Mizoram sorkar, PWD hnuaia SA post 10 leh Electrician post 2 lakna tura advertisement chhuak ta mai hi enge a awmzia? PWD-ah hian Muster Roll senior tak tak, experience nei \ha leh qualified an tam hle si a, duhsak zawng inthun luh tumna politics boruak a ni thei mai em?
8575182350
—————–
Thisen pe tura advertisement hi uangthuang deuha tihlar tum chi a ni em aw?
8974341285
—————–
Kan ram chhung kawng \ha nei tur chuan PWD hnathawh dan leh sum hman dan hi thlak danglam fe a ngai. Tih dan \ha pakhat chu foreign consultant, rintlak tak kutah dah ila, anni hian contractor direct-in ruat sela, tender hawn pawh lang tlang takin, theih phei se live telecast ngatin. Project site bulah contractor hming, projects man leh \ul dang tar kulh mai sela, Politician tan hlep ruk theih map loh turin. Tun ang dan hman chhung chuan engtikah mah PWD hian Chaltlang a\anga Kulikawn ang hlira kawng \ha leh mam an siam lovang. Zoram People’s Movement pawhin rorel mah se PWD Engineer-te an hausa thur thur tho vang.
9612126503
—————
Heng party Congress, MNU, MNF, MDF, MNF (N), ZNP-ah te hian tunge awm kim vek tawh? Ele Pu Lalduhoma ngei hi. Lal chu tum ve tak a ni.
9615409560
—————
Tun hnai chho hian Mizoram sorkar chuan hna ruak chi hrang hrang a zuar nasa hle a, thianghlim taka lak ni ngei sela a duhawm hle mai. Hman ni lawka SAD IV Grade hna interview mai tawh tur cancel leh thut mai te khan ngaih a ti\ha lo leh hle tawh a ni. Inzep a awm leh ta em ni ang?
Thlirtu
————–
Cancer Hospital Zemabawkah hian Doctor-te hian kal hunbi an nei lo em ni? Hei vawiin pawh hian dar 11 a ri tawh a, Doctor hmel kan la hmu lo.
Ruthii Pu
—————
Tukin Chanchin tharah khan October thlaah Champhaiah YMA khawmpui a awm dawn tih te, kawng chhiat avangin motor accident a awm, kawng chhiat avangin motor lian tlan phal a ni lo, Gas phur an tlan duh lo, Motor kal theih loh avangin Selam khua phei chuan thla hnih lai ration buhfai an dawng tawh lo tih leh nimin khan Home Minister hovin a siam \hat dan tur an sawi ho tih a rawn puang duah mai a. Kan ram lalber PWD changtu hova sawi awm tak, HM hova sawi hi a mak ka ti a. Kum 9 chhunga an siam theih loh/duh loh kha thla khat chhungin siam \ha hman tak maw? YMA khawmpui hi hmang thei pawh ni ta se, an lo hawn kawngah chuan nakkum inthlan huna an VOTE thlakna tur an rawn thlan fel theih vek a rinawm mang e a!
CHUAUA, Kolasib
—————–
Kan ram kawng dika hruai kir leh tur ngaia ka van ruai ruai laiin mi hming \ha ho an lo lang hlawl mai chu ka va han lawm em. Mipui an nei lo tihte chu e mahni pumpui aia Mizoram hmangaihtu kan tam ang ka ring. Politics hi inhaivurna ni lovin ram hmasawnna tur hmanrua a ni ngai e. Mi taima, mahni hnaa rinawm leh dik duh, vote tur hre tawh lo khawpa beidawngte in hnungah nghakhlel takin kan ding e. Hmahruai ula, kan zui nghal a che u.
Zoram Lover
————–
MNF party leh Pu Zoramthanga te hian NDA an zawm chungchang leh Bawngkawn kawng peng\huam zauhna tura mimalin sorkar kuta ram a pek, MNF General Headquarters President hminga Land lease siam a ni ta daih mai leh MNF Vice President, Pu R. Tlanghmingthanga makpa nia hriat, Dr. Don Sapremsanga Halliday kuta a lo awm daih dan leh midang kuta a lo hralh daih dan hi Mizoram mipui hmaah hian han sawifiah teh u. Pu Zoramthanga’n MPC leh ZNP te pawh NDA-ah hian tel vein a sawi lah chu MPC te chuan an tel loh thu an sawi bawk si a. Mipuiten thudik kan hre duh e.
Sanga, Thenzawl
————–
Ni za inhlawhna pawisa hi kan sawrkar hian a ei ru zo tawh em ni? Min va pe har tawh em em ve a. Mi rethei inhlawhna ni si, hlawh min batsak reng ringawt mai. Mipui hi min namnul lutuk, fel hmel deuh hian thu a sawi chuar chuar a, mi rethei hi min hmusit hle mai. Ni za inhlawhna hnuhnung ber kha sem vat rawh se. An ba rei tawh lutuk, thla thum an ba tawh.
