Princess Diana fapa te zawk te nupa chuan an pianpui, an ram dana lal thlah ziding an nihna chu kalsan an inhuamin an kalsan mek chu a ni ta a. An dinhmun hi mi naran dinhmun aia a nawm hun a awm rualin a nawm loh zawk hun hi a tam fe-in ka ring \hin. An nu Diana chan han ngaihtuahin mi naran anga awm an duh zawk pawh hi awm ka tihpui khawp mai. Mahse, an duhthua an ram lal thlaha piang an ni lova, Pathianin British lal thlah ziding zel atan lal chhungkuaah a rawn piantir miau si a. An ramin lal neih loh an duh hma chuan loh theih loha lal \hutthleng an luah a \ul thut hun atan an inlakhran loh hi a \hain a pawimawh a ni. An inneih tirh a\angin a nupui Meghan hian lal chhungkaw inrelbawl dan a palzut fo thu Chanchinbuah te kan hmu \hin a, lal chhungkaw monu a nih ngam chuan an inawp dan khirh tak tak te pawh a zawm ve ngam tur zawk a ni. Tuna awm an tum dan hi chuan a pasal a chawimawi lovin, thaibawihah a chhuahzia hi khawvel hriatah a puang niin ka hria. Lal chhungkaw inrelbawl dan khirh tak tak te pawh an ram roreltute leh lal chhungkua pawhin her danglam ve te pawh a \ul tawh a ni mai thei a, kan sawi phak a awm loh hulhual laiin an tute awm dan a\angin her rem ve se tih ka’n sawi ve mai mai a nih hi. Mizo te hian British lal chhungkua kan ngaisang si a. Tichuan, nula pasal neih hmabak emaw, nei tawh te pawhin pasalte chhungkaw kalphung palzuta thlaksak tuma kawhmawh bawlte hi pasal thaibawiha siamna a ni tih hriat a \ha. Nuam ti viau mah se thaibawih nupui hi tuma’n an ngaisang ngai lovin an pasalte pawh an tizahawm lo a ni tih hriat tur a ni. Nupa chu thu inawih tawn tur kan ni a, hmeichhe thu a nih vanga hnawl vek te, pasal aia hlawh tam, pasal fanau chawmtu zawk nih vang leh pasalte chawmhlawm ni chunga pasal ngam em vanga an thu leh duhdan hnawl pawp pawp te hi tih loh tawp tur a ni. Nu leh pa leh unau la nei chhungkuaa lawi luh ngam chuan pasal nu leh pa thuhnuaiah a kun ngam tur a ni. Hlawh nei a nih pawhin pasal nu leh pa kutah a hlawh 2/3 tal a thehlut ngam tur a ni a, nu leh pa pawhin lawm taka pawm tur. An eizawnna ni lo, khawi lo an kal dawn emaw, an haw tlai deuh dawn a nih pawhin pasalte bulah chauh ni lo, nu leh pa bulah chanchin hrilh te hi inrem zelna a ni. Nu leh pa bula awm lo ang maia duhthala nun chuan chhungkua a kehchhe thuai mai.
Ramveitu
9089667399
MNF Party Member ka ni ve thova, kan rammute an lo chhuah a\angin \hangkhat lian a liam ta. Party lian tak kan ni chho ve zel ta bawk. Chutihrual chuan kan hnam sipaite pawhin inphak tawk leh phu tawk chu inhmu vek tawh; inthlahte kal zel thlenga ham\hatna hmuhin tum reng hi chu a fuh lem lo khawp mai. Nangmahniin eng Party mah hi in thlangtling zo lo, intu infate nen hian kan inang reng. Rambuai lai hre phak lo vek kan ni. Duhsak bik an nihna tur hi a awm tawh bik lo, inthlahrung ve deuh teh u. Ham\hatnate hi inrochun zel chi a ni lo a nia. Intlem lutuk sorkarna siam turin.
