India ramah Covid-19 hi ziaawmin, inkharkhip hi hlih ni mahse Mizoramah hian râlmuan a har dâwn mang e. International boundary kan nei thuiin kan bula awmte lah chu a hnufual zawk te an ni si. Bangladesh leh Myanmar-te an fihlim hma chu hripui hi lo lût thei reng a ni dawn si a. Bangladesh ramria Chakma hote hi a hlauhawmzia hriat chian tira, a vêngtu chan chantir dân kan thiam loh chuan kan invêng kumtluan thei ang em le? Kan chhim lam Myanmar phei chu hripui aiin Arakan Army leh Myanmar sipai indona hi an hlauvin an tuar zawk a, Covid lam rêng an ngaihtuah hman lo. Heng ho hi kan tan chuan hripui kai theihna hlauhawm tak an ni reng dâwn a. Kan sorkar pawh hian he lam ang hian \an a lâk zui a ngai dâwn a nih hi.
Zuitea pu
8415887724
Pu Zonet kan sel ve lawk a nge. Zonet hi ZPM ta bik liau liau em ni?
Neutral pa
7642929719
Zonet Home Crusade a manhlain kan hlawkpui \hin tak meuh meuh a ni e. Hripui vanga lungngai a kan indawm kun tur pawh hlim takin mahni in chhungah kan zaiin kan lam thei a, thlarau chaw min hrai puar \ha thei hle a ni. Duhthu han sam ta zel ila, tuna Live Programme lo awm leh turah hian, Vanlalsailova hi telh ve leh hram dan awm se kan va tihlawm tak em ve aw.
Sangsangi nu
7005887279
Pu Zodintluang, sorkarin sum ren leh fimkhur taka a hmanna chhan chu maw, kan hripui hi engtikah nge a kian anga, a damdawi hi engtikah nge an hmuh ang tih tuman an hre lova, chuvang chu a lawm sorkarin a \ul a tih chauha pawisa a hman ni. NLUP ang a tawngpawng sem pawp pawp chi a ni lo deuh a ni. Nangma sum khan i bial kha lo enkawl ve phawt mai la a \ha ang a.
Peka pu
8837399040
Keini, West Tuipui bialtu Nihara’n Tlabung VLTF te Rs 2000 a pek leh Bindasora a khaw 3 te tan Rs 3000 a pek tih loh chu hmalakna hriat a awm loh lai a, Congress leader te’n sorkar demna thu an sawi fo mai hi a mak hle mai. Tun dinhmunah hi chuan mahni hmazawn \heuhah hmalak tum ta zawk se a \ha mai lovang maw? Tin, Mizote Chakma avanga thi leh khuangcherbo ta mai mai leh kut tuar kan awm ta fo mai hi tun ang boruakah chuan a thinrimthlak khawp ang. Mahse, Home Crusade lai a sual hnathawhah ngai ila, LALPA kutah i dah phawt mai ang u.
Tlabung Uitangrual
9862014844
State dang mi Mizorama tangkhang an awm chuan a buaipui leh chhawmdawl hna chu Mizoram sorkar mawhphurhna a ni. Chutiang bawkin, state danga Mizoram mi tangkhang an awm chuan an awm mekna sorkar mawhphurhna a ni. Kan sorkarin state dangte hnena Mizoram mi tangkhang mekte ngaihvensak tura a ngen phawt hi thil tihawm tak a ni. Chutia an ngennain awmzia a nei lote a nih chuan kan sorkar a chet vat a ngai thung ang.
7005811526
Ram neitute kan sorkar e an ti bawk a, ram leilung fa Mizote ngei Chakmain an khawih a, ram neitu inti ten engtin nge an fa kut thlaktute chungah phuba an lak kan lo thlir reng e, in fate hian.
87946 03279
RLC Business Agency, Health Care Centre Kulikawn inti vawiin thlenga Zonet TV channel-a fakna la chhuak mek hi an phone number rawn dah kha ka phone a, he hna hi an tih tawh loh thu min hrilh a. Pu Zonet, hetiang agency tihtawp tawh fakna la chhuah dup dup hi Programme siamtu ten inenfel tawk lo a nih hmel khawp mai, thil hi felfai deuha tih a hun ve tawh lo maw?
94362 85218
Kan ram a him theih nana New Kawnpui vela 5th IR Duty te kha Chakma mi nia hriat ten an lo sawisak rawn tih thawm te ka lo hre ve a hei hi thudik a nih chuan kan sorkar pawh hi inenfiah a \ul viauin ka hria. Kan mi leh sa te an ni tia kan lawi luh ho hian eng vanga hetiang te a che ngam nge an nih ang? Nakinah phei chuan kan in chhung ngei a\ang hian min pet chhuak lovang tih a sawi theih loh. Dik taka sawi chuan an duh lo chung lakluh te an ni a, an in sak nan leh an eizawn bul \an nan cheng nuai eng emaw zat pek an la ni zui. Sawi thui deuh hlek ta ila, tun hma, Manipur buai lai vel khan inhumhimna zawnga zohnahthlak kan unaute chhungkaw tam takin Mizoram ngei an rawn bel a, chung ho chu silpaulin zar hnuaiah kan awm tir a, chuti chung pawn an phunnawi lo reng reng. Tuna duh taka kan lak luh Chakma ho khan thil phut tam tak an nei a, chung ho chu kan sorkar pawn a theih chin chin a tih hlawhtlin sak zel bawk a, chuti chung pawn kan ramah ngei kan mi leh sa ten an kut an han tuar leh hlek phei hi chu kei chuan a pet a pet chhuah a ni ka duh ni.
