Mizoram kristian ramah ngei hripui hlauh vangin Biak In te hial khar a ngai ta mai hian ngaihtuah chu a ti thui deuh a ni. Kristian zia hi kan paih ta a ni lo maw? Pathianin ami thianghlimte a thlakhlelh em em laia hripui hlauh vanga Biak In kan han khar mai hi chu thinlung taka thlamuanna nei hi kan awm tawh lo a ni thei mai ang em? Nge ni kan khawvel thil rosum leh paite kan en hian thih san mai tur chuan kan la phal lo zawk? Nikin ni tak tak pawh rawn thleng se kristian ka ni intite zingah pawh hun dil belh duh kan tam ngawt ang.
Chhaktiang Keite
76279 14601
ZONET \ang fan fan teh u. Inzârah beng, mit a tlaiin thinlung a thawveng \hin e.
96125 88556
Coronavirus buaipui a talangin zu khap hna an thlahdah emaw ni chu aw? Nimin Sairang bula tlan lai truck khuhna thli a thawt deuh vangin a inhawng huai a, Sap zu box tam tawk ni awma lang a inhlim duai mai. Hmu kan awm nual. A reng thu-in mithiamten alcohol (zu) in kut sil a \ha an ti a, kut sil nan zu zawrh phal mai se. Kut sil nan chauh kan hmang ang. Kan in miah lovang tiin kan lo intiam ang chu.
Zawlkhawpui tlangval
94361 97357
Chanchin\ha Matthaia bung 24:7-ah khan hrite a leng ang tih a chuang a, tuna Covid-19 pawh hi hri leng chi khat a ni a, hri leng laka min chhanhim theitu kan Pathian biakna in te kan khar ta hial mai maw? Pathian zarah kan ram kan la him lai pawha kan tlanchhe ta duai duai mai hi chu kan Pathian hian engtin tak min ngai ang maw le!
Laltuaia
9612691391
India rama Covid-19 hri leng a pun vanglai hi chuan vai ram lama mihring phur chi hi chu tihtawp a \ha tawh lo maw? Kan mi tangkhang an awm chuan sorkarin a phurh haw dan ngaihtuah mai se, fimkhur tluk a awm lo a nia. Duh aiin kan la zalen rei mah mah in ti ve lo maw? Tlai luat te hian pawina a nei tih hla te pawh a awm kha mawle?
8837489511
Bible-in hrite a leng ang a ti a, Pathian thutiam a dik zia hi. Kelkanga harhna lo thleng ang khan a thutiam a thlen dik zia khawvel hriatah, keini ringtute hian Tuipuisen chunga thuneitu, Pathian thiltihtheih zia lantir nan kan hmang dawn emaw tih laiin, Pathian aiin Covid-19 kan hlau ta zawk em ni? He hripui laka min chhanhim tur hian ENGKIMTITHEI PATHIAN aiin khawvel thiamna leh finna kan ring zawk a, PATHIAN BIAK IN pawh kan thlen ngam tak si lohah chuan HRIPUI laka min chhanhim tur pawh hian kan ring ngam chiah ta lo tihna em ni ang? Tun hi LALPA ropuina puanchhuahna remchang a ni zawk lo em ni?
9862014844
Hnam dang thlawhnaa lo zin, sumo-a lo zin, bus-a lo zin, anmahni motor kenga lo zin te an la awm chuan an khung hrang ve em? Kan Mizo zin haw te chauh em ni kan khung hran? Hei hi a \ha lovanga, kan hruaitute hian hnam dang lo lut an awm chuan khung hrang ngei ngei turin hmalak ni se a va \ha dawn em. Hnam dang lo zin free taka an len huai huai mai chuan a fuh vak lo thei tlat mai.
ZRTA ZK
96154 45637
IOC-in Mizorama black-a petrol an zuar \hin hi mak an ti viaua, kan ram hruaitute hi chuan mak an ti ve vak lo a ni ang, an tihna a rei tawh lutuk. Black market-a petrol pump bul maia petrol an zuar \hin hi kum naupangte ka nih lai a\ang khan mak ka ti daih tawh. |hing hi ka ti ngawih ngawih zel. Kan rama dan khauh loh zia tilang chiangtu a ni bawk.
RAM HMANGAIHTU
Covid-19 chungchanga social media-a thu thehdarhte hi a pawng a pui hian i awih dual dual lo teh ang u. Chanchin tharah an puang em tih ngaihven hmasa ila, chanchin thara an puan loh chuan kha thil darh chiam kha a tak a ni lo tihna a ni mai. Thil hre chiang fumfe tak tak si lo hian hre hmasa nih chak hian kan phu suau suau a, nizanah pawh tu emaw intihre deuhin a link nen dahin Covid-19 hi airborne a ni tiin a sawi a, an inthawn kual luai luai a, an intichiai chawp a. Ngawi teh he thil hi chanchin thar a\anga ka chian hma loh chuan ka thawn darh ve dawn lo tih rilru i pu \heuh tawh teh ang u. A hahthlak em mai.