9862944502
Kum 2018 August thla khan kan TV a chhia a, kumin hian ka lei leh thei hram a, Dt. 21st Jan. Thawhlehni zan chanchin thar ka’n thlir a, PC Party an awm tawh lo emaw ka tih kha tlem a zawng chu an lo la awm tih a rawn lang a, mak ka ti hle mai. Kei, thingtlangpa mawl hian thil ka lo va hre lo em ka inti ta mai mai a. CAA an tih te pawh Tlabung uitangrual paw’n an lo hlauh tawp loh hi. Ui mai mai pawhin an hlauh loh te chu mihring chuan hlauh tawp loh tur a nih hi te ka ti ta mai mai a. Zana thlawhna thlawk hlauh tlat pawh kha a hmanlai em mai kan tih kha maw ka ti zui ta zel a.
Sipai Liana, TT
9862539105
Kan CM Pu Zoramthanga khan kan MP Pu Lalrosanga’n CAB a thlawpna chhan kha vawi engemawzat a sawi tawhin kan hria a, eng vanga MPC te hian MNF-in CAB an thlawpna chhan la zawt fo nge an nih aw? Heti hian i ti teh ang, nula leh tlangval inhmangaih tak te hi Lawngah an chuang a, Lawng chu a tuiah a pil dawn ta si a, a hmangaih ber chhanhim nan Lawng a\ang chuan a bialpa chu tuiah a zuang thla a, nula chu a hleuh pui ta ang hian Pu C. Lalrosanga hian Pathian leh kan ram tan tiin Mizo mipuite chhanhim turin loh theih lohin CAB hi a thlawp a lo ngai ta niin a lang. CHHAN DANG VAK A AWM LO.
Tlabung Uitangrual
9862014844
Zephyr ho fakna siam ‘FAIFUAK’ hi dar 6 leh dar 7 chanchin thar inkarah hian lo pe tawh lo hram teh u. Mi tam tak chaw ei lai hun a ni \hin sia. TV en pah hian chanchin thar ngahhthlak hian a hrehawm thei em mai.
9366439198
Fakna ring thut \hin hi in siam thiam thlawt lo em ni?
9862333129
Mizoramah hian eng pawl pawl emaw hi an lo ding thluah tawh a. Chung zingah chuan ‘Zoram thar’ ti ho leh ‘Kalphung thar’ ti ti ho kha chu an ral leh mai \hin.
7005811526
Tun thla ni 20, Hnam R<n chhung inkhawmnaa MNF Vice President, Pu Lalthlengliana’n ZPM hruaitute ZU zawrh chungchanga a bei vak mai kha chu a nuihzatthlak mai bakah anmahni mawng a hlim chiang hle mai.
Hmanni maiah zu an zawrh theihna tura an thiltih dan Zoram mipuite hriatah a rawn irhchhuak ta si a, chumi insawi fihlim tum nan chuan ZPM a bei ta vak mai a nih hmel a ni. ZPM hruaitute hi mithiam leh fing fel tak tak te an nih bakah khawtlang leh Kohhranah pawh hruaitu leh mi chhawr tlak tak tak te an ni a, hetianga zu chhiah it vanga zu zawrh tumtute ang chi hi ni lovin “kalphung thar” ngeia Zoram dinchhuah tira hruai tumtute an ni zawk e. Zoram mipuite hian hetiang dawt thu leng vel hi i thliar hrang thiam tawh zawk ang u.
