“BJP thunun theih loh sorkar kan siam a \ul” ti zurh zurh si a, CADC-a BJP thlawpa sorkar siam leh si hi eng nge a awmzia? Thusawi awmze nei reng reng lo chhakchhuah hi a zahthlakin a va tenawm tak em!
Citizen
————-
Hmanlai chuan lal ngai lo lal a na kan ti \hin. Tunah chuan lal ngai lal a na kan ti tawh.
Rohminga, Tuma pu
————–
Mizoram hi India ram State-ah BJP MLA awm lohna awm chhun, Lalpa hming lansarhna awmchhun kan ni. Tun inthlan hian kan rama Krista lal ram humhimna leh humhim lohna a keng. BJP MLA tel lohna i siam ngei ang u.
RK Sanga
————
Ram leh hnam tana nunna hlan chu sawi loh, thisen far 1 pawh la far ve ngai reng reng lo, a ralmuang chin leh tapchhak zawl a\anga inthlan dawna ram leh hnam hmangaih thar ta thut, Facebook leh Fakselna vela inti huaisen ve, ui dawih an sawi ang maia a seh tak ngam mang si lo, Val tin kuahlawri zuna uai ang maia pawl zawng zawng luhchhuak kim, Pu Lalduhoma leh a pawl ZPM inti ten Unit khat pawh awm lohna West Tuipui bialah candidate an rawn dah ve ringawt hi a han tlin loh tur zia hi chu, fanghmirin saia i sawn ka pai a tih ang vel a ni. Eng rilru pua dah nge an nih tih hi a ni.
Tlabung Uitangrual
————-
Kum 1993 inthlana Aizawl North II-a thil thleng ang kha a thlen lohna turin Aizawl West I leh Serchhipah hian ZPM-in fimkhur taka hma an lak a \ul. Tin, Kristian Ordained Minister inti, Vairama Pathian tana kum 30 zet rawngbawl \hin pawh kha vairam lama thuneituten an rawn tirh chhuah, tu emaw ti tla tura Aizawl West I-a in candidate tir a nih ngei a rinawm. Chuvangin Aizawl West I-ah rul anga finga \huro anga nunnema hmalak a \ul. |halaiten sum an mamawh em hi. He Reverend hian vaibelchhe engzat nge a rawn chhuahpui tih chu hriat ni suh, a tam hle ang tih chu a rin theih thung. Vanglaini Dt 10.11.2018-ah a chanchin tlem chu Rev. Chuau\huama’n a rawn ziah tawh kha, chhiar nawn leh teh.
8787499535
————
An opponent party te chuan ZPM chu an hmu lianin an huphurh ta deuh em ni? Beihna tur fumfe hre si lovin thu fahrah te te, Independent candidate chungchang leh adangte hmangin an bei ta vel mai mai! Tin, Val Upa Council chungchangah pawh hriat \helh lian tak an nei bawk. Communist Political Ideology nen hi chuan bel khata chhum chi a ni lo ve! Mizorama political party dangten PAC, High Command etc. an neih ang tho hi a ni e. Tin, a hrechiang duh chuan an office-ah zawh chian mai nise a finthlak ber awm e.
T. Lalbiakhlua
————–
Kumina kan rama buh han hlawk loh zia em em hi! Kan Pathian hi kan tilungawilo takzet a nih hmel khawp mai. Anchhia kan dawng a ni mai ang em le? Kan ram roreltu tur kan thlannaah mipui i fimkhui ang u, Pathian anchhia kan dawn belh lohna turin.
Carolini pu
————-
Local TV news-ah hian Party hrang hrang mi thar lawm luh chungchang an rawn tilang \hin a. Party dangin an lawm luhte thla tihlan tur an neih mumal ngai loh laia MNF-in an tilang \hut thei bik zel hian hmingthup lawm luh ringawt chu a nih hmel chiah loh. An sorkar hmel ta riau mai.
7005811526
————-
Mizoram University chu a lo va nawi ve aw. Hetiang chuan kan tu leh fate kalna tlak a ni dawn lo tawp mai. Tuna a kal meka te pawh hi thiam mang lova certificate an neih nual ka ring ta tlat mai. A va zia lo em.
MIZO TLANGVAL
————–
Pu Robert Romawia leh Pu Zoramthanga te an kawmna ka lo en ve a, hemite pahnih combination fuh tur zia leh kan ram chu khitah min thlenpui tlat hi ka ring tlat a ni. Vision nei \ha leh sum haichhuak thiam kan State leh an bial tur ve ve te tan a va nihlawh thlak dawn em.
RUATSANGA RENTHLEI
————-
Tunlaia party-in an lawmluh ho hi politics eizawn nana hmangtute an ni a, kan hnam hmelma, kan ram tichhetute an ni. An luh ve vak lohna party-ah hian hnam damna chu a awm.
Lalpa Zawlnei
———–
Bible House bula lei dawh mek hi kum engzata siam zawh tur nge hriat a chakawm hle mai. A rei tawh em em dan hi. A siamtute hian Mizo mipuite pawh hi zahna an nei lovin an hlawkna tur chauh an ngaihtuah em ni tih a awl ta riau mai.
LT Ralte
————
Inthlanpui chu kan lo hnaih ta hle mai. Chutih rualin sawichhiatna leh elrelna karah ZPM chuan hma a sawn duai duai zel ta mai a nih hi. Zoramthar siam turin Zoram mipuite \angrual ila, CHANGE i siam ang u aw.
9862357839
————-
Bo zawng zawngah HNAM BO nih a pawi ber. Tuna kan sorkar kal dan hi chuan HNAM BONA kawng a zawh.
A eibil thei thei din channa leh a pamham ham te din channa system a ni tlat.
Kalphung thar, mipui sorkar ZPM kan vote a ngai ta e.
Vanlallura, Venghlui
————-
Kan rama Party hrang hrangte hi a mal mal hian an chanchin hi sawi dawn chuan sawi tur tam tak ka nei. Mahse chutiang lam sawi lovin he thu hi ka sawi duh. Pathian hming lama Pathian ko \hin i nih chuan zu zuar sorkar leh Party hi i sawimawi lo teh ang u.
L. Hauheng
————-
MLA Candidate atana mithiam an tih ho, a bik takin University Lecturer/Professor ho hi kei chu ka pawm zik tluak lo tlat. A chhan chu MLA tling lo mahse hna ngai an thawk leh mai a, ram hmangaihna vanga rawn penchhuak niin a lang lo. Ram hmangaih tak tak leh mithiam dang, chhungkua leh eizawnna aia ram tana inpe an tam lutuk. Mithiam hi eng a\ang hian nge kan teh \hin le? Ram leh hnam tana inpe leh thluak \ha hi mithiam dik tak chu an ni zawk.
LB-a Pa
————-
Inthlan dawn hnai tawh takah Lawngtlai khawpuiin current kan la in enchhawk zak zak hi chuan Congress vote a harsa awm mang e.
Hmanni lawka Tuirial HEP Pu Modi-a’n a hawn tak kha inbumna lian tak a va ang ta em. Pu Modi-a khan Mizoram chu power-a intodelh State in ni tawh e ti khan min puang a ni si a. Zonet Zing Daifim lahin load shedding awm lovin eng pek a ni a ti zel bawk si. Mizoram sorkar hian Mizo mai ni lovin India PM thlengin a bum a nih hi mawle. District khawpui dangte kha hetianga in enchhawk khawpui hi in awm ve em?
Nge Lawngtlai LADC \huthmun kan nih avang leh sorkar laka kan ngawih theih em avang hian min zuam bik em ni zawk?
The Lawngtlai Chandmarian
————-
