MNF Party hian zak map lova sorkar leh ngei chu an tum ruh hle mai maw? Chuti a nih chuan an Senior Vice President an tih ho Minister hlui thlam ropui tak tak neite leh an pu ber dawtsawi hrat zet te hi din tir tawh lo se an tifuh tep mai thei a ni. A fanu pawh zai lama lar ve tak, Minister hlui pakhat phei kha chu hmanah a campaign-naah chhungkaw harsa tak hnenah min vote ula ka tlin phawt chuan PUANTHUI KHAWL ka pe ang che u a ti emaw ni. A lo tling a, Minister hial a rawn ni a, chu mite chhungkua chuan puanthui khawl chu an dil ta a ni awm a, a ni ta pek chuan ‘chutiang ka ti lo reng reng, engah nge dawt inrawn sawi, chhuak rawh u’ a lo ti zek a ni awm a, tap zawih zawih leh zak zetin an haw ta ni tur a ni. Bakah khang ho mi hlui pui pui ho kha mi rethei leh mawl zawkte tan BIAK an hrehawm lutuk reng reng mai. Ka MNF ve thin tehreng nen khan kum 10 chhung mihring mizia kan han inhriatchian meuh chuan KA HNE hnawk thei mai.
Tlangvala
—————-
Kan ram hruaitu lu ber chu huaisen taka dawt sawia puh a ni ta mai hi a mualphothlak takzet. A dik a nih ngat chuan hnam anga mualphona tling a ni. Ram hruaitu chu sawi loh, chhungkaw hruaitu tan pawh dawt sawi a tha lo, malsawmna-in a kiansan mai thin a ni.
RK Sanga
—————-
Rahul-a te chuan na la awm chhun, Uitangrual pawhin a bauh din theih loh nia insawi, Saipui kal lai inti, tuna kan CM ni mek bawk chuan Zoram Kristian zaa za inchhal ve ngam, Zohnahthlak te ram chu DAWT Tsunami-in min sawi nghing vel chu a ni ta ber mai a, heti chunga a hnung la zui tlat tute hi ram hmangaihtu dik tak chu an ni thei dawn em ni? Ram leh hnam din chhuahna a tana thil pawimawh ber zawk chu mak sak pui puia insawichhiat vak vak ai chuan min siamtu hre reng chunga rinawmna, taimakna te leh lungrualna te hi ram leh hnam tana himna kulhpui ber chu a lo ni.
Tlabung Uitangrual
—————–
Kei inti ve ve Hriata leh Hawla tunge chak zawk i lo thlir ang u. Kut kuangkuah meuhin lo thlir ve teh u.
Duata pu
—————-
Pu Hawla hi chu lal tawh lo hram se ka va duh em.
9862968275
—————-
Pu Hawla leh a hote NLUP Kut an hmang dawn maw? NLUP la la ve lo mi rethei harsa tak tak an tam si a, Zoram mipui tam zawkten an va ngai ho dawn em. Mi rethei harsa dawmkanna a ti a, a sem tlem thei sia, hmalakna tlakin sem hek lo. Kan khuaa dawng ho pawhin engah maha chan an awm lo. Hmasawnna a awm lo, ho tak a ni.
RS-a
—————–
Thil tih that sawi vak vak leh sakhi ngalah engmah a bet lo, thil tih tha ni awm taka insawi vak vak hi hmuh tur a awm leh si loh hian a hrilhaithlak thin a, chuvangin kawng kan siam emaw, kan lai emaw, kan blacktop emaw, sawi sawi lovin kan tih that te chu a takin lo lang mai se tih hi a ni zawk. Ka piangthar ring taka ka tih aiin ka nundanin thu a sawi ring zawk. Bawngin bawng ka ni a ti ngai em ni? Ui pawhin ui ka ni a ti ngai em ni? An nun leh an hmel leh che ziaah a lang vek a, keini ve thung chu ring tak takin a theihna a piangah kan insawi rin siak a, awmzia a awm lo, mahni insawi chhe mai kan ni. Theipui pawh a rah awm lovin a hnah duah hluah ang mai kha kan ni e. A zung lama phawia hau hlum mai hmabak mai kan ni si a.
9612238063
—————-
Ziak mi leh thusawi mi thenkhatten kan ram dinhmun chu heti mai hi a ni e ti a sorkar lai apiang an dem ngawt zel hi a dik zik tluak bik lo tlat. Kum 20/30 kalta thlirlet chuan hmasawn tawh tak kan ni zawk. Tupawh sorkar se, hmasawnna an kalpui thin a, sorkar tichak tur hian mipui pawhin tawiawm ve hi kan tihmakmawh a ni e. Media mi tam tak hi rak ve satliah, engmah ni bik lo tur an tam ve mai.
LB-a Pa
—————
Election kan hmachhawn turah hian ZPM hian sorkarna siam ta se tute hi nge Minister ang aw te ka lo ti vel ve mai mai a, eiruk do ngam lo bawkte hi Minister leh fur mai lo’ng maw?
Peka pu
—————-
Krismas & kum thar result chu a lang ta sup sup mai le! A Kristian tian hian kan hmang bawlhhlawh tlat a lawm tiraw? Enge pawi? Kan kang hmui rum rum mai a ni ang chu!
8413030623
—————