Jonathana Pu
93666 30785
Mo, nupui, pasal la neih tumte tana thu rawn, hmanlai chuan eizawn nan lo neih a ni mai a, mamawh a tam lo, kutkem nei lo, mi taima leh kawchhung hrisel ektum \ha kha an tawk viau a ni. Tunah chuan kan changkang a, mamawh ni lo, duh kan ngah em mai a, mo, nupui, pasal thlan uluk a ngai lehzual ta hle mai. Kan fanu/fapate nupui tur hi a neitu tur a ni a, ama thu thu a ni tih miah loh tur. Kan monu tur leh an unau, nu leh pa leh an thlah ho mi zia, mi rilru tluang pangngai nge, mifing lutuk, a hrawn lotu tana fel tak, pasal chauh duh chhungte lak a\anga pasal lak hran tum rana pasal tlawn hiam, pasal nu leh pa leh unaute zahpah eih lo, pasal chauh tilungawi duh, a hrawntu tana mi hriatpui loh va sual thiam em em, mihrang chu sawi loh inhranga pasal nu leh pa chhungte ti lawm thiam em em leh lam\ang tana siam thiam lutuk, midangte buaina leh thil tih \hat hre duh si lo, mahni thiltih ve chhun tilangsar thiam tak, midangte hek, dawt ni si lova mei nei taka hek thiam lawi si, hlawh nei an nih pawha pasal fanaute ei ve khawp tur tling lo, sikul naupang hostel fee zat lek thehlut phal, thiam taka pasal leh nu leh pa leh unaute rapbet tlat thiamte hi an awm a nia. Chuvangin an \henawm khaw veng hnai leh hna nei an nih chuan an thawhpuite hnen a\angin amah leh an thlah ho mi zia a chiang thei ang bera hriat ngei a \ha. Chutianga kan hriat chiana kan pawm theihte chauh mo atan nei turin kan fapate hmin ngam tur, fapate pawh hmin theiha awm tur. Chuti lo chu dam chhunga mo/nupui vanga chhungkua rum tlawk tlawk a thleng palh thei. Bible chuan fapa fingin pa lawm a siam a, fapa a erawh chu nu rihna a ni a tih hi a dik a nia. Mi fel tak, a hrawn lotuten a ni hi chu a fel a nia, biak a nuam si, tupawh
a be \ha vek mai a tia, an fak \hinte hi mo atan chuan an \ha ber kher lovin, mi hlauhawm tak an ni thei tih hriat a \ha. Lam \ang siam thiam takte hi misual tak, lam \ang atan chauha \ha, kan lam \ang emaw tih laia a ruka mi elrel ran, misual tak an ni duh fo. Chutiang bawkin nula pasal neih hmabak leh fanu pasal neih hmabak neite chuan kan lawina tur chhungkua leh kan pasal tur mi zia, lawilut ila kan hlim tlang thei dawn em, hrawn nuam an ni dawn em? Ka chhungte hi an chhungteah an pawm tel ve thei dawn em tih te zir chian a \ha. Thiam lo mah ila kan la sawi belh leh dawn nia. Ramveitu
9089667399
Nikum December thla a\ang khan Ebenezer Hospital hi kan kal zing malh malh hle a, khu damdawi in lian, nuam tak mai khu ka fak duh tlat. Nurse leh doctor te an felin biak an nawm piah lamah an hnathawk nula hna tlin em em, damlo leh awmpuitute tana chhenfakawm tak khuan an hospital khu a ti nuam leh zual ka ti lo thei lo. Damlo te room-ah harsatna an neih leh neih loh thlengin a zawt a, Dec thlaa ka pu damlo ka awmpui phei kha chu thil te kha a ei \ha duh miah lo a, mahse an Relationship & Marketing Executive nula kan room-ah a rawn kal a, ka pu an be vel a, eitur ei \hat pawimawhna te a rawn hrilh a, ka pu damlo khan a thu kha a’n awih em em mài a, damdawi in a\angin dam takin kan chhuak a, incheckup leh hun a lo thleng rang leh hle. Dr. Robert-a hnena inentir tur an lo tam em em a, ‘ihiii nghahrei a va ngai dawn ve aw’ tihna rilru ka pu a, mahse clinic an \an a, in chung vela nula fel tak kan hmuh \hin bawk kha clinic bulah chuan lo awmin kum upa lam leh la naupang zawk te an thliar deuh a, a vai kaw zing zung mai a, damlo inentir tur tam tak kha hlim deuhin thil kalphungte a hrilhfiah zeuh zeuh a, doctor nghah kha a va ti nuam tak. Kha nula kha kan chhungkaw tan chuan ‘Angel’ a ni ringawt. Khatla nula a ni tih an sawi a, an veng ami kan \hiannu pakhat ka zawh chuan an in piah lawka vantlang zun in a tihfai \hin thu te a la sawi ta deuh deuh a, nula piangthar fel tak, mahni hna tlin tak a nih em avangin Fakselna kaltlang hian ka fak lo thei lo – Diana dam reng la, in hospital damlote tan i hlu ngawih ngawih a nia.
Fakmawia
6909355020
Kan police te silai chu a va \ha em. Assam police kan MZP te kaptu kah let nan ka it khawp mai. Mawza man to an pho chhuak lo erawh ka la hmu lova, hmuh ve ka chak asin le.
Sawmsawmi pu
