BJP President, Amit Shah chuan, “Tun Lok Sabha MP inthlanah hnehna kan chan chuan Citizenship Amendment Bill hi pass ngei turin hma kan la leh ang” tiin a sawi a. He Bill hi keini Zoramah pawh kan sakhua, ram leh hnam nghawng chhe vek thei thil a nih vang hian NGO, political party leh Kohhran ten nasa takin kan dodal a nih kha. Hei tun hnaia BJP President \awngkam chhuak hi ‘RALKHEL DAR’ a rawn vua angah i ngai ang u.
BJP leh a thawhpuite hi an tlak ngei ngeina turin kan chet chhuah a ngai ta. Sudden Muanga hunlai ang khan, huaisen takin ‘Holy War’ puang ila, mi chak lo ber pawn kan vote hmangin kan ram tan India ram rorelna thlakthleng turin hma i la ang u hmiang.
Mizo Tlangval
98623 57839
HOUSING FOR ALL hi kan sorkar chak tak hian ngun takin ngaihtuah chiang se la, tuna district tina chenna in leh lo neih lo tana in leh lo an lo neih ve theina tura an thlan tak te hi Rs. 1,50,000/- chuan tunlai thilman nen khaikhin chuan a in tulo lutuka, in leh lo dinna tur chuan a theih loh tluk a ni. Chuvangin Rs, 5,00,000/- tal hian han tih sak thei se la, han belh deuh se chenna in leh lo nei lo tan duhthusam a ni. Kan sorkar hian han ngaihtuah \ha se a lawm awm ngawt ang. A sum pawh hi MP election hma ngei hian release ngei thei se. Tin, official lam pawh hna hi an thawh chak tur ang hian an thawk chak \hin lo va. Hetiang kawngah pawh hian a nihna tur anga a nih theih nan thupek hi khauh deuh hlekin department tinah hian chhuah thei se kan ram leh hnam tan a lawmawm ngawt ang.
96122 45884
CM thusawi awih har tak ni a ka hriat chu, Jet Airways lo kal loh chhanah runway \hat loh vang ni a a sawi kha. North East-ah chuan Guwahati-ah chauh an service tawh a, a dang an withdraw vek tawh. State dang runway a chhe ve em ni? Sum ngai zat tam hle si zana thawh tur a la ni zui bawk! Pawisa siamna tur a ni ang tih a hlauhawm hle mai. Ram hmangaih aia sum hmangaih politician ho kan la ringzel dawn a nih hmel si a.
Mission Veng Putar
9436152799
Kolosib DC chu a va \ha dawn ve. DC dang pawhin tih ve chi a ni. A biktakin sorkar hnathawkah pawh zirtirtu te hi an thawhna thingtlang nuam tilo tak tak ho hi an ngeiawm tlat. Mani thawhna khuaa awm duh lo. Kar khata vawihnih vawithum kal a haw leh ta daih chi te hian chin tawh loh a \ha khawp mai. An chhungte lah an damlo fo te pawh hi doctor entir atan a \ha ka ti.
Dampa Uitang
8974244232
Gas tihchingpen leh petrol pawlh dal hi Mizoramah chiah a awm tih \hin a ni. Congress sorkar khan a vei map lova, hma lah a la hek lo. MNF sorkar hi kan lo thlir che u. Congress sorkar ang lek in nih chuan in lal rei lovang tih a hlauhawm e, \ang teh u.
RK Sanga
9862366590
Sorkar a inthlak tawh bawka thlak ngai chu thlak sela, thlak ngai lo chu thlak lo ngam sorkar ni rawhse. Ram leh nam dinchhuah nan chuan kal ngam zel rawh, i ram leh hnam chhan rawh. Khawvelin a dem lovang che.
9485405236
Pu Zorama sorkar hi eng teh ruai a ni dawn lo nge? Current a chhe tawlh tawlh a, kan thim zing tawlh tawlh mai. Beisei san tur a awm vak dawn bik lo tihna a ni mai em?
8837489511
Khawlaia tlan bengchheng an hluar leh ta. Traffic SP inthlak vang em ni?
Hruaia Pa
9436141804
Mizoram mipui leh NGO te chuan CAB nasa taka an duh loh zia an lantirin an entir tawh a, party dang zawng zawng te pawn an duh lo. He tilai hian kan rulling MNF party te hian CAB an duh loh zia lantir nan BJP nena NDA a an in zawmna hi an sut leh thei ang em? An sut thei lo a nih chuan kan sorkar chu a demawmin mipui nawlpuiin an dem viauin a rinawm. Kan state, Mizoram zim-te atan hian a hlauhawmzia kan hre vek tawh awm e. Mahse mi \henkhat chuan heti hian an la titho mai ka ti, “NDA-a an inzawmna an inhnuhdawh chuan, Mizoram budget baka project dang hmuh theih loh an hlau a ni. Mizoram mipui hmaah an in tiam nasa em a lawm” an la tizui bawk. Chuvangin thildang zawng zawng te hi \ha takin ti \hin mahse, NDA a an inzawmna an inhnukdawk ngam lo a nih chhung chu an hming a \ha ngai chuang lo mai ni lovin, an mualpho hlein a rinawm e.
Tlangvalte-a Aizawl
9862384183
Ramngaw hausakna a kan neih tam ber mau hi \angkai zawka kan hman theih hun tur hi ka lo suangtuah ve \hin a, tunah zawng a hun a thleng dawn ta a nih hmel a, ka lawm hle.
Lalrinfela
8014168221
MNF sorkar thar chu a thlamuan thlak dawn hle mai. Party dang mite thliar hran a ni lovang tia an hotuten an han sawi a\ang hian mi tin huapzo sorkar an din ngei dawn niin a lang e.
VL Ruata
