleng hian corruption a zung nena phawi leh phoro chu ‘ka ha’ a ni ringawt. ZPM hi han fiah ve tum ta ila, kan tihfuh loh vek chuan kum nga dang kan tuar leh tlawk tlawk anga a ni mai. Ka unau lo inngaihtuah ve teh. BJP hi zawng sakhuana thleng nghawng a ni.
Jonathana pu, Maubuang
————-
Fakselnaa Khatlaa lei dawh chungchang kha ka’n sawi ve lawk. Kan sorkar hian mipuite him zawkna ngaihtuah vangin uluk zawkin hna an thawk a, Party insawiselna atana hman hi chu a \ha ber lo. A \ha leh tlo ngaihtuahna vang zawkin uluk zawkin an thawk a ni.
Moses Ralte
————–
Pathian leh kan ram tan tia Nationalism hmathehah hmang a, a lakluhna hriat si loh cheng vaibelchhe chuang nei thei Pu Zoramthanga hi CM-ah i siam leh a nih chuan eiruk hi i haw lova, eirukna hi i thlawp tihna a ni. Kristian ram nia inchhal Mizoram hian corruption case nei lai CM kan nei dawn tihna a ni a, a zahthlak hle bawk. Tin, thawhchhuah phulova hausa, vaibelchhe chuang man in ropui sa thei Pu Hawla hian khawi a\angin nge heti zat sum hi nei a i rin? Mi retheite kan VIP tichunga vawiina mi rethei leh hausa kar a hlatzia hi i haider lui ang maw? Heti chunga ila vote lui a nih chuan he Mizo hnam hi hmangaihna chhete mah i nei lova, ram leh hnam aiin i awmna party chu i hmangaih zawk tihna niin i ram aiin i pumpui i hmangaih zawk tihna a ni mai. Tute party emaw vote rawh ka ti lo che a, mahse i ram leh hnam hmakhua chu thui tak thlirin rilru fim takin vote thlak ang che. Nang chu kar lovah mual i liam maithei, mahse i tu leh faten he ram hi an la luah zel dawn a ni tih hria la, tun hun chauh hi thlir lovin thui tak thlir ang che.
Ram hmangaihtu
————-
Tun \um kan political party-te hian an campaign-naah an thil tum sawi lovin pawl dang an sawichhia a ni ringawt a, a ninawm. Mipuiin a chhia leh \ha kan hria. In sawisel tawh lovin in tlin huna intih turte sawi zawk teh u. Midang insawisel khan tu thinlung mah inhneh lovang.
Aizawl Nu
————-
BJP hi a hlauhawm loh tiin an sawi \hin. Ni e, tun maiah chuan hlauhawm loh e, mahse Hindutva chak taka kenkawh tumtute Shiv Sena, RSS etc. nena inbelhbawm tlat Party a ni a, zawi zawiin a hlauhawm dawn. Kristiante tan leh Hindu sakhaw be lo tan chuan Mizoram BJP MLA Candidate te hian thiam takin an sawi mai pawh a, sorkar se emaw, MLA ni ta sela an tan chuan chimral a hlauhawm ve dawn lova, a chhan chu an hausa dawn tlat. A thlangtlingtute erawh kan rethei zel dawn tho thova, retheih chuan chimral kalkawng a hnaikuarh tihna. Politician hausa tan Chimral (assimilation) a hlauhawm lem loh. Mi rethei tan chuan hlauhawm tak a ni e. He Zoram zimte leh mihring tlemte, Kristian ni bawkte hian ngun taka kan ngaihtuah a, khawhawi kan tihzauh a \ul takzet.
LB-a Pa
————-
Kan ram, kan hnam, kan sakhua a him ta lo. “Khawnge Mizo mipa, \hian chhan thih ngam, sem sem dam dam” ti \hin kha kan awm tak le? Kan ramchhung, kan inchhung khur ngeiah kan retheihna denchhenin pawisa leh therhlo hmangin kan duhthlanna min ruksak an rawn tum leh ta. Cheng nuai 1, cheng nuai 3, buhfai kg-ah cheng 1 tiin, CHINGHNE BERAMVUN SIN ten min rawn thlem leh ta a nih hi. Sum leh therhlo semin kan ram hi retheihna khurah min hnuklutin, kan Pathian duhdan pawh a ni lo tih hi kan la hmufiah thiam lo cheu dawn em ni? Nge nia, kan PUMPUI chauh thlir chungin kan ram, kan sakhua, kan zahawmna hi kan hralh leh dawn! Harh a va hun ta em.
