Veng tin, khaw tin YMA, MUP, MHIP, MZP, MSU leh pawl dang awm zawng zawngte hian mahni khua-in a huam chin RAMNGAW THING LEH MAU etc. sorkar leh midang kutah dah lo ang u. Kan ram a chereu zo dawn. Thlaler ram ro-ah a chang ange? A nuam dawn lo em mai.
9862153088
————–
Naupang Aadhaar Card te a ngai ta hial hi eng vang nge ni ang? A va buaithlak tak em.
9774768974
————–
Air pollution-in mihring hriselna a nghawng theih dan emaw ni, Mizoram hmun hrang hranga a thlen dan chin ni awm tak number pe diat diata Zing Daifima inrawn puang tel ve leh zauh thin hi a pawimawh hle a ni phawt anga, mahse a tir atanga inpuan dan hian a number san chhoh dan ang zel khan a hlauhawm tawlh tawlh emaw tih laiin a tawp ber number 401 chin phei kha chu mihring chu sawi loh, eng nungcha tan maha tawrh rual loh a ni tawh inti hial dawn emaw ka lo ti pek a, chuti ta lo chuan mi hrisel tha pangngai tak tan pawh TAWRH ZAWHPUI THEIH TAK A NI TAWH kha inrawn tiheu lawi a. A number sang ber hi a number tlem ho ai hian a hlauhawm lo ta daih zawk em ni ta le? Keizawng in thil puan hi SIPAI BO KA BANG nalh mai ka ti.
Bawiha pu
————–
Congress that lohna tak pakhat chu hmun laili laia inbeng chiam an pawisa lo hi a ni. Assembly House te, Aizawl College te, Hrangbana College te leh adt. Hengte hian hmathlir an neih tawi zia a entir hle. New Secretariat-a an in sak tum MNF-in an dan tak te pawh hi han thlir ila, nakin lawka kawngpui zauh nana tul leh nghal tur, tuna building sak chi la ni lo a ni. Tunah hian kawngpui zauh hnathawh hun lai tak a ni. Sorkar ram a ni chung chung hian duh thala kawngpui zauh hmasak a tul takzet.
RK Sanga
————–
Saron Vengah chuan thla 1-ah tui vawi 2 chauh a haw a, tui bill Rs.800/- a ni mai chuh rilru a na duh thin khawp mai.
No. thup
—————
CYMA lehkhathawn ngai ta tlat mai hi an inenfiah a ngai ta hle a ni lo’m ni? Firfiak lutuk lovin sualte chu a do theih tho va, behchhan nei tha inti taka duh duh dana chet bawrh bawrh hi a tha ber lem lo. Tin, Police lam pawh hian dan ang takin a theih chin chinah dan hi dik takin lek ngam rawh se, an tan a tha hle ang. Tunlai chhanah mi an fing ve tawh hle a nia. Tin, Tanpuia Pachuau hi hei aia nasa hian dan lam thil leh thil dik lo ti thin te chungah hian tan la se, ram mipuite pawh hian full support i pe ang u.
9862322234
————–
Tuirini lei chim chungchangah PWD Minister, Pu Lal Thanzara’n ban chu a inpeih reng a, an party lamin ban a tul an tih loh vangin a bang ta lo va. Mahni party-te chuan a ban a tul an tireng nang. Amah Pu Lal Thanzara’n a mawh (moral responsibility) chu a mimal thu tlukna la-in, an party thu kher la lovin a bang ngam mai tur a ni an a inpeih reng a nih si chuan.
VL Sailo
—————
Jakoba 2:14-ah ‘Thiltih tel lo chu a thi a ni’ a ti a, thil tih tel chu eng nge kan tih chuan Pathian kan rin avangin kan thil tih tur chu zu zawrh loh te, eiruk loh te, dawt sawi loh te, rinawm loh te, mi ram duham taka nek loh te, pawngsual loh te a tam ve mai a, heng zawng zawng tipuitling tur chuan thlarauva kan pian a ngai a, heng tih loh tur kan tih fo chuan kan la piangthar lo a ni mai. Tih loh tur la ti chung renga inkhawmte pawh thil tih tel lova inkhawm a ni a, thil tih tel lova inkhawm chu a thi tho a ni.
