ZPM hian Congress ni lo, MNF ni lo sorkar siam an tum thu hi tunlai hian an tlangaupui nasa hle mai a, politics-ah tawnhriat an la nei lo tih a chiang mange. Mizoram mipui za zela 80 vel hi MNF leh Congress-ah an awm tih hi hria se chuan an zak ve ngawt ang chu.
7642929719
—————
ZONET Fakselnaah VL Ruata khan “Congress chauh kha BJP zawm thei lo an ni” a rawn ti maw kha? Tun hnai maia kan rama Chakma ADC leh Karnataka State inthlana sorkar an siam danah khan Congress-te khan BJP zawm ni mai lovin an kephah hnuaiah an zangthal der a ni lo’m ni?
9612691391
———————-
Kan ram enkawltute hi ka ngaihtuah \hin a, \an lak a ngai hle mai. Kan zirlai pawl ho hian lo hre teh u. District hrang hranga DC-te hi hnamdang an ni a, Mizo kan neih te chu hmeichhia an ni a, thildang dang vei lovin kan ram veitu tak tak chuan zir fat fat mai teh u.
9612216335
———————
Kan ram, kan hnam leh mipuiten chak taka hma a lo sawn theihna tur leh chhungkaw tin ten kan fairel bel \heuha development a lo zuan luh theihna atan he pawl thianghlim leh virgin ZPM hi hnathawh kawr kan hak tir a ngai ta. Party lian intite pahnih hian eng tikawng zawng mah hian kan ram leh mipui hi min chhawmdawl an tum tak tak lo a ni ber. Chhawmdawl a hnekin vote zawn nan leh lalna chiah changa mipui hi thuhnuaia dah tum tlattute an ni zawk. Lalna hi Pathian \ih mi leh kan ram, kan hnam leh mipui hmangaihtu tak tak te chuan thuneihna hi mipui kutah an dah \hin. Keini ZPM chuan heng thuneihna hi kalphung thar a nihna ang ngeiin mipui kutah dah a tum tlat a ni. Mipuiten kan zalenna huaisen takin kan duh kan thlang ngam tur a ni. ZPM chuan kan lo hmuak a che u in vaiin.
MS Chhakchhuak, Aizawl
———————
Bru ho hi Bangladesh-ah an ram tur dil sak mai ang u, an ninawm tawh em mai.
SANGA, AZL
—————
Fakselnaa Pu Zorama a zam deuh avanga ZPM tlawn anga rawn sawitu khan ram leh hnam chhan nana Martar chu sawi loh hrehawm tuara chaw vawi khat pawh la nghei ngai lo, ram tana \angkaina pawh hriat tur awm si lova thil awm khan lo pui pui i rawn auchhuahpui ve ringawt zel mai hi chu “Nasa takin hmangaih rawh” tih ang vel chauh a ni. Nasa takin han infak viau \hin mah ula, rindan insawisiak leh mi sawichhiatna mai niin a lang. Chuvangin rin thil thu mai maia kal hi a hun tawh lo tih hi mipuiten i hria ang u. Lungrualna hi ram leh hnam tan himna kulhpui ber a ni si a.
Tlabung Uitangrual
————–
Vawiin Vanglaini Chanchinbua ‘Fur khaw thiangah LELTE-PA’N MIN AWI’ tih thupui hmanga Mafaa Hauhnar thuziak hi a va \ha em. Mi zawng zawng chhiar atan leh zawm \heuh atan a \ha takzet e. DAN LEH THUPEK HI HRIAIN ZAWM |HEUH I TUM ANG U KHAI.
9862859675
————–
ZPM-in sorkarna an chan hunah chuan Lokayukta hman a nih rualin eiruk kawngkhar veng turin tualchhung, khawtlang leh block-ah committee din a ni tur hian Zoram tan bungthar a siam ngei dawn e. ZPM FULL SUPPORT.
Zoramveia, Aizawl
—————-
July ni 20, ZONET Zing Daifim-ah khan Kolasib-a kuhva chingtuten Myanmar a\anga kuhva lakluh a tam vangin an kuhva tharte hralhnaah harsatna an neih vanga harsatna DC hnenah an thlen thu leh DC chuan Champhai DC pawh sawipui a tum thu sawi a ni a, border trade kalpui hi sorkarin mipui leh ram tan \ha tura hma a lakna a ni a, mi tlemte-in kan \anghma kan ngai lutuk a, sumdawng pawl dangte pawhin phailam a\anga thil \henkhat hetiang deuh hian an lo dodal tawh bawk. Mahse, hei hi lo hre hlawm teh se. Mipui nawlpui, mi retheite hian thil man tlawm zawk kan ban phaka awm apiang hi kan bawh lo thei lo. A man thu hlaah mipui nawlpui ngaihtuah miah lova, duh zat zat chhiar mai duh vang a nih hmel a, hei hi mahni hmasialna dik tak a ni. A man tlawm se, ramdang kuhva leh thil dangte pawh kan lei lo mai ang.
Zuitea pu
————–
Mizoram hian zu kan ti nihlawh hle mai. Zu hnathawh avangin thin te a lian a, thisen sang te a siam a, internal bleeding te a siam a, \henkhatah chuan cancer te pawh a siam ang. Kan han thih phah ngeia, thih chhanah zu ti kan la awm hauh lo, thin \ha lo adt. kan pu zel mai. Hmingchhiatna hi zu khumtir hi a \ha tawh lo maw?
RK Sanga
————-
Bru (Tuikuk kan tihmai \hin) ho chu hruaikir ngei ngei chi an lo nih kha. An vote atam tham emai. Keimah Congress pachal ngat, Lianvela.
—————
Zing Daifim thupuana Hospital Doctor-te \hut ni tihah hian a ngai an \hu ang tih hi a va namnul \awngkam em aw. Mi tharten a ngai an hre lova, nimina damlote tho kha an inentir nawn dawn tihna ni maw! Changtlung taka thupuan \hin hi a \ha e.
LB-a Pa
—————–
Chakma leh Bru chungchang hi a hneawm ta hle mai. A ram leilungfaten ram fit khat bial pawh kan neih loh laia an ni awm \ha duh loten ram an rawn hauh ngawt mai hi chu ka chekin a mil lo. Pu Zira a ti \ha e. |ang fan fan.
K. Hautea
—————
Ka rilrua awm ka vei ve ka lo tarlan duh chu zirtirtu bikah sorkar hna kan zawn laiin kan hmuh theihna tur a nih chuan khawihmun hrehawm pawh huamin kan buaipui a, mi duhsakna changin ka’n hmu ve ta cheng a, rei awm \ha leh duh mang lovin chhuanlam fahrah te te kan zawng a, khawpui luh thuai tumin politician leh thil ti thei kan tlawna, zar peihtu chu anni lah chuan an theihna tihlan nan kawng an lo sial sak a, a tawpah chuan khawpuiah bawk senglutin office-ah te an dah kuala, hei hian rah \ha a chhuah tlem khawpin a lang. Hna kan dil laia hmun hrehawm berah pawh ti si khan eng vangin nge khawpui sikul leh office kan beisei tlat \hin aw ka tia, a Kristian lo hle-in ka hre \hin. Teacher nih chuan sikulah te awm mai hi a fuh ang em? Kuang lo nawr hi kan ni thei em tih hi ka zawhna a ni. Hetiang thil kan sim hma hi chuan thingtlang zirna hi a \hat ngai ka ring lo.
8794281207
—————–
