Kan ram tana a \hat zawk rin avanga tlak pawh huama zu zuar ngam Congress hi thlantlin leh ngei chi a ni. A \ha zawk lo a nih chuan zu zawrh pawh kan titawp leh mai ang an ti tho si a.
KL CHT
————-
Chhungte campaign pui avanga sorkar hnathawk chawlh la hote chungah hian sorkar hian action a la dawn em le?
9862859675
————–
MNF Party hi a din tirh a\anga inbumnaa din a ni. Lammuala darkar sawm pahnih flag tara indepenent tih te, independent theih dan kawng sawm pahnih hria tih vel kha \hangtharte hian an hre pha si lo. Inbumna dang a tam lutuk. An thusawi hi mipui tan rin a harsa, SEDP an sawi dan pawh a inang lo, ZPM an han sawiselnate lah hi mimawl ber pawn kan fiah thei zel si. RRR-a ang mi hausa an la lut duh pawh hi mi rethei tan chuan chhut tham a ni.
Zomuanpuia
————
Zu vangin hmeithai an tam phah kan ti. Kawngchhiat thu kan sawi bawk. Heti chunga Congress a sorkar leh a nih chuan i sawisel tawh lovang u, a zahthlak. Mahni intimualpho mai kan ni.
Chhimpa
————–
Pu Duhoma ngei mai hi kum 1984 inthlana Pu Denga cassette hmanga PC titlatu kha a ni a, tuna taka six basic need an ti leh vel hi chu ka pawm lo. Tin, Congress hi PC bul lo \an tawh chhunzawm duh lotu an nia ka vote lovang. Lo chhunzawm duh nise Power-ah tun ang mai mai hi kan ni lovang. Mite u ngaihtuah chiang rawh u.
9436958149
————–
TV-a chanchinthar ngaihthlak ninawm ber chu Congress leh MNF te inbei \hin hi a ni. Anmahni hian an sorkar laia an thil \ha lo tih tam takte kha inbihlet ngam ve ve sela, midang sawisel lovin, anmahni aia \ha tur party te kian ngamin, sorkarna hi chuh lo tawh zawk law law se, mipui tam ber chu kan thawveng huai mai tur. Zah nachang lah an hre chai si lo.
Zualbawihi pu, Vaphai Neutralpa
————-
Tun MLA inthlannaah Chakma-te candidate-ah dah ni lo se tih chu ZPM chiah a zawmtu a ni ta. Heng thu lo ruahmantute hian engtin tak bawhzui zel ang maw? An Chawngthu lungchawi mai ang em? Mipuite rilru hian AR bo a zawng ta e. ALL NGO te ngaihdan eng tak ni maw?
ZNT Khiangte
————-
Politics hi miten kum rei takte leh thapui thawh meuhin an bei \hin a. ZPM hote hi han bih chiang ila Kohhran leh sorkar lamah duh tawkin anmahni tan an lo inla muk tawh a, tunah sum hmuhna atan \ha dawn riauva an hriat leh avangin thil \ha zawng zawng rawn inhmeh belin an rawn inzuar ve leh chawt mai a. Kan ram tan hian ni khat pawh hrehawm tuar lovin mi thianghlim bera inngaiin an pawr ve thut mai hi. Mak leh zahtheih loh thlak tak a ni. Mipuite bum theih an inring em ni aw? Hmana ram hmangaih duh lo kha tunah a ‘BER’ angin lem changin an insawi hi chu a huaisen thlak khawp mai.
Chawngbawla
————-
Kan naupan lai chuan kan ngamloh deuhten min hauh chuan kan u-te kan pun \hin a. Chutiang deuh chu a ni thei mai lo’ng maw BJP leh Congress Party ten an pute an chah chhoh nachhan hi? Pu te nei ve lo Pu Rama leh Pu Duha te chu ngawi vang vang mai teh u’n. An thusawi a ring deuh ang an tih vang pawh a ni mai thei e.
Peka pu
————
MNF party hian Mizo mipui an bum hnu te hi an lo va hmusit awm em ve aw? Bum nawn leh theih in ringin ₹3,00,000/- lai maiin kan retheih chak lohna laiah tak min han sik leh ta vit vit mai a nia. Aizawl khawpui Traffic jam awm lohna City-ah kan siam ang thangvanah.
Tlangvala
————–
Congress sorkar kum 10 chhungin NLUP ₹1,00,000/-, MNF kum 10 sorkar chhungin MIP ₹5,000/- tling lo an sem a. He kum 20 chhung hian serthlum huan, kuhva huan leh a dangte lo siam ta la, engzat nge pawisa i tel tawh ang? Mahni chhia leh \ha hriatna pawh hmang thei lo khawpa sem policy-a kan innghah lutuk avangin kan rilru puthmang a piangsual a, hei hi tibova, rim taka thawka, thawhrah ngei tel thei turin i vote thlak la, i ngaihtuahna hmang ang che. Mahni bial MLA atan mi \ha tak pawh thlangtling ila, Congress/MNF MLA an nih si chuan Lal Thanhawla leh Zoramthanga tho kha a tawpa thuneitu an nih leh dawn avangin i fimkhur tlang tawh teh ang u.
9383077876
————–
Lalrinmawia Ralte chuan lirnghing bak zoram tan sawi tur a va hre lo ve. CONGRESS hian Zoram tan thawh tur an hre tawh lo tih a chiang hle lo maw?
9612691391
————–
Police \ang laite mimal in hmun laiin an thawk nasa a, mimal hnathawk turin Police-ah lak an ni em ni le?
9862385339
—————
Aizawl Biak In pakhata mi pakhat chuan a thusawinaah BJP leh MNF inzawm mai thei niawma a sawi chu ZPM pa pawh a inkhawm ve a ni awm a, ZPM pa hian a hresuala, ZPM leh BJP inkawp tur thu a sawi niin a sawi ve leh thung a, ZPM pa chuan a va hrechiang awm lo em! Ngaihtuah chian a tan a \ha khawp mai.
LLB-A AIZAWL
————–
Congress party Block leh Unit ten an mi \ha VC-a an thehchhuahte engah mah ngai lova anmahni chauh an invulh avangin mipuiten duh taka an thlan Congress VC tam takin Congress an chhuah san hi Congress tan chhiatna ropui tak a ni.
Duata pu
————
Pu Rama leh MNF hi an tling dawn em tih ka chiang lo. Ka hriatchian erawh chu an tlin chuan corruption case nei mek CM kan nei dawn. Chu chu Lalpa zawn chhuah ram nia inchhal tan chuan thil zahthlak tak a ni bawk. Mahse party ruihchilh tawh lak lawh chuan an la \an fo vang. Laloo-a pawh bawngchaw chungchanga lung ina a tan hmasak bera bail-a a chhuah khan a party ten a hma aiin an \anzual sauh. A eiruk thubuai kha dawta an hekna mai mai a lawm zuk ti tlat a!
Tlumtea
————-