9612238063
—————
Aizawl pawh Phone dawr a tam ta hle mai. Servicing erawh hmun dangah daih a ni thin. Phone dawr neitute hian an customer te hi Servicing-ah an lung a awi em tih te hriat zui a va tha ve. A nih loh chuan vawiina Brand hralh kal tak kha tun atanga reilote-ah hralh theih lo brand a ni mai palh ang e. Phone Brand lar deuh pakhat pawh vawiinah chuan a thih tawh hi. Servicing-ah customer te an lungawi loh chuan chu brand chu a dam rei ngai lo.
MR. NOODLE
————–
Mak tih deuh ka nei ve tlat mai. Aadhaar card bawk zawt leh teh ang. Central thupuangtu khan Aadhaar card an neih loh vangin khua leh tui ten an chan tur an chan lohna chhan tur a awm lo a ti si a, Mizoram sorkar hian a kalpui dan hi a fir mah mah lo maw?
Liana
————–
PATHIAN thu awih mai zel hi thuthlukna tha ber a ni zel ang.
Angaihtei, Lungsum
————–
Politics inchirhthehna hi a na zawng hi chu tih chhuah loh mai a tha lo maw? A ninawm deuh thin.
9856624710
—————
Kutdawh khawngaihthlak takin a khawngaihtute pawisa pek Mizote Kristian kan nih avanga a bo ngai lova a sawi ang hi mipui sum/sorkar sumah pawh hian thleng thei sela a va tha dawn em!
Zopa
—————
Kan kuthnathawk, thlai thar zuartuten zan khaw vawt hnuaia tlaivar thaka a tuk Inrinni-a an zawrh tur, an intun nun na ve tur ngawih ngawih, a tuk zinga Dawrpui phei tui pipe puakin a hnawl sak rum rum mai han hmuh khan rilru a va na duh em! An thlai a hnawl bangte lah zawrh tlakin a chhuak mumal tawh der si lo. Heng thilah hian kan sorkar hian zangnadawmna a pe ve dawn lo’m ni? Nge nia heti hian ZPM sorkar hun hi kan nghak zel mai dawn? Ngaihtuahna hi sum sem ringawt lo hian han hmang ve deuh teh se.
Mizo Tlangval
—————-
Kan Zoram sorkar dinglai Congress party hi chu aw a van ngaihtuah chiang lo tak em. Zu zawrh phalna online permit te chu a la siam leh ta nghal nghal a. Zoram thalaite hi min hrai hlum a tum ta vek em ni le? Chu ai chuan Zoram thalaite talent dawnah te hma kan sawn theihna turin hma la zawk se, kan hma lawk MLA inthlan turah sorkar leh chu an tum leh tho awm sia.
B. Lawma, LRS
—————
Khawngaihin Bawhbelah hian Ziona piancham kha en ve kan chak riau, min lo tihsak thei ula kan va lawm dawn ve aw.
CL Dama
—————
Aizawl khawpuia kawngpui enkawl hnathawktu Deptt. pathumte indo tawn tlat anga lo lang kha a va ropui lo ve aw!!
LLK-a
—————
MNF hotute tak hi chu ram hmangaih ber anga insawiin Pathian leh kan ram tan an ti a. An lal hun chhung kum 10-ah khan corruption bak hmuh tur a awm lo.
VL Ruata
—————
Tunge kan vote tak ang tiin i rilru a buai ve em? Kan inang a nih chu. Mahse, rilruah ka ngaihtuah chiang deuh a, vote thlak loh emaw NOTA a han chhut ngawt chu niin ka hre si lo. Heti hian ka ngaihtuah ta a, duh loh rau rauvah Congress leh MNF han vote leh ngawt ai chuan kan la test ve loh midang tu pawh vote turin ka rilru ka siam fel ta mai. An lo fuh leh lo a nih chuan NOTA a ni tawh mai.
Mary Pa
—————
MNF ho hriat atan Congress ho tlin inring tawh lo hian in member-te an NEDP PAWISA hmang hian an hling bet mek a nia, a break in rah vat a ngai. An sum hi in ngam lo mai ang e. THLARAU THIANGHLIM an hre miah lo a nia.
9436958149
—————