Chhaktiang Keite
76279 14601
Local Task Force hote in thawhrimna leh in inpekna a ropui takzet a, ka chhuangin ka ngaisang takzet che u a ni. In thawh zelna turah duhsakna ka hlan a che u. Chutih rual chuan han sawi ve duh pakhat ka nei a, inti task force deuh ho hi duty tir ve lo mai teh u, a hahthlak tlat, thuneihna zawng zawng nei emaw inti tlat ho hi. Thawh\anni tlai office kan bang chu Traffic police leh police duty tam tak an awm a, kawr hmaa Official Duty langsar taka bel chungin in lam kan pan a, Bazar Bungkawnah sawn traffic leh police hote pawn min hmu a, min en liam mai a, task force member pakhat chuan min tiding meuhin, ka kawr hmaa intar chu a en a, min kaltir veleh mai bawk a. A chhiar thiamin a hrethiam ve a ni chek ang chu. Tun ang hunah \ul lova chhuak lui chu an tam vakin ka ring lo va, an rinhlelh zawng, tleirawl deuhte chu lo tiding se ka hrethiam. Kawr hmaa langsar taka tar hnu pawha min tidingtu kha chu ka nuih a tiza angreng khawp mai. In thawh \hat rualin hote teah in hmingchhe ve thei tho tih hre rengin fimkhur tak siin thawk turin ka ngen che u a ni.
87945 19384
Ka hresual a nih loh chuan kan police officer rual inhmukhawm kha ni tin 1600 vel lockdown chhunga duty ang kan ni an ti a. A nih chuan IR battalion 5 te, kan MAP battalion 3 te, Police leh traffic te lo duty ni ta se a dang zawng hian eng nge an tih? Battalion chhungah hlawh baka hrawk chawm thlawnin an awm mai mai tihna em ni? 1600 hi Aizawl chauh an tihna a nih chuan ka hrethiam. Mizoram pum atan chuan an va tlem em. Ral kap tur pawh ni lo, ven hna ringawt thawk tur a ni a. Hetih laia tlawmngai pawl hlawh nei lo zawk an hah em em ringawt hi chu a dik thei lo. Hlawh hmu tlakin duty tir rawh se. Nupui fanau nei chu an awm teh meuh ang, mahse a tam zawk chu nei lo an ni awm si a.
No. thup
70051 06763
Kan ram mi, kan Mizopui thli leh ruahpui pawh sawi thei lova Mizoram leh mipui kan kan him nan a DUTY Chakma ten khawngaihna tel miah lova an sawisa mai hi na tak a ni. A sawisatute hi na takin an chungah hremna lek ve rawh se. Sorkar hian Chakma mai mai dim miah suh se, Chakma a kara misual leh nghal.
Marami Chawngthu
70852 10279
A lehlam zawnga thlirin coronavirus hrik kai ho hi mi changkang ber ber te, British PM, Canada PM, a ram zawngin han thlir ila, khawvel ram ropui leh hausa ber ber ram te an ni hlawm. Keinin zahthlak leh thinhrik deuh a kan ngai deuh ringawt a, hmingte kan han zep deuh bawk a. Mizo veitute pawh hi mi naran chunglam an nih hi maw le. Chuvangin a thinhrik leh bawlhhlawh lutuk ang hi chuan a veite hi en lutuk lo ila a \ha lo maw?
RK Sanga
94361 90314
Pu Zodintluanga, Minister hlui hian hmun dang a awm kan unau Mizo te hi a vei hmel si a ama mimal pawh mihausa tak a nih kan hre vek a, mi \hahnemngai tam tak pawhin \anpuina a rem dan danin an pe a, a pe ve ang em le? A vei hmel si a.
76408 20756
Mizoten kan zia kan thlak hleih theih loh pakhat chu teirei peih lohna hi a ni. Coronavirus a rawn hrang a namen lovin kan hlau a, dawt leh thu dik pawh hriat harsa khawpin kan insawi\haih a, thla khat erhawrh a liama, kan inthlahdahin kan pawlawh leh ta viau mai. In zirtirna \ha leh felfai zawk hi inthlahdah lova kan inzirtir zel a va ngai em. Hnampui inti, US leh UK ho intifing lutuk, ka dikna chanvo ti a, iak iak ho chu, hriin aman zawih zawih mai khu. In tifing mai lovin thuawih leh teirei peihna nen, he hripui hi i do tlang teh ang u khai.
LEMMY
70058 35399
MNF party thuchhuah, Chakma tlangval rualin Police duty pahnih kut an thlak chungchang, “tumahin politics-a ham\hatna atan hman tum loh ni se,” an han ti thla ngawt kha ka mang an ti ang. Vibrant Chakma Kingdom puan kal zel rah kan seng a nih vel mai mai hi. Issue lian tham deuh, MNF party leh a sorkar mualpho theihna tur chiah hian eng pawl pawl emaw ni hian “Politics-a ham\hatna atan tumahin lak loh ni se” tih an ching ta riau mai. Work order hrang hrang a chhuah hnu hian a zual deuhin ka hria.
Hrangchala
Kan ram a Covid-19 vei enkawl mek hi enkawlna a rei tawh ngaihtuahin a va \ha chak lo tehlul em. A enkawlna dawn danah fuh tawk lo deuh te a awm a ni thei mai ang em le? Manipur-ah chuan an enkawl dam chak riau mai, kan doctor thiam tak te hian he natna enkawl dan turah hian zir tur an la nei a ni thei mai lo’ng maw, tihte min ngaihtuah tir. Enkawl ngai kan tam ang tih a hlauhawm em mai.