No. thup
—————
Faina leh thianghlimna kan inzirtir a, \an kan lak kawngah mihring ek tluka tenawm leh bawlhhlawh ui ek tam em em mai hi hnawk ti zawnga au chhuahpui kan awm lo hi a pawi hle. Fai thianghlim kan tum a nih chuan ui khuahkhirhna na tawk tak kan neih a ngai. Mi lian hovin an vulh nasat vangte a lo ni mai mai ang e. Kan ramin kan tihsual nia ka hriat chu drugs hmang sual hmasate kha milian fa an ni tlangpui a, chuvang chu ni maw duat tur ti zawng khan kan inzirtir chiam a, a hluar chho ta hluai niin ka hria. Hma lalna kawngah mi lian te hel zawnga kal hi i duh lo ang u.
RK Sanga
—————-
“Korapson pho ro” tih leh “Pathian leh kan ram tan” tih thupuia neitute chet dan leh an thupui hi chu a inpersan nasa thei mang e! Mizote hian innghahna tlak hruaitu kan nei lo a ni e, a va beidawnthlak em!
Zopa
—————
Martar-te Ni hi eng vanga hmang nge kan nih a, tute vangin nge an Martar tih hi i ngaihtuah ve ngai em le? |hang lo thar zel tur Zofate tan chona hmachhawn ngam ve tura ram leh hnam tana nunna hlantute hi an hluin an va ropui tak em! Tuten emaw an nawm, an makah min sel \hin mah se, zam ngai lo Zofate kan nihzia lantirtu Martar-te Ni hi Pathian leh kan ram tan tun a\anga Chatuanin Zofate thinlungah lo vul zel rawh se. Zoram hi kan ram a ni si a.
Tlabung Uitangrual
—————
Dt. 20.9.2017 zan Fakselna-a ZNP Party President rawn seltu khan thil i hriat thiam loh vang a nih ka ring. Pu Duha hi a thlahtute a\anga belhchian dawl tak an ni asin. A pa pawh hi khaw khat pa rawn lal leh upate pawhin thurawn lakna bera an hman a ni nghe nghe asin. |henawm khawveng ril\am an ina zuang lut tawh reng reng kut ruakin an hawntir leh ngai lo. Hetia ka tih avang hian ZNP-ah ka inpe dawn tihna a ni chuang lo. Tin, ka inpe bawk hek lo vang. Thudik ka rawn tarlang ve mai a ni e.
TB-i pa
—————
Kan khaw pa, Lalhmangaihsanga hi tunah Spain ramah training neiin hun a hmang mek a. September ni 7-ah lo zawh kan nei dawn hnai khan a lo haw a. Min hmanpui thei bawk si lo, mahse hetiang footballer \ha kan nei hi kan chhuang takzet zet a ni. Footballer ngaisangtu, Mavana K
8974220084
—————
Dt. 20 Sept 2017 ni hian Kolasib-ah ka kal a, MNF Party-in thu an lo sawi a, Congress party hian mipuite hi min bawl a ni a ti a. Ka bula ding mi pahnih chuan anni pawh kum 10 chhung min bawltu tho an ni, kal ang thu \ha teh vak sawi tur an neih hmel loh em mai a ti a, an kal sawn ta a.
8257065411
—————
MNF party hian Martar-te Ni urhsun takin an hmang a, a \ha e. Martar-te chhungte kum 10 an sorkar chhung khan an ngaihsak tawk lo erawh chu Martar-te hi an ngaisang tak tak lovah a ngaih theih lo maw?
8837099260
—————
Pu Hawla’n Pu KS Thanga Minister of State atana a hlang kai hi a tifuh ngei ang. Ani ang mi chak leh \halai, kum lama naupang a dah hi \halaite tan pawh chona a ni. Pu KS Thanga ka lawmpui e.
Lalnuni, Kawnpui
—————-
Khawlaia ri bengchheng tak taka tlante hi an va zalen ve! Tute nge mawhphur le?
LKa
—————
Chanchinbua Horticulture chungchang lo lang nasa leh sawi hlawh tak hi FIR te thehluh a ni em? Mimal hming meuh a lan tawh chuan engemaw tia hma lak awm tak a ni lo maw? A zung chawpin phawi a hun lo maw Pu Zonet?
7085845905
—————
Hetianga ruah a sur reng chuan buh chingtute tan harsatna namen lo a thlen a, buh seng tur kan nei thei dawn lova, kum thar hi MIZORAM |AM KUM-a puan a ngaih hmel hle mai a. Kan roreltute’n ngaihsak zui tak ang maw?
9436159533
—————–
NEIGRIHMS chu Air Ambulance Service ti turin a inpuahchah ta rup mai maw. Sorkar laipuiin proposal thehlut turin a la ngen hial zawk zui! An lawmpuiawm a, an awhawm rualin thin a va na duh kaih kaih ve le. Falkawn Hospital pui ve tak tur ti chingpena hlamzuih tituai tirtute kha zak ngawih ngawih teh u. Kan sawi fo tawh \hin, Falkawn leh NEIGRIHMS Hospital te intluk leh intia renga pek kan nih kha kan la theihnghilh mawlh si lo. Kan sorkar hrawn meka a khaipa tam ber te angin hram tla hawlh teh vak lo pawh ni se, rin leh chu an har ngawt ang le.
8414883986
————–