Zo Nehemia
————-
Rev. Chanchinmawia chanchin rawn thar thawhtu leh Pu Rama puhtu ber Pu Zira tih hi Pu Rama pawh hian a la hrechiang khawp ang. Tun hnaiah Pu Rama thlavang a hauh \ha leh hi chu ama mawnghlim mai a ni. Congress ho puh anga lantir phet a han tum leh a, Pu Rama party a zawm tawh sia, tlak tlum loh a hlauh dan hi! Zu chungchang lah nise a changtu Minister berin tunhnaiah zu zawrh duh lo leh haw ber anga insawi leh hi Assembly House-a zu zawrh chungchanga Pathian a rawn dan a sawi thlengin kan la hria. Heti em ema dawt chiang lutuk a sawi ngam hi bial mipuite zah lohna leh hmuhsitna a ni. Chubakah a lehkha thiam lohna leh mawlna a tilang mai mai a ni. Thil awmdan chu mipuiten kan hria e. Nge Home Minister, Pu Zira kha a ni tawh lo zawk?
Da lndependent
—————-
In ngaihtuah ve ngai em aw, independence kha lo hmuh tak takin lo sualchhuak tak tak ta ila, an rorel tawh han thlira han enlet hian keini a retheite hi chu kan retheih viau ka ring. A hotu lawk hote chu foreign-ah nuamsa deuhin an khawsa daih ang a, keini mi retheite chu min hre phak tawh teuh lo mai, kan beh tlawk tlawk ka ring.
Si Di-a Pa
————-
Ka chhungte chunga thleng ni palh ta se, sakeiin a sa seh tur a pel a, midangin an sehsak a hlau ang chiahin ka hlawhtlin hma chu ka pel ang.
Black Panther
————–
Tuna ZPM hruaitute leh zui ngamtute hi eizawnnana politics hmang ve duh lo, mahni inhaivur vak aia dikna leh rinawmna ngai pawimawh mite an ni.
Kalphung tharin sorkar han kalpui se, Zoram chu dik leh rinawmin, zonunmawi nen inhmangaih tlang takin hma kan sawn tlang awk awk mai ang.
9862361451
————–
Doctor, mipa insiam sawi mawi em emtute hian nuih an tiza deuh. |ha tak tak nise, mi hriat hma khan an insiam daih tawh lo’ng maw?
Mahni tih duh loh, midang ti tura hrilh lai hian nuih a tiza.
8974808596
————-
Kan rama kum 30 lai rorelna chelha kan ram lo hnuk hnawka tihnufualtu party 2-te hi nge i duh, sorkar thar le?
8729802844
————-
Kumin 2018 inthlan chu rilru a kal thui duh hle mai. Mizoram politics chauh ni lovin National politics kan thlir tel a ngai a. Hindutva hmanga India ram control tumtu BJP lian zel tur hi Mizo Kristian te hian kan do a ngai bawk si.
BJP-ten Mizorama sorkarna an siam theihna tura an lei hual rauh rauh ZPM te hi insawi kohhranin insawi rinawm viau mahse rin ngam tak tak an ni si lo. MNF lah phatrual loha BJP nena thawkdun an ni bawk si.
Hei vang hian National politics thlirin Hinduism lian zel tur do nan Congress bawk ka vote a \ul leh dawn a nih hi.
The Thinker
—————
Kan ram politics hi chu kan Kristianna nen hi chuan a inkalh chiang hle a ni. Tunah pawh inchirhthehna a nasa hle mai. Mi chetchhiatna leh tih dik loh hailan tumin kan hmanhlel hlawm zawng a nih hi maw! Mihring hi dik famkim thlap hi chu kan vang viauin a rinawm. Tih dik loh palh leh sulhnu pawr deuh neite pawh kan awm ang. Insawichhiatna tur zawngin kan hmanhlel a ni deuh ber mai a, hman kuma thil thleng tawhte an rawn sawi thar leh a, \henkhatin ngaihtuah mang hlei lovin kan lo pawm duak zel bawk a, a buaithlak teh zawng a nih hi! Eng dang mah a ni lo ve, kan ram leh kan hnam dinchhuah nana ngaihtuahna leh tha leh zung seng peih ram hmangaihtu tur, mi dik, mi rinawm, Pathian hming sawi kur dup lova, a taka Pathian hlautu leh \ihtu thlang chhuak turin Mizo hnam zawngten Pathian rawn chungin vote thlak \heuh i tum ang u. Mi inchirthehna thu te hi a dik leh dik loh hriatchhuah hma chuan awih loh phawt mai hi a finthlak. Zoram Kristian te hi i harh chhuak mawlh teh ang u khai.
Rema pi, Ram hmangaih em emtu
————-
MNF lam unaute thiltih duhdan chu ringlo mite thil tih duhdan nen danglamna vak an nei lo.
9366007460
————–
Pu PL Liandinga hi ZPM-ah a tui leh tawh lo em ni? A va reh em em ve.
9615382345
————-
