MNF sorkarah hian job card lak pawh a har tawh khawp mai. Pu Zoram tun aiin \an ila thei lo maw? Plan siam \euha, mahse tih tak tak theih si lo hi a buaithlak deuh lo maw te ka ti.
Hringnun thawnthu
6909490803
Kan ram chhunga Mosolman Biak In sak hi kan ngaimawh tlanga, a \ha. Chutihrualin sorkar tirh an ni em? Tin, sorkar emaw, NGO angte hian lungawi lohna neiin buainate awm ta sela, kan Mizopui vairama awmte hian harsatna an tawk thei mai ang em tihte hi kan ngaihtuah a \ha lo maw? NGO ni lo, Mizo an nih leh nih loh hriat loh, tute tih chiah nge a nih pawh hriat si loh hian chet vat a hun ta. |huthmun a\anga mi tih atana iak iak ringawt hi kan dawihzep zia lantirna mai a ni. Hmuia chinfel chi a ni lova, Bairabi Zophai hmun ngeiah pen ni lo, a thaia thai fel mai chi a ni e. I RAM, I HNAM HUMHIM RAWH.
Tlabung Uitangrual
9862014844
Mizo culture vawn nun, humhalh, chawisan kan tum laiin Khuallam kha Mizo lam, pipute lam chi khatah a tel lo nge? Tun hma kha chuan Khuallam an ti a, puan batin TUM BOH BOH tiin dar a han tum a, an han thle rual dual dual mai a; tunah zawng Khuallam hmuh tur pawh a awm ta lo. Chakma ho lam dan a lo ni ta zawk nge? Pi leh pute lam dan a lo nih hlauh chuan tuai thar leh atan a itawm khawp mai. Zonet Fakselna hmang hian min hrilh thei in awm em? Mizo culture a \hen kan hnawl a, a \hen lak vung vak mai chu thil mak lawrkhawmah telh ve chi a ni hial ang a!
RSI, THINGDAWL THLANMUAL VENG
8730841016
Excise & Narcotic Dept. thawktute an hahin a fakawm takzet. Kan theihna kawng kawngah mipui ten i \awiawm tlat ang u.
8729984567
Mizoram Kristian hlang deuh awmnaa sorkar \ha tak mai piang thei lo hi a mak hle. Tun hma a\anga vawiin thlenga sorkarna chelhtute hi Kohhran mi naupang sunde sikul kal, kristian chhungkuaa seilian vek deuh thaw an ni. Chuvangin, sorkarte tualzal nun zawng zawngte hi kohhran hrin vek a ni. Heng nun hi a fuh loh chuan kohhran a\anga kan inzirtirna hian nun \hatna khawp a tling lo emaw kan ti tak tak pha lo emaw a ni ang. Kohhran tin hian mihringte nun siam \ha khawpa \an lak a ngai. Chumi kohhran mi te chuan ruk an ru ngai lo, an rinawm, an taima tlat tih tur kan awm lo lutuk te hi a tlawm thlak a ni. |an lak takzet a \ul.
RK Sanga
9862366590
VC term hi kum 5 ni tawh lo sela a duhawm ngawt mai. Hmeichhia thlantlin ngei ngei tur ang zawngin ti tawh lo bawk se. A fuh loh leh chak lo deuh neih hian an ninawmin a inhne theih tlat. Kum 3 hi a tawk. MLA ho hi chu kan hmu khat a, an ziaa, ni tin mai VC chak lo leh intithu hmuh chu hneawm tak a ni.
Ramveitu
97747 54394
Serchhip-in K|P inkhawmpui an thlen turah sorkar sum tel lo, sorkar a\anga \anpuina la miah lovin inkhawmpui thlen an tum hi an ti \ha-in an fakawm hle mai. Eng pawl kohhran tan mah hian sorkar hian pawisa a dah ngai lova, Central a\ang pawhin a lo kal ngai bawk lo a ni. Chuti chung chuan sorkar hian kohhran pawl \henkhat inkhawmpui nan hian a rukin sum tam tak a pe \hin tih hi kohhran te zawk hian an hre ve leh zel a, kohhran pawl hrang hrang thawhhona pawh an tichhe tel \hin a ni. Serchhip hmalakna hi inkhawmpui nei tur apiangin entawn se, sorkar pawh hian sum tam tak ba nei chungin kohhran tih lawmna tur atan ringawt alo thlawnin sum thehchhuak tawh lo bawk se a va \ha dawn em.
LT Ralte
98620 07651
Party-ah nihna ka nei lo bawk a, sawi vak ang. Tun \um session chu uluk taka en chuan a ho riau. Ramri chungchang phei chu ho tak a ni. MNF te hian ramri chungchangah sorkar hmasa han dem dawn se, sorkar hmasaa Home changtu kha anmahni lamah a \hu leh tawh bawk si a, ramriah hian an hma a mite dem ngam an ni lo. Tin, ramri chungchangah kher chuan opposition an nih laia ramri vei tak, sawi nasa ve \hin, tun sorkara Minister ni ta, Aizawl West lam a\anga thlantlin tak pawh hi a ngawi hmak mai. Ramri hi eptu lam a\anga hmangaih tur niin a lang. Tuna sorkar lai mek pawh hian ramri zirchiang tur an din ve leh ang a, an MLA hun hi an hmang zo ve mai ang. MNF te an lo chhuah hmaa tih fel kha ni se a \ha tur.
